Genesa 19:2 - Xitsonga (Bibele)

² a ku: “Vonani, tihosi tanga, ndza mi khongela, hambukelani endlwini ya nandza wa n'wina, mi etlela kona, mi hlamba milenge; kutani mi ta vindzuka nimixo mi famba hi ndlela ya n'wina.” Va ku: “E-e, kambe hi ta etlela ehubyeni.”

BIBELE Mahungu Lamanene

² a ku: “N'we vini vanga, hambukani mi nghena emutini wa mina nandza wa n'wina, mi ta kumanyana swo phumunha ritshuri emilengeni, mi xwa kona vusiku bya namuntlha, kutani mi ta pfuka nimpundzu mi ya emahlweni ni riendzo ra n'wina.” Tintsumi ti hlamula ti ku: “E-e, hi ta etlela kwala rivaleni ra muti.”

Genesa 19:2 Referans Kwoze

Genesa 18:4

Ha nga lava matinyana, mi hlamba milenge, mi wisa ehansi ka murhi.

Vaheveru 13:2

Mi nga rivali ku amukela vaendzi, hikuva hakona van'wana va amukerile tintsumi va nga swi tivi.

Timhaka 16:15

Kutani, kuteloko a khuvuriwile ni va yindlu ya yena, a hi khongela, a ku: “Loko mi ndzi kumile ndzi ri la tshembekeke kunene eka Hosi, mi nga nghena endlwini ya mina, mi tshama kona”; a phikelela leswaku hi ya kona.

Luka 7:44

Kutani a rhendzelekela ka wansati, a ku eka Simoni: “Nsati loyi, wa n'wi vona-ke? Ndzi nghene endlwini ya wena, a ku ndzi hanga mati ndzi hlamba milenge; yena u tsakamisile milenge yanga hi minyembeti, a hlangula hi misisi ya nhloko yakwe.

Yohane 13:5

Kutani a chela mati enkambaneni, a sungula ku hlantswa milenge ya vadyondzisiwa va yena, a sula hi nceka lowu a titsimbeke ha wona.

Genesa 19:1

Tintsumi letimbirhi ti fika eSodoma enkarhini wa madyambu, kutani Lota a a tshamile ehubyeni ya Sodoma. Kuteloko Lota a ti vona, a suka a ya hlangana na tona, a khinsama ehansi,

Genesa 19:3

Kutani Lota a phikelela ngopfu, va ko va hambukela eka yena, va nghena endlwini ya yena; kutani a va lunghisela xilalelo, a sweka xinkwa lexo kala comela, va dya.

Genesa 24:31

A ku eka yena: “Tana, wena la nga katekisiwa hi Yehovha! U yimela yini la handle kasi ndzi lunghisile yindlu ni ndhawu ya tikamela?”

Genesa 43:24

Munhu yeloyi a va heleketa endlwini ya Yosefa, a va nyika mati, va hlantswa milenge ya vona, a fihluta ni timbhongolo ta vona.

Risimu ra Tinsimu 5:3

Ndzi hluvurile nguvu ya mina; ndzi ta yi ambarisa ku yini? Ndzi hlantswile milenge ya mina; ndzi ta yi nyamisisa ku yini?

2 SAMIELE 11:8

Davhida a ku eka Uriya: “Xikela endlwini ya wena, u ya hlamba milenge,” kutani Uriya a huma endlwini ya hosi, kambe tinyiko ta hosi ti huma endzhaku ka yena.

Ntirho 31:32

Muendzi a nga tshamanga nivusiku ehandle, A ndzi tshama ndzi pfulela mufambi nyangwa ya mina.

Swivuriso 25:17

U nga toloveli ngopfu ndyangu wa warikwenu, A nga ti kolwa ha wena, a tlhela a ku venga.