Genesa 19:15 - Xitsonga (Bibele)

¹⁵ Kutani kakuloko vurhonga byi xa, tintsumi ti sindzisa Lota ti ku: “Pfuka u teka nsati wa wena, ni vana va wena lava u nga na vona la, u nga ti tshuka u lova hikwalaho ka ku homboloka ka muti.”

BIBELE Mahungu Lamanene

¹⁵ Loko vurhonga byi tshwuka, vavanuna lava va tintsumi va byela Lota leswaku a hatla a huma, va ku: “Pfuka u teka nsati wa wena ni vana va wena lava vambirhi va xisati lava u nga na vona, mi ta ka mi nga herisiwi swin'we ni muti lowu loko wu avanyisiwa.”

Genesa 19:15 Referans Kwoze

Nhlavutelo 18:4

Kutani ndzi twa rito rin'wana leri humaka etilweni, ri ku: “Sukani eka yena, n'wina va tiko ranga, leswaku mi nga tshuki mi nghena eku dyoheni ka yena, kutani mi nga ti weriwa hi makhombo ya yena.

2 Vakorinto 6:2

Hikuva xi te: “Ndzi ku yingisile enkarhini lowu fanekeleke, ndzi ku pfunile enkarhini wa ku hanya.” Sweswi, hi wona nkarhi lowu fanekelaka; sweswi, hi rona siku ra ku hanya.

Genesa 19:22

Ntsena, hatlisa u tsutsumela kona hikuva a ndzi nga swi koti ku endla nchumu u nga si fika kona.” Hikwalaho va nga thya muti wolowo vito ra Sowara (hileswaku vutsongo).

Genesa 19:17

Kuteloko va va byisile ehandle, un'wana wa vona a ku: “Baleka, hikwalaho ka vutomi bya wena, u nga languti endzhaku, u nga yimi kwihi na kwihi erivaleni; balekela entshaveni u nga ti tshuka u lova.”

Genesa 19:14

Lota a huma, a ya byela vakon'wana va yena lava ngi va vutile vana va yena, a ku eka vona: “Pfukani mi huma exivandleni lexi, hikuva Yehovha u ta lovisa muti.” Kambe eka vakon'wana va yena, a va swo ngi wa hleka.

Genesa 19:16

Kambe a hlwela, kutani vanhu valavo va khoma voko ra yena, ni voko ra nsati wa yena, ni mavoko ya vana lavambirhi va yena, hikwalaho ka tintswalo ta Yehovha eka yena; va n'wi humesa handle, va n'wi tshika ehandle ka muti.

Pisalema 94:23

U ta vuyisela ka vona ku homboloka ka vona, U ta va herisa hi vudyohi bya vona; Ina, Yehovha, Xikwembu xa hina u ta va herisa.