Genesa 18:8 - Xitsonga (Bibele)

⁸ Kutani a teka mafurha, ni ntswamba, ni rhole leri lunghisiweke, a swi veka emahlweni ka vona; kambe yena a yimile ekusuhi na vona ehansi ka murhi, kutani va dya.

BIBELE Mahungu Lamanene

⁸ Kutani Abrahama a teka phehlwa ni ntswamba ni nyama ya rhole leyi a yi lulamiseke, a ya swi veka emahlweni ka vona ehansi ka murhi, a yima kwalaho tlhelo loko va ri karhi va dya.

Genesa 18:8 Referans Kwoze

Genesa 19:3

Kutani Lota a phikelela ngopfu, va ko va hambukela eka yena, va nghena endlwini ya yena; kutani a va lunghisela xilalelo, a sweka xinkwa lexo kala comela, va dya.

Nhlavutelo 3:20

Waswivo, ndzi yimile enyangweni, ndza gongondza; kungakuloko un'wana a yingisa rito ra mina, a pfula nyangwa, ndzi ta nghena eka yena, ndzi lalela na yena, na yena a dya na mina.

Vagalatiya 5:13

Vamakwerhu, mi vitaneriwile eku tshunxekeni; kambe ntsena mi nga tshuki mi endla ku tshunxeka wu va nkarhi wa ku hanya hi nyama, kambe tirhisanani hi rirhandzu.

Timhaka 10:41

ku nga ri ka tiko hinkwaro, kambe ku ri ka timbhoni leti Xikwembu xi ti hlawuleke eku sunguleni, hi nga hina lava hi nga dya, hi nwa na yena, loko a pfukile eku feni.

Yohane 12:2

A endleriwa xilalelo kona, kutani Marta a a va tirhela. Lazaro a a ri un'wana wa lava tshameke eswakudyeni na yena.

Luka 24:43

yena a swi teka, a dya emahlweni ka vona.

Luka 24:30

Kakuloko a ri etafuleni na vona, a teka xinkwa, a khensa, kutani a phema, a va nyika.

Luka 17:8

Xana a nga ka a nga n'wi byeli: ‘Ndzi lunghisele xilalelo xa mina, tibohe xisuti u ndzi tirhela ndzi ko ndzi heta ku dya ni ku nwa, endzhaku, u ta dya, u nwa’?

Luka 12:37

Ku katekile malandza walawo, hosi ya wona, kutakuloko yi fika, yi ma kuma ma yi langutele! Kunene, ndzi ri eka n'wina: Yi ta tiboha xisuti, yi ma tshamisisa eswakudyeni, yi ma tirhela.

Nehemiya 12:44

Siku lero ku vekiwa vakamberi ku kambela makamara ya vuveko bya mihlengo, ni bya swirhangana, ni bya ku pambula ka hi khume va ta hlayisela kona mihlengo leyi humaka emitini ya matlhelo, swi ri leswi averiwaka eka vaprista ni Valevhi hi nawu, hikuva ku tsaka a ku ri kona eka Yuda, hikuva vaprista ni Valevhi va tlherile va yima emahlweni ka Xikwembu,

Vaavanyisi 13:15

Manowaka a ku eka ntsumi ya Yehovha: “Hi pfumelele hi ku sivela, hi ku lunghisela ximbutana.”

Vaavanyisi 5:25

Sisera a a kombele mati, a n'wi nyika ntswamba, A n'wi tisela mafurha ya wona hi nkambana wa tihosi.

Duteronoma 32:14

Hi mafurha ya tihomu, ni ntswamba wa timbuti, Hi mafurha ya swinyimpfana, Ni ya makhuna la tswariweke Baxani, ni ya swiphongo, Hi mapa ya ku saseka ya koro. U nwile vhinyo yo nandziha, yi ri ngati ya xidzumba.

Genesa 18:7

Kutani Abrahama a tsutsumela etihon'wini, a hlawula rhole ra nyama ya ku olova ni ya ku nandziha, a nyika nandza leswaku a hatlisa a ri lunghisa.

Genesa 18:9

Kutani va ku eka yena: “U kwihi Sara, nsati wa wena?” A ku: “Hi loyi, entsongeni.”

Esaya 7:15

U ta dya phehlwa ni vulombe, a ko a tiva ku ala leswo biha, ni ku hlawula leswo saseka;

Esaya 7:22

kutani hikwalaho ka ku tala ka ntswamba va ta dya phehlwa ntsena. Hikuva hinkwavo lava nga ta va va sele etikweni rero, va ta dya phehlwa ni vulombe.