Genesa 18:6 - Xitsonga (Bibele)

⁶ Abrahama a hatlisa a nghena entsongeni eka Sara, a ku eka yena: “Hatlisa u teka mimpimo minharhu ya mapa, u kanyanga, u endla swinkwa.”

BIBELE Mahungu Lamanene

⁶ Kavaloko Abrahama a hatlisa a ya eka Sara entsongeni, a fika a ku: “Hatla u teka swirhundzu swinharhu swa mapa lamanene, u ma pfuva u sweka swimbhundzwa.”

Genesa 18:6 Referans Kwoze

Matewu 13:33

A va byela xifaniso xin'wana, a ku: “Ku fuma ka matilo ku fana ni comela lexi wansati a xi tekeke, a xi fihla mapeni ya mipimo minharhu, ma ko ma kukumuka hinkwawo.”

1 Petro 4:9

Mi amukelana eku endzeni ka n'wina, mi nga dzumadzumi.

Vaheveru 13:2

Mi nga rivali ku amukela vaendzi, hikuva hakona van'wana va amukerile tintsumi va nga swi tivi.

Vagalatiya 5:13

Vamakwerhu, mi vitaneriwile eku tshunxekeni; kambe ntsena mi nga tshuki mi endla ku tshunxeka wu va nkarhi wa ku hanya hi nyama, kambe tirhisanani hi rirhandzu.

Varhoma 12:13

Pambulelani vakwetsimi loko va pfumala, mi va ni ku gingirika ku amukela vaendzi.

Timhaka 16:15

Kutani, kuteloko a khuvuriwile ni va yindlu ya yena, a hi khongela, a ku: “Loko mi ndzi kumile ndzi ri la tshembekeke kunene eka Hosi, mi nga nghena endlwini ya mina, mi tshama kona”; a phikelela leswaku hi ya kona.

Esaya 32:8

Kambe munhu wa vunene u kanela ta ku lulama, u phikelela ta vunene.

Genesa 18:5

Ndzi ta ya lava xipandzwa xa xinkwa, mi tiyisa matimba; hi kona mi nga ta khaluta, hikuva mi hambukele swona eka nandza wa n'wina.” Kutani va ku: “Hi swona, endla hilaha u nga vula.”

Genesa 18:7

Kutani Abrahama a tsutsumela etihon'wini, a hlawula rhole ra nyama ya ku olova ni ya ku nandziha, a nyika nandza leswaku a hatlisa a ri lunghisa.

Genesa 19:3

Kutani Lota a phikelela ngopfu, va ko va hambukela eka yena, va nghena endlwini ya yena; kutani a va lunghisela xilalelo, a sweka xinkwa lexo kala comela, va dya.

Vaavanyisi 6:19

Kutani Gidiyoni a famba, a ya lunghisa ximbutana, ni efa ya mapa, a endla swinkwa leswi nga riki na comela, a veka nyama exirhundzwini a chela murhu embiteni, a n'wi tisela swona ehansi ka munga, kutani a n'wi vekela swona.

1 SAMIELE 28:24

Wansati a a ri ni rhole leri noneke; kutani a hatlisa a ri tlhava, a teka ni mapa a ma pfuva, a sweka swinkwa leswi nga riki na comela.

2 SAMIELE 13:6

Sweswo Aminoni a ya etlela, a endla swange wa vabya, kutani hosi yi ya n'wi vona. Aminoni a ku eka hosi: “U nga pfumelela Tamari, makwerhu, a ta ndzi swekela swinkwa swimbirhi emahlweni ka mina, ndzi ta swi dya evokweni ra yena.”

Pisalema 119:60

Ndza hatlisa, a ndzi hlweri Ku hlayisa swileriso swa wena.