Genesa 18:32 - Xitsonga (Bibele)

³² A engeta a ku: “Hosi yi nga karihi loko ndza ha vulavula kambe: Kumbe va nga kumiwa va ri khume ntsena?” Kutani a ku: “Ndzi nga ka ndzi nga wu herisi hikwalaho ka lava khume.”

BIBELE Mahungu Lamanene

³² Kutani Abrahama a ku: “Ndzi kombela leswaku u nga hlundzuki we HOSI, hikuva ndza ha lava ku vulavula kan'we ntsena. A hi nge emutini ku kumeka vanhu vo lulama va khume ntsena.” HOSI Xikwembu xi hlamula yi ku: “Hikwalaho ka vanhu lava vo lulama va khume, ndzi nge wu herisi.”

Genesa 18:32 Referans Kwoze

Vaavanyisi 6:39

Kutani Gidiyoni a ku eka Xikwembu: “Ku kariha ka wena ku nga tshuki ku ndzi pfurhela, ndza ha ta vulavula kan'we ntsena, ndzi ringeta kambe kan'we ntsena hi dzovo, ndzi ri: ‘Dzovo rona ri ri roxe a ri kumiwe ri omile, mberha yi wele hinkwako emisaveni.’ ”

Matewu 7:7

“Kombelani, mi ta nyikiwa; lavani mi ta swi kuma, gongondzani, mi ta pfuleriwa.

Vaefesa 3:20

Kambe eka yena, loyi a nga endlaka ku tlurisa ngopfungopfu hinkwaswo leswi hi nga swi kombelaka, ni leswi hi nga swi ehleketaka hi matimba lama tirhaka eka hina,

Mikiya 7:18

Hi xihi Xikwembu lexi fanaka na wena, lexi susaka ku homboloka, lexi khomelaka ku dyoha ka xisalela xa ndzhaka ya xona? A xi nga hlayisi ku kariha ka xona hi masiku, hikuva xi tsakela ku tsetselela.

Esaya 65:8

Yehovha u vula sweswo, a ku: “Loko ku ri ni mati exidzumbeni xa vhinya, va ku: ‘U nga xi herisi, hikuva ka ha sele ku kateka kona!’ Na mina ndzi ta endlisa xisweswo hikwalaho ka rirhandzu ra malandza ya mina, leswaku ndzi nga herisi hinkwaswo.

Swivuriso 15:8

Magandzelo ya lavo biha i manyala eka Yehovha, Kambe u tsakisiwa hi xikhongelo xa vanhu vo lulama.

Pisalema 86:5

Hikuva wena, Yehovha, u lonene, la rivalelaka; Tintswalo ta wena ti tala eka lava ku khongelaka.

Ntirho 33:23

Loko ntsumi yi ri kona leyi n'wi khongelelaka, Yi ri yin'we exikarhi ka khume ra madzana, Yi kombisa munhu ndlela leyi lulameke,

Eksoda 32:14

Hilaha Yehovha a tshikaka khombo leri a ri anakanyeleke tiko ra yena.

Genesa 18:30

Kutani a ku: “Hosi yi nga tshuki yi holova loko ndzi vulavula: Kumbe va ta kumeka va ri makume manharhu ntsena?” Kutani a ku: “Ndzi nga ka ndzi nga swi endli loko ndzi va kuma va ri makume manharhu kona.”

Genesa 18:31

Kutani a ku: “Waswivo, ndzi tiyisile mbilu ku vulavula ni Hosi: kumbe va nga kumeka va ri makume mambirhi ntsena?” Kutani a ku: “Hikwalaho ka lava makume mambirhi ndzi nga ka ndzi nga wu herisi.”

Genesa 44:18

Kavaloko Yuda a tshinelela Yosefa, a ku: “Oho! Hosi yanga, nandza wa wena a nga vulavula rito ri ri rin'we etindleveni ta hosi yanga, kambe ku kariha ka wena ku nga tshuki ku holovela nandza wa wena, hikuva u ringana na Faro.

Yeremiya 5:1

“Fambani hi switarata swa Yerusalema, mi languta, mi vutisa mi lava emitsendzeleni ya kona loko mi nga kuma munhu, hambi a ri un'we, la phikelelaka ku famba hi ku lulama, la lavaka leswo saseka, leswaku ndzi ta tsetselela muti.