Genesa 18:25 - Xitsonga (Bibele)

²⁵ A swi ve kule na wena ku lovisa la lulameke swin'we ni la hombolokeke, swi va leswaku la lulameke a endliwa leswo nge u hombolokile! A swi ve kule na wena! Loyi a avanyisaka misava hinkwayo, a nga ka a nga avanyisi hi ku lulama xana?”

BIBELE Mahungu Lamanene

²⁵ Mhaka ya ku herisiwa ka vanhu vo lulama swin'we ni lavo homboloka, u nga tshuki u yi endla. U nga tshuki u fanisa lavo lulama ni lavo homboloka. Xana Muavanyisi wa misava hinkwayo a nga tsandzeka ku endla leswo lulama xana?”

Genesa 18:25 Referans Kwoze

Ntirho 8:3

Xana Xikwembu xi nga voyamisa leswo lulama-ke? Lowa matimba a nga voyamisa ku lulama xana?

Ntirho 8:20

“Vona, Xikwembu a xi soli la pfumalaka nandzu, Kambe xi nga ka xi nga sirheleli swidyohi.

Pisalema 58:11

Kutani vanhu va ta ku: “Kunene hakelo yi kona ya la lulameke, Kunene xi kona Xikwembu lexi avanyisaka emisaveni.”

Duteronoma 32:4

“Yehovha i Ribye lero tiya; mitirho ya yena yi hetisekile; Hikuva tindlela hinkwato ta yena ti lulamile! I Xikwembu xo tshembeka, a xi na nandzu; Xi ni vunene, xi lulamile,

Pisalema 94:2

Pfuka Muavanyisi wa misava! U nyika vatikukumuxi hakelo ya vona!

2 Vakorinto 5:10

Hikuva hi ta fanela ku humelela hinkwerhu emahlweni ka xitshamo xa ku avanyisa xa Kriste, leswaku un'wana ni un'wana a ta amukela leswi ringanaka leswi a swi endleke loko a ha ri emirini, hambi swi ri leswo saseka, hambi swi ri leswo biha.

Malakiya 3:18

Mi ta tlhela mi vona ku hambana loku nga kona eka la lulameke ni lowo biha, ni ka la tirhelaka Xikwembu ni la nga xi tirheliki!

Pisalema 98:9

Emahlweni ka Yehovha! Hikuva wa ta ku avanyisa misava; U ta avanyisa misava hi ku lulama, Ni matiko hi vunene bya yena.

Yeremiya 12:1

Wena Yehovha, u lulamile, ndzi nga tsandzeka ku kanetana na wena; hambiswiritano, ndzi ta tengisana na wena: Xana lavo biha va kateka ha yini, ni vakanganyisi hinkwavo va ni ku rhula ha yini-ke?

Eklesiasta 7:15

Leswi hinkwaswo ndzi swi vonile hi siku ra mina ra vuhava. Ku ni munhu wa ku lulama la lovaka eku lulameni ka yena, kasi ku ni munhu wa ku homboloka la andzisaka masiku ya yena eku hombolokeni ka yena.

Vaheveru 12:23

ni le nhlengeletanweni ya hinkwavo ni le kerekeni ya mativula lama tsariweke ematilweni ni le ka Xikwembu, muavanyisi wa hinkwavo, ni le ka mimoya ya lava lulameke lava nga hetiseka;

Genesa 18:24

Kumbe xana va kona lava lulameke va ntlhanu wa makume emutini? Xana u nga wu lovisa kunene, u nga ka u nga wu rivaleri hikwalaho ka lava ntlhanu wa makume lava nga kumeka eka wona xana?

Duteronoma 1:16

“Enkarhini wolowo ndzi lerisile vaavanyisi va n'wina, ndzi te: ‘Yingisani timhaka ta vamakwenu, mi avanyisa hi ku lulama mitengo ya vona, hambi yi ri ya wamatiko loyi a nga ka n'wina.

Duteronoma 1:17

Mi nga tshuki mi avanyisa hi ku ya hi nghohe ya vanhu; mi ta yingisa lontsongo kukotisa lonkulu; mi nga tshuki mi chava vanhu, hikuva ku avanyisa ku huma eka Xikwembu; kutakuloko yin'wana mhaka yi mi tsandza, mi ta yi tisa emahlweni ka mina, ndzi ta yi yingisa.’

Vaavanyisi 11:27

Loko ndzi ri mina a ndzi na nandzu eka wena; hi wena la ndzi endlaka swo biha hi ku lwa na mina. Yehovha a a ve yena muavanyisi namuntlha, la avanyiselaka vana va Israele ni vana va Amoni!”

2 TIKRONIKA 19:7

Sweswi, xichavo xa Yehovha a xi ve ehenhla ka n'wina; tivoneleni hilaha mi nga ta endla hakona, hikuva eka Yehovha, Xikwembu xa hina, a ku na vumbabva hambi ku ri ku ya hi nghohe ya vanhu, ni ku amukela tinyiko.”

Nehemiya 9:33

Loko u ri wena, u endlile hi ku lulama etimhakeni hinkwato leti humeleleke, u endlile swinene, kambe hina hi endlile leswo biha.

Ntirho 34:10

“Hikwalaho n'wina vavanuna vo twisisa, ndzi yingiseni! Swo biha swi le kule na Xikwembu; A ku na ku homboloka eka Lowa matimba hinkwawo!

Eklesiasta 3:17

Ndzi ku embilwini ya mina: Xikwembu xi ta avanyisela la lulameke ni lowo biha, hikuva hinkwaswo leswi endliwaka, ni mitirho hinkwayo swi vekeriwe nkarhi wa kona.

Yeremiya 11:20

Kambe, oho Yehovha wa tinyimpi Mulerisi la lulameke, la ringaka swisuti ni timbilu, ndzi ta vona ku tirihisela ka wena ehenhla ka vona, hikuva ndzi vekile mhaka ya mina emavokweni ya wena.

Ezekiele 18:25

“N'wina mi ri: ‘Ndlela ya Yehovha a yi lulamanga.’ Yingisani sweswi, n'wina va yindlu ya Israele, xana i ndlela ya mina leyi nga lulamangiki, a hi tona tindlela ta n'wina leti nga lulamangiki xana?

Tinhlayo 16:22

Kavaloko va wa ehansi hi mimombo, va ku: “Oho! Xikwembu, Xikwembu xa mimoya ya tinyama hinkwato! Munhu un'we u dyohile, kambe u karihela nhlengeletano hinkwayo!”

1 TIKRONIKA 16:33

Kavaloko mirhi hinkwayo ya swihlahla Yi ta huwelela hi ku tsaka emahlweni ka Yehovha! Hikuva wa ta ku avanyisa misava!

Ntirho 34:12

Kunene, Xikwembu a xi endli lexi nga lulamangiki; Lowa matimba hinkwawo a nga ka a nga hombolosi ku lulama.

Pisalema 7:12

Loko lowo biha a nga hundzuki, xi ta lota tlhari ra xona; Xi kungile vurha bya xona, xi byi rhiyile;

Pisalema 50:6

Kutani matilo ma ta vula ku lulama ka xona, Hikuva hi xona Xikwembu lexi avanyisaka.

Pisalema 75:3

Misava yi tsekatseka ni hinkwavo lava akeke eka yona, Mina ndza tiyisa timhandze ta yona.