Genesa 17:8 - Xitsonga (Bibele)

⁸ Ndzi ta ku nyika, na vona vatukulu va wena endzhaku ka wena, tiko leri u nga ka rona u ri muluveri, ri nga tiko ra Kanana hinkwaro, va ri fuma hilaha ku nga heriki, kutani ndzi va Xikwembu xa vona.”

BIBELE Mahungu Lamanene

⁸ Tiko leri u luveleke eka rona, ri nga tiko ra Kanana, ndzi ta ku nyika rona hinkwaro, ri va ra wena ni vatukulu va wena hilaha ku nga heriki, kutani mina ndzi ta va Xikwembu xa vona.”

Genesa 17:8 Referans Kwoze

Levhitika 26:12

Ndzi ta famba exikarhi ka n'wina, ndzi va Xikwembu xa n'wina, n'wina mi va tiko ra mina.

Pisalema 105:11

A ku: “Ndzi ta ku nyika tiko ra Kanana, Ri va ndzhaka ya n'wina.”

Eksoda 6:7

Kutani ndzi ta mi teka, mi va tiko ra mina, ndzi va Xikwembu xa n'wina; mi ta tiva leswaku hi mina Yehovha, Xikwembu xa n'wina, loyi a mi rhulaka ku tika ka Vaegipta;

Genesa 12:7

Kutani Yehovha a humelela eka Abrama, a ku eka yena: “Misava leyi, ndzi ta yi nyika vatukulu va wena.” Kutani a akela kona gandzelo eka Yehovha la nga humelela eka yena.

Duteronoma 29:13

u ta ku endla namuntlha tiko ra yena, na yena a va Xikwembu xa wena hilaha a ku byeleke hakona, ni laha a hlambanyeke hakona eka vatata wa wena Abrahama, na Isaka, na Yakobo.

Duteronoma 26:18

Yehovha kambe u endlile hilaha u nga tivula hakona namuntlha leswaku u va eka yena tiko ra xiviri, hilaha a ku byeleke hakona u ri karhi u yingisa milawu hinkwayo ya yena;

Duteronoma 14:2

Hikuva u tiko leri hlawuleriweke Yehovha, Xikwembu xa wena, kambe Yehovha u ku hlawurile leswaku u va tiko ra yena ra xiviri, exikarhi ka matiko hinkwawo lama nga ehenhla ka misava.

Genesa 13:15

hikuva tiko leri u ri vonaka, ndzi ta ri nyika wena ni vatukulu va wena hilaha ku nga heriki.

Pisalema 105:9

Wu nga ntwanano lowu a nga wu endla na Abrahama, Ni ku hlambanya loku a nga ku hlambanyela Isaka,

Duteronoma 4:37

Hikuva xi rhandzile vatata wa wena, kutani xi hlawurile vatukulu va vona endzhaku ka vona, xi ku humesile eEgipta hi mombo wa xona, ni matimba lamakulu ya xona,

Genesa 28:4

xi ta ku nyika ku katekisiwa ka Abrahama, ni vatukulu va wena, u va u fuma tiko leri u luvelaka eka rona, leri Xikwembu xi ri nyikeke Abrahama.”

Genesa 13:17

Suka u fambafamba etikweni leri, eku leheni ka rona, ni le ku anameni ka rona, hikuva ndzi ta ku nyika rona.”

2 SAMIELE 23:5

Xana a hi swona eka yindlu ya mina emahlweni ka Xikwembu, Leswi a nga endla na mina ntwanano lowu nga heriki, Lowu lunghisiweke swinene ni ku tiyisiwa? Xana a nga mirisi ku hlayiseka ka mina hinkwako ni ku navela hinkwako ka mina?

Duteronoma 32:8

La nge henhla loko a nyikile matiko ndzhaka ya wona, Ni loko a avanyisile vana va vanhu, U tsarile mindzilekana ya matiko Hi ntsengo wa vana va Israele,

Tinhlayo 25:13

wu ta va eka yena ni ka vatukulu va yena ntwanano wa vuprista lowu nga heriki, hikuva u hisekele Xikwembu xa yena, kutani u endlele vana va Israele mhamba.”

Eksoda 40:15

u va tota kukota tata wa vona, leswaku va tirha ntirho wa vuprista emahlweni ka mina; ku totiwa ka vona ku ta va veka vaprista hi masiku etinxakeni ta vona.”

Genesa 48:4

xi ku eka mina: ‘Waswivo, ndzi ta ku andzisa ndzi ku tata, ndzi ku endla vunyingi bya matiko, ndzi ku nyika tiko leri, ni vatukulu va wena, endzhaku ka wena, yi ta va ndzhaka leyi nga heriki.’

Genesa 23:4

“Ndzi muluveri ni muendzi exikarhi ka n'wina; ndzi nyikeni exikarhi ka n'wina sirha ndzi ri fuwa, ndzi tiva ku susa mufi wa mina emahlweni ka mina, ndzi n'wi yimbela.”

Vaheveru 9:15

Hikwalaho Kriste mulamuri wa ntwanano lowuntshwa, leswaku rifu ra yena, kuteloko ri humelele ku ta kutsula lava tluleke nawu hi nkarhi wa ntwanano lowo sungula, lava vitaniweke va nyikiwa ndzhaka leyi nga heriki, leyi va yi tshembisiweke.

Pisalema 103:17

Kambe nsovo wa Yehovha i wa mikarhi hinkwayo eka lava n'wi chavaka, Ni ku lulama ka yena ehenhla ka vana va vana va vona;

Levhitika 16:34

Leswi swi ta va ka n'wina ku lerisa loku nga heriki, hileswaku kan'we hi lembe, vana va Israele va ta phahleriwa mhamba, leswaku va rhuliwa swidyoho hinkwaswo swa vona.” Ku endliwa hilaha Yehovha a leriseke Muxe hakona.

Eksoda 21:6

n'wini wa rona u ta ri tisa emahlweni ka Xikwembu, a ri tshinetela kusuhi ni rivanti erimbeni ra rona, kutani n'wini wa rona u ta ri boxa ndleve hi risungunhu, kutani ri ta n'wi tirhela masiku hinkwawo.

Timhaka 7:5

Kambe a xi n'wi hanga ndzhaka kona, hambi xi ri xivandlanyana lexi ringanaka ku kandziya hi nkondzo; ntsena xi n'wi tshembisile leswaku xi ta n'wi nyika rona, ri va rifuwo ra yena ni ra vatukulu va yena endzhaku ka yena; a wu ri nkarhi lowu a nga si va na n'wana.

Nhlavutelo 21:7

Loyi a nga ta hlula, u ta dya ndzhaka ya swoleswo; ndzi ta va Xikwembu xa yena, yena a va n'wananga.

Genesa 26:24

Yehovha a tikombisa eka yena hi vusiku byebyo, a ku eka yena: “Hi mina Xikwembu xa Abrahama, tata wa wena, u nga chavi nchumu, hikuva ndzi na wena, ndzi ta ku katekisa, ndzi andzisa vatukulu va wena hikwalaho ka Abrahama, nandza wa mina.”

Genesa 36:7

hikuva swifuwo swa vona a swi tele hi ku hundzisisa ni ku aka swin'we, kutani tiko leri va nga luvela eka rona ri tsandzeka ku va eneta hikwalaho ka mitlhambi ya vona.

Genesa 37:1

Yakobo a a akile etikweni ra Kanana, leri tata wa yena ingi a luvele eka rona.

Eksoda 13:11

“Kutakuloko Yehovha a ku fikisile etikweni ra Vakanana hilaha a hlambanyeleke wena ni vatata wa wena, a va a ku nyika rona,

Eksoda 29:45

ndzi ta aka exikarhi ka vana va Israele, ndzi va Xikwembu xa vona;

Eksoda 32:13

Tsundzuka Abrahama na Isaka, na Israele, malandza ya wena, lava u va hlambanyeleke loko u te eka vona: ndzi ta andzisa vatukulu va n'wina, va ta kota tinyeleti ta le tilweni; kutani ndzi ta nyika vatukulu va n'wina tiko hinkwaro leri ndzi ri vuleke va ri fuma hilaha ku nga heriki.’ ”

Duteronoma 9:5

A hi ku lulama ka wena, ni vunene bya mbilu ya wena lebyi ku ngheniseke etikweni ra vona, kambe Yehovha u ta teka tiko ra vona emahlweni ka wena hikwalaho ka ku biha ka matiko lawa, ni ku tiyisa rito leri Yehovha a ri hlambanyeleke vatata wa wena, Abrahama, na Isaka, na Yakobo.

Yeremiya 25:5

A va ku eka n'wina: ‘Hundzukani un'wana ni un'wana emikhuveni yo biha ya yena, ni le ku biheni ka ku endla ka n'wina, mi ta tiakela etikweni leri Yehovha a mi nyikeke rona ni vatata wa n'wina hi masiku, hilaha ku nga heriki.

Yeremiya 31:1

“Enkarhini wolowo, ku vula Yehovha, ndzi ta va Xikwembu xa tinxaka hinkwato ta Israele; tona, ti va tiko ra mina.”

Genesa 35:27

Kutani Yakobo a fika eka Isaka, tata wakwe, eMamre, emutini wa Kiriyata-Araba, ku nge Hebroni, laha Abrahama na Isaka va akeke kona.

Eksoda 6:4

Kambe ndzi tiyisile ntwanano wa mina na vona ku va nyika tiko ra Kanana, tiko ra ku luvela ka vona.

Levhitika 14:34

“Kutakuloko mi nghenile etikweni ra Kanana leri ndzi mi nyikaka rona, loko ndzi nga ba hi nhlokonho yin'wana yindlu ya tiko leri nga ta va ra n'wina,

Tinhlayo 10:29

Muxe a ku eka Hobabu, n'wana Rhuwele, wa Midiyani, mukon'wana wa Muxe: “Ho famba ku ya etikweni leri Yehovha a nga vula loko a te: ‘Ndzi ta mi nyika rona.’ Famba na hina, hi ta ku endlela swinene, hikuva Yehovha u hlayele Israele leswinene.”

Tinhlayo 27:12

Yehovha a ku eka Muxe: “Tlhandlukela entshaveni leyi ya Abarimi, u languta tiko leri ndzi ri nyikeke vana va Israele;

Duteronoma 32:49

“Khandziya entshaveni leyi ya Abarimi, enhlohlorhini ya Nebo, leyi nga etikweni ra Mowabu, ku langutene na Yeriko; kutani u languta tiko ra Kanana leri ndzi ri fumisaka vana va Israele.

Duteronoma 34:4

Yehovha a ku eka yena: “Hi rona tiko leri ndzi ri hlambanyeleke Abrahama, na Isaka, na Yakobo, loko ndzi te: ‘Ndzi ta ri nyika vatukulu va wena; ndzi ku kombisile rona emahlweni ya wena, kambe u nga ka u nga peleli ka rona.’ ”

Yoxuwa 1:2

“Muxe, nandza wa mina u file; pfuka, u ya pela Yordani loyi, wena, ni tiko hinkwaro leri, mi ta nghena etikweni leri ndzi ri nyikeke vana va Israele.

1 TIKRONIKA 16:18

A ku: ‘Ndzi ta ku nyika tiko ra Kanana, Ri va ra wena kukotisa ndzhaka.’

Ezekiele 11:20

leswaku va famba emilawini ya mina va ri karhi va hlayisa swileriso swa mina va swi hetisa, kutani va ta va tiko ra mina, mina ndzi va Xikwembu xa vona.

Ezekiele 33:24

“N'wana wa munhu, lava akeke emarhumbini lawa ya tiko ra Israele va vula leswaku: ‘Abrahama a a ri un'we ntsena, hambiswiritano u fume tiko; hina, hi vanyingi, kutani tiko leri hi nyikiwile rona ku ri fuma.’

Zakariya 8:8

ndzi va tisa, va ta aka eYerusalema ri ta va tiko ra mina, mina ndzi va Xikwembu xa vona hi vunene ni ku lulama.”