Genesa 17:19 - Xitsonga (Bibele)

¹⁹ Kutani Xikwembu xi ku: “E-e, kambe Sara, nsati wa wena, u ta ku velekela n'wana wa wanuna, u ta n'wi thya vito ra Isaka; ndzi ta tiyisa ntwanano wa mina na yena, wu va ntwanano lowu nga ka wu nga heleli vatukulu va yena.

BIBELE Mahungu Lamanene

¹⁹ Xikwembu xi hlamula xi ku: “E-e, Sara nsati wa wena ú ta ku velekela n'wana wa mufana, kutani wena u ta n'wi thya vito ra Isaka. Ndzi ta endla ntwanano na yena, wu va ntwanano lowu nga ta va kona hilaha ku nga heriki exikarhi ka mina ni vatukulu va yena lava nga ta velekiwa.

Genesa 17:19 Referans Kwoze

Genesa 21:6

Kutani Sara a ku: “Xikwembu xi ndzi endlile nkarhi wa ku hleka, kutani hinkwavo lava nga swi twa va ta ndzi hleka.”

Genesa 26:3

Sala etikweni roleri, kutani ndzi ta va na wena, ndzi ku katekisa, hikuva matiko lawa, ndzi ta ma nyika wena ni vatukulu va wena, ndzi va ndzi tiyisa ku hlambanya loku ndzi nga hlambanyela Abrahama, tata wa wena.

Genesa 17:21

Kambe ndzi ta tiyisa ntwanano wa mina na Isaka, loyi Sara a nga ta ku velekela enkarhini lowu, haxawu.”

Luka 1:55

a ri Abrahama ni rixaka ra yena hi masiku hinkwawo.”

Vaheveru 11:11

Hi ku pfumela, na yena, Sara u nyikiwile matimba ya ku veka mbewu, hambi a khalutele hi nkarhi, hikuva a a ringanisile leswaku la n'wi tshembiseke wa tshembeka.

Genesa 9:16

Nkwangulatilo wu ta va kona epapeni, kutani ndzi ta wu vona, ndzi tsundzuka ntwanano lowu nga riki na ku hela, lowu nga kona exikarhi ka Xikwembu ni leswi hanyaka hinkwaswo swa nyama yin'wana ni yin'wana leyi nga emisaveni.”

Genesa 17:7

“Kutani ndzi ta tiyisa ntwanano wa mina exikarhi ka mina na wena, ni vatukulu va wena endzhaku ka wena, etinxakeni ta vona, wu va ntwanano lowu nga heriki, ndzi ta va Xikwembu xa wena ni xa vatukulu va wena endzhaku ka wena.

Genesa 17:16

Ndzi ta n'wi katekisa, ndzi va ndzi ku nyika ha yena n'wana wa wanuna. Ndzi ta n'wi katekisa, a va mana wa matiko; ni tihosi ta matiko ti ta huma eka yena.”

Genesa 17:18

Kambe Abrahama a ku eka Xikwembu: “I ngi loko Iximaele a hanya emahlweni ka wena!”

Genesa 26:2

Kutani Yehovha a tikombisa eka yena, a ku: “U nga rheleli Egipta; tshama etikweni leri ndzi nga ta ku byela rona.

Genesa 16:11

Ntsumi ya Yehovha yi tlhela yi ku eka yena: “Waswivo, u ni nyimba, kutani u ta veleka n'wana wa wanuna; u ta n'wi thya vito ra Iximaele (Xikwembu xa yingisa), hikuva Yehovha u twile ku vaviseka ka wena.