Genesa 17:18 - Xitsonga (Bibele)

¹⁸ Kambe Abrahama a ku eka Xikwembu: “I ngi loko Iximaele a hanya emahlweni ka wena!”

BIBELE Mahungu Lamanene

¹⁸ Kutani Abrahama a ku ka Xikwembu: “Onge u nga amukela Iximaele!”

Genesa 17:18 Referans Kwoze

Timhaka 2:39

Hikuva ku tshembisa loku, ku hlayeriwe n'wina ni vana va n'wina, ni hinkwavo lava nga ekule, lava va ha taka vitiwa hi Hosi, Xikwembu xa hina.”

Pisalema 41:12

Kambe wa ndzi tiyisa eku tengeni ka mina, Kutani wa ndzi veka emahlweni ka wena hi masiku.

Pisalema 4:6

Lavo tala va ku: “Hi ta kombiwa ku kateka hi mani? Oho Yehovha! Wa nga hi tsuvukisela ku vonakala ka mombo wa wena!”

Yeremiya 32:39

Ndzi ta va nyika mbilu yin'we, ni ndlela yin'we ya ku ndzi chava hi masiku, va ta kateka vona, ni vana va vona endzhaku ka vona.

Esaya 59:2

Kambe i swidyoho swa n'wina leswi endleke rihlampfu exikarhi ka n'wina ni Xikwembu xa n'wina; i milandzu ya n'wina leyi mi sirheleke mombo wa xona, leswaku xi nga mi yingisi.

Genesa 4:14

Waswivo, u ndzi hlongole namuntlha ehenhla ka misava, ndzi ta va ndzi hambene ni mombo wa wena, kutani ndzi ta va mupepetseki ni mufambi emisaveni, kutani mani na mani loko a ndzi kuma, u ta ndzi dlaya.”

Genesa 4:12

Kutakuloko u rima misava, yi nga ka yi nga ha ku nyiki mihandzu ya yona; u ta va la pepetsekaka ni la fambafambaka emisaveni.”

Genesa 17:17

Kutani Abrahama a wa hi mombo, a hleka, a ku embilwini ya yena: “Xana munhu wa dzana ra malembe a nga velekeriwa n'wana-ke? Na yena Sara a nga tiva ku veleka a ri wansati wa makume ya ntlhanu na mune wa malembe?”

Genesa 17:19

Kutani Xikwembu xi ku: “E-e, kambe Sara, nsati wa wena, u ta ku velekela n'wana wa wanuna, u ta n'wi thya vito ra Isaka; ndzi ta tiyisa ntwanano wa mina na yena, wu va ntwanano lowu nga ka wu nga heleli vatukulu va yena.

Genesa 21:11

Kambe rito leri ri vavisa Abrahama, hikwalaho ka n'wana wa yena.