Genesa 17:17 - Xitsonga (Bibele)

¹⁷ Kutani Abrahama a wa hi mombo, a hleka, a ku embilwini ya yena: “Xana munhu wa dzana ra malembe a nga velekeriwa n'wana-ke? Na yena Sara a nga tiva ku veleka a ri wansati wa makume ya ntlhanu na mune wa malembe?”

BIBELE Mahungu Lamanene

¹⁷ Kutani Abrahama a wela hansi hi mombo, a ri karhi a hleka, a tivutisa a ku: “Xana wanuna loyi a nga ni malembe ya 100, a nga ha tswala n'wana xana? Leswi Sara a nga ni malembe ya 90, a nga ha kuma n'wana xana?”

Genesa 17:17 Referans Kwoze

Nhlavutelo 11:16

Kutani vakulukumba va makume mambirhi na mune lava tshamiseke eswiluvelweni swa vona, emahlweni ka Xikwembu, va wela emimombyeni ya vona, va gandzela Xikwembu,

Yohane 8:56

Abrahama, tata wa n'wina, u tsakele ku vona siku ra mina, kambe u ri vonile, a vuya a tsaka.”

Genesa 21:6

Kutani Sara a ku: “Xikwembu xi ndzi endlile nkarhi wa ku hleka, kutani hinkwavo lava nga swi twa va ta ndzi hleka.”

Genesa 18:12

Kutani Sara a hleka embilwini ya yena, a ku: “Ndzi nga ha kuma ku tsaka ndzi ri xikoxa, kasi n'wini wa mina u dyuhele na yena!”

Genesa 17:3

Kavaloko Abrama a wela emombyeni wa yena, kutani Xikwembu xi vulavula na yena, xi ku:

Ezekiele 1:28

Tanihi ku saseka ka nkwangulatilo emapepeni hi siku ra mpfula, a ku sasekisile xisweswo ematlhelweni hinkwawo hi ku vonakala loku: A ku ri hlavutelo ya ku kwetsima ka Yehovha. Kuteloko ndzi swi vonile, ndzi wa hi mombo wa mina, ndzi ri karhi ndzi twa rito ra un'wana la vulavulaka.

Nhlavutelo 5:8

Kuteloko xi tekile buku, swivumbiwa leswi hanyaka leswa mune, ni vakulukumba va makume mambirhi na mune va khinsama emahlweni ka xinyimpfana, un'wana ni un'wana a tamele haripa, ni ximbitana xa nsuku lexi teleke mirhi ya risuna, swi nga swikhongelo swa vakwetsimi.

Ntirho 1:20

Yobo a yima, a handzula tinguvu ta yena, a byewula nhloko, a tiwisa ehansi a khinsama, a ku:

Daniele 8:17

Kutani a tshinelela laha ndzi yimeke kona, kakuloko a ta, ndzi rhurhumela, ndzi wa hi mombo ehansi, kutani a ku eka mina: “Xiyaxiya, n'wana wa munhu, ku vona loku ku ta hetiseka eminkarhini ya makumu.”

1 TIKRONIKA 21:16

Davhida, kuteloko a tlakusile mahlo ya yena, a vona ntsumi ya Yehovha leyi yimaka exikarhi ka misava ni tilo, yi ri ni banga leri hlomuriweke evokweni ra yona, yi komba Yerusalema ha rona. Kavaloko Davhida ni vakulukumba va wela ehansi emimombyeni ya vona, va ambele tinguvu to khwaxa.

Vaavanyisi 13:20

Kakuloko, malangavi ya ndzilo ya alitari ma pfurhela ehenhla, ntsumi ya Yehovha yi tlhandluka na yona emalangavini ya alitari, Manowaka ni nsati wa yena, va ri karhi va languta; va tiwisela ehansi hi mimombo ya vona.

Yoxuwa 7:6

Yoxuwa a handzula tinguvu ta yena, kutani a tiwisa ehansi hi mombo wa yena emahlweni ka areka ya Yehovha ku fika nimadyambu, a ri ni vakulukumba va Israele, kutani va chela ntshuri etinhlokweni ta vona.

Yoxuwa 5:14

A hlamula, a ku: “E-e, hikuva ndzi hosi ya nyimpi ya Yehovha; ndza ha ku ta sweswi.” Kavaloko Yoxuwa a korhama ehansi hi mombo wa yena, a khinsama, kutani a ku eka yena: “Xana hosi yanga yi ri yini eka nandza wa yena xana?”

Duteronoma 9:25

Kutani ndzi khinsamile emahlweni ka Yehovha hi masiku ya 40, ni vusiku bya 40, ndzi tshama ehansi, hikuva Yehovha a a vurile leswaku a ta mi heta.

Duteronoma 9:18

Kutani ndzi tiwisa ehansi emahlweni ka Yehovha, kukotisa leswo sungula, hi masiku ya 40, ni vusiku bya 40; ndzi nga dyi vuswa, ndzi nga nwi mati, hikwalaho ka xidyoho lexikulu lexi mi dyoheke ha xona loko mi endla leswo biha emahlweni ka Yehovha, ku n'wi karihisa.

Tinhlayo 16:45

“Sukani exikarhi ka nhlengeletano leyi, ndzi ta va heta kan'wekan'we.” Kavaloko va wa hi mimombo,

Tinhlayo 16:22

Kavaloko va wa ehansi hi mimombo, va ku: “Oho! Xikwembu, Xikwembu xa mimoya ya tinyama hinkwato! Munhu un'we u dyohile, kambe u karihela nhlengeletano hinkwayo!”

Tinhlayo 14:5

Kavaloko Muxe na Aroni va tiwisa ehansi hi mimombo ya vona emahlweni ka nhlengeletano hinkwayo ya vana va Israele.

Levhitika 9:24

Ndzilo wu huma emahlweni ka Yehovha, wu hisa holokosta, ni mafurha ealitarini; tiko hinkwaro ri wu vona, kutani va huwelela hi ku tsaka, va tiwisa ehansi hi mimombo ya vona.

Matewu 2:11

Kutani loko va nghena endlwini, va kuma n'wana ni mana wa yena, Mariya; kutani va khinsama hi matsolo, va n'wi gandzela. Kuteloko va tshunxile mirhwalo ya vona, va n'wi nyika nsuku, ni mirhi ya risuna, ni murhi wa mirha.

Luka 1:18

Kutani Zakariya a ku eka ntsumi: “Ndzi ta swi tiva ha yini? Kasi ndzi dyuharile, nsati wa mina, na yena, i xikoxa.”

Genesa 17:18

Kambe Abrahama a ku eka Xikwembu: “I ngi loko Iximaele a hanya emahlweni ka wena!”

Genesa 18:11

Kambe Abrahama na Sara a va dyuhele, a va hanyile ngopfu, yena Sara a a hundzile nkarhi wa ku veleka.

Genesa 21:5

Abrahama a a ri munhu wa dzana ra malembe siku Isaka, n'wanakwe, a velekeriweke yena.

Genesa 21:7

A engeta a ku: “I mani loyi i ngi a ta byela Abrahama, a ku: ‘Sara u ta an'wisa vana!’ Kasi ndzi n'wi nyikile n'wana eku dyuhaleni ya yena.”