Genesa 17:12 - Xitsonga (Bibele)

¹² Wanuna un'wana ni un'wana wa masiku ya ntlhanu na manharhu u ta yimbisiwa exikarhi ka n'wina etinxakeni ta n'wina, hambi a ri loyi a tswariweke endlwini, hambi a ri la xaviweke hi mali eka valuveri lava nga riki va rixaka ra wena.

BIBELE Mahungu Lamanene

¹² Mi ta hamba mi yimbisa vana va n'wina va xinuna loko va ri ni masiku ya 8; mi ta yimbisa hinkwavo lava nga ta velekiwa, hambi ri ri hlonga leri nga lo velekeriwa exikarhi ka n'wina ntsena, kumbe leri mi nga lo ri xava eka vanhu vambe.

Genesa 17:12 Referans Kwoze

Levhitika 12:3

Siku ra ntlhanu na manharhu va ta yimbisa n'wana,

Luka 2:21

Masiku ya ntlhanu na manharhu ya ku yimbisa n'wana loko ma herile, va n'wi thya vito ra Yesu, hilaha ntsumi yi nga n'wi thya hakona, mana wa yena a nga si kuma khwiri.

Vafilipiya 3:5

ndzi nga yimbisiwa hi siku ra ntlhanu na manharhu, ndzi wa rixaka ra Israele, wa nyimba ya Benjamini, ndzi Muheveru, ntukulu wa Vaheveru; hitlhelo ra nawu, ndzi Mufarisi;

Luka 1:59

Kutani hi siku ra ntlhanu na manharhu, va ya yimbisa xihlangi, va lava ku n'wi thya vito ra Zakariya, tata wa yena,

Varhoma 2:28

Hikuva Muyuda a hi yena la nga yena ehandle ntsena; ni ku yimba a hi kona loku endliwaka ehandle, enyameni.

Timhaka 7:8

Kutani xi n'wi nyika ntwanano wa ku yimba; kutani Abrahama a veleka Isaka a n'wi yimbisa hi siku ra ntlhanu na manharhu; Isaka a veleka Yakobo; Yakobo yena, a veleka vapatriarka va khume na vambirhi.

Genesa 21:4

Kutani Abrahama a yimbisa Isaka, n'wana wa yena, a ri ni masiku ya ntlhanu na manharhu, hilaha Xikwembu xi n'wi leriseke hakona.

Genesa 17:23

Kavaloko Abrahama a teka Iximaele, n'wana wa yena, ni vavanuna hinkwavo lava tswariweke endlwini ya yena, ni hinkwavo lava a nga va xava hi mali, vanhu hinkwavo va xinuna va yindlu ya Abrahama, a yimbisa nyama ya vona hi siku rolero, hilaha Xikwembu xi n'wi leriseke hakona.

Eksoda 12:44

kambe nandza wa munhu la xaviweke hi mali, kutakuloko u n'wi yimbisile, hi kona a nga ta dya.

Eksoda 22:30

U ta endlisa sweswo hi homu ya wena, ni nyimpfu ya wena; swi ta tshama ni vamana wa swona hi masiku ya ntlhanu na mambirhi; hi siku ra vuntlhanu na manharhu, u ta ndzi nyika swona.