Genesa 17:10 - Xitsonga (Bibele)

¹⁰ Ntwanano lowu mi nga ta wu hlayisa lowu nga xikarhi ka mina na wena ni vatukulu va wena, hi wolowo: Wanuna un'wana ni un'wana exikarhi ka n'wina u ta yimba.

BIBELE Mahungu Lamanene

¹⁰ Ntwanano lowu mi faneleke ku wu hlayisa, lowu nga ta va kona exikarhi ka mina na wena, ni vatukulu va wena lava nga ta velekiwa, hi lowu: Munhu un'wana ni un'wana wa xinuna ú fanele ku yimbisiwa.

Genesa 17:10 Referans Kwoze

Timhaka 7:8

Kutani xi n'wi nyika ntwanano wa ku yimba; kutani Abrahama a veleka Isaka a n'wi yimbisa hi siku ra ntlhanu na manharhu; Isaka a veleka Yakobo; Yakobo yena, a veleka vapatriarka va khume na vambirhi.

Vafilipiya 3:3

Hikuva hi hina hi nga ngoma leyinene, hina lava hi tirhelaka Xikwembu emoyeni, lava hi tidzunisaka ha Yesu Kriste, lava hi nga titshembiki enyameni.

Varhoma 3:30

hikuva Xikwembu i xin'we ntsena, lexi nga ta khanisa lava ku yimba hi ku pfumela ni makhuna hi ku pfumela.

Yoxuwa 5:2

Enkarhini wolowo, Yehovha a ku eka Yoxuwa: “Endla mikwana ya maribye, u yimbisa kambe vana va Israele ra vumbirhi.”

Genesa 17:11

Mi ta yimbisa nyama ya n'wina, wu va mfungho wa ntwanano exikarhi ka mina na n'wina.

Vaefesa 2:11

Hikwalaho, anakanyani leswaku n'wina valavo khale ingi mi ri vahedeni hi ku velekiwa, a mi vuriwa makhuna hi lava vuriwaka mankwehe, hikwalaho ka ngoma leyi endliwaka enyameni hi mavoko,

Vagalatiya 6:12

Hinkwavo lava rhandzaka ku tidzunisa enyameni, va mi sindzisa ku yimba, ntsena hileswaku va nga tshuki va xaniseriwa xihambano xa Kriste;

Duteronoma 30:6

Yehovha, Xikwembu xa wena, u ta yimbisa mbilu ya wena, ni timbilu ta vatukulu va wena leswaku u rhandza Yehovha, Xikwembu xa wena, hi mbilu hinkwayo ya wena, ni moya hinkwawo wa wena, leswaku u hanya.

Vagalatiya 3:28

A ka ha ri na Muyuda hambi Mugriki; a ka ha ri na khumbi, ni loko a ri n'wana wa xitswalwa; a ka ha ri na wanuna, ni loko a ri wansati, hikuva hinkwenu mi un'we eka Yesu Kriste.

Varhoma 3:28

Hikwalaho hi heta mhaka hi ku vula leswaku munhu u hlayiwa la lulameke hi ku pfumela, ku nga ri hi mitirho ya nawu.

Varhoma 3:25

Xikwembu xi n'wi vekile leswaku yi ta va mhamba ya lava pfumelaka eka ngati ya Yena; xi ta kombisa ku lulama ka xona hilaha xi tshikeke swidyoho swo sungula, emikarhini ya ku honisa ka xona;

Varhoma 2:28

Hikuva Muyuda a hi yena la nga yena ehandle ntsena; ni ku yimba a hi kona loku endliwaka ehandle, enyameni.

Yohane 7:22

Muxe u mi nyikile ku yimba (a hileswaku ku hume eka Muxe, kambe ku humile eka vakokwana va khale), kutani mi yimbisa munhu hi Savata!

Yeremiya 4:4

Yimbelani Yehovha, kutani mi yimbisa timbilu ta n'wina, n'wina vanhu va Yuda, na n'wina lava akeke eYerusalema, swi nga ri leswaku ku kariha ka mina ku nga humi kukotisa ndzilo, kutani ka mi hisa, ku nga timiwi, hikwalaho ka ku biha ka timbilu ta n'wina.

Yoxuwa 5:4

Yoxuwa a va yimbisa hikwalaho ka mhaka leyi: Tiko hinkwaro leri humeke eEgipta, va nga vavanuna lava hlomeke hinkwavo, a va file emananga, endleleni, loko va humile eEgipta;

Duteronoma 10:16

Yimbisani timbilu ta n'wina, mi nga ha nonon'hwisi mikolo ya n'wina;

Eksoda 12:48

Kutakuloko munhu wa matiko la akeke na wena a rhandza ku endlela Yehovha Paseka, u fanele ku yimbisa vavanuna hinkwavo va yena, ku va kona a tshinelelaka, a dya; u ta fana ni la tswariweke ekaya; kambe la nga yimbangiki, a nga ka a nga yi dyi.

Eksoda 4:25

Hilaha Sipora a tekaka ribye ro kariha, a yimbisa n'wana wa yena, a khumba hi nyama ya yena milenge ya Muxe, a ku: “Kunene, eka mina u nuna wa ngati.”

Genesa 34:15

Hi ta pfumelelana hi mhaka yoleyi ntsena, ya leswaku mi kotisa hina: wanuna un'wana ni un'wana wa ka n'wina a yimbisiwa.

Genesa 17:23

Kavaloko Abrahama a teka Iximaele, n'wana wa yena, ni vavanuna hinkwavo lava tswariweke endlwini ya yena, ni hinkwavo lava a nga va xava hi mali, vanhu hinkwavo va xinuna va yindlu ya Abrahama, a yimbisa nyama ya vona hi siku rolero, hilaha Xikwembu xi n'wi leriseke hakona.

Genesa 17:27

ni vavanuna hinkwavo va yindlu ya yena, hambi va ri va tswariwa endlwini, hambi va ri lava xaviweke hi mali eka valuveri, va yimbisiwa swin'we na yena.

Genesa 21:4

Kutani Abrahama a yimbisa Isaka, n'wana wa yena, a ri ni masiku ya ntlhanu na manharhu, hilaha Xikwembu xi n'wi leriseke hakona.

Genesa 34:22

Ntsena vanhu valavo va nga pfumela ku aka na hina, hi endla tiko rin'we, loko wanuna un'wana ni un'wana wa ka hina a yimba, kukotisa leswi na vona va yimbeke.