Genesa 16:11 - Xitsonga (Bibele)

¹¹ Ntsumi ya Yehovha yi tlhela yi ku eka yena: “Waswivo, u ni nyimba, kutani u ta veleka n'wana wa wanuna; u ta n'wi thya vito ra Iximaele (Xikwembu xa yingisa), hikuva Yehovha u twile ku vaviseka ka wena.

BIBELE Mahungu Lamanene

¹¹ Ntsumi ya HOSI Xikwembu yi tlhela yi ku: “Languta, u tikile, kutani u ta veleka n'wana wa mufana; n'wana loyi u ta n'wi thya vito ra Iximaela, hikuva Xikwembu xi ku hlamurile eku xanisekeni ka wena.

Genesa 16:11 Referans Kwoze

Eksoda 3:7

Kutani Yehovha a ku: “Ndzi vonisisile ku xaniseka ka tiko ra mina eEgipta, ndzi yingisile ku rila ka vona hikwalaho ka lava va va xanisaka; hikuva ndzi tiva nhlomulo wa vona;

Esaya 7:14

Hikwalaho-ke, Hosi yi ta mi nyika yi ri yona xikombiso: Vonani wanhwana u ta xurha nyimba, u ta veleka n'wana wa wanuna, kutani u ta n'wi thya vito ra Emanuwele, (Xikwembu xi na hina).

1 SAMIELE 1:20

Kutani Elikana a tiva Hana, nsati wa yena, kutani Yehovha a n'wi tsundzuka. Hi lembe rolero, Hana a tika nyimba, kutani a veleka n'wana wa wanuna. A n'wi thya vito ra Samiele hikuva a ku: “Ndzi n'wi komberile eka Yehovha.”

Genesa 17:19

Kutani Xikwembu xi ku: “E-e, kambe Sara, nsati wa wena, u ta ku velekela n'wana wa wanuna, u ta n'wi thya vito ra Isaka; ndzi ta tiyisa ntwanano wa mina na yena, wu va ntwanano lowu nga ka wu nga heleli vatukulu va yena.

Luka 1:63

kuteloko Zakariya a kombele ribye, a tsala a ku: “I Yohane vito ra yena,” kutani va hlamala hinkwavo.

Ntirho 38:41

I mani la tsetselelaka wukuwuku hi swakudya swa rona? Loko mavondlo ya rona ma huwelela eka Xikwembu, Loko ma solovanya hala ni hala hi ku twa ndlala?

Eksoda 3:9

Sweswi, ku huwelela ka vana va Israele ku fikile eka mina; ndzi ku vonisisile ku xaniseka loku Vaegipta va va xanisaka hakona.

Luka 1:31

U ta tika, kutani u ta veleka n'wana wa wanuna, u ta n'wi thya vito ra Yesu (Muponisi).

Luka 1:13

Kambe ntsumi yi ku eka yena: “Zakariya, u nga chavi, hikuva ku khongela ka wena ku yingisiwile; Elizabeta, nsati wa wena, u ta ku velekela n'wana, kutani u ta n'wi thya vito ra Yohane.

Pisalema 22:24

Hikuva a nga solanga ni ku nyenya la nga enhlomulweni, A nga n'wi fihlelangi mombo wa yena; Kambe u n'wi yingisile loko a huwelele eka yena.”

Genesa 37:25

Kutani va tshamisa, va dya swakudya. Kuteloko va tlakusa mahlo ya vona, va languta, va vona pfhumba ra Vaiximaele leri humaka eGiliyadi ni tikamela ta vona, va velekise mirhi, ni balsama, ni ladano, va swi yisa eEgipta.

Genesa 21:17

Kambe Xikwembu xi twa rito ra wandzisanyana, kutani ntsumi ya Xikwembu yi vitana Hagara yi ri etilweni, yi ku: “U na yini, Hagara? U nga chavi, hikuva Xikwembu xi twile rito ra wandzisanyana laha a nga kona.