Genesa 15:9 - Xitsonga (Bibele)

⁹ Kutani Yehovha a ku: “Ndzi tisele thokazi ra malembe manharhu, ni mbuti ya malembe manharhu, ni khuna ra malembe manharhu, ni tuva, ni gugurhwana.”

BIBELE Mahungu Lamanene

⁹ Kavaloko HOSI Xikwembu xi ku ka yena: “Ndzi tisele homu ya thokazi, ni mbuti ya thokazi, ni khuna, swifuwo leswi hinkwaswo swi va swa malembe manharhu, u tisa ni matuva mambirhi.”

Genesa 15:9 Referans Kwoze

Luka 2:24

va ya humesa mhamba leyi lerisiweke hi nawu wa Hosi: “ma nga matuva mambirhi, kumbe mavondlo mambirhi ya matuva.”

Levhitika 14:30

Kutani u ta humesa tuva rin'wana, hambi vondlo hilaha a swi kumeke hakona.

Levhitika 14:22

ni matuva mambirhi, kumbe mavondlo mambirhi ya matuva, hilaha a swi kotaka; rin'wana yi va mhamba ya xidyoho, rin'wana ri endla holokosta.

Levhitika 9:2

a ku eka Aroni: “Teka xinkuzana xa gandzelo ra nandzu, ni khuna ra holokosta, swi nga ri na xivati, u swi tlhavela Yehovha.

Levhitika 3:6

“ ‘Loko nhlengo wa yena wa gandzelo ra ku khensa Yehovha, xi ri xifuwo lexitsongo xa xinuna, hambi swa ntswele, u ta xi humesa xi nga ri na xivati.

Levhitika 3:1

“ ‘Loko nhlengo wa munhu wu ri gandzelo ra ku khensa, ni loko a humesa xifuwo lexikulu, hambi xa xinuna, hambi xa ntswele, u ta xi humesa xi nga ri na xivati emahlweni ka Yehovha.

Levhitika 1:14

“ ‘Loko nhlengo wa yena eka Yehovha, wu ri holokosta ya tinyanyana, u ta humesa nhlengo wa matuva kumbe wa magugurhwana.

Esaya 15:5

Mbilu ya mina yi rilela Mowabu; vabaleki va yena va fika eSowara ni le Egilata-Xelixiya; hikuva va tlhandlukela va ri karhi va rila entsungeni wa Luhiti; endleleni ya Horonayimi va ba mikosi.

Pisalema 50:5

Ndzi hlengeleteleni lava ndzi rhandzaka, Lava endleke ntwanano na mina hi magandzelo.

Levhitika 12:8

Kambe kutakuloko a nga swi koti ku humesa xinyimpfana, u ta teka matuva mambirhi, kumbe mavondlo mambirhi ya swigugurwana, yin'wana ya gandzelo leri hisiwaka, yin'wana ya gandzelo ra nandzu. Muprista u ta n'wi phahlela mhamba, kutani u ta va a basile.’ ”

Levhitika 9:4

ni nkunzi, ni khuna ra gandzelo ra ku khensa ku swi tlhavela Yehovha, ni nhlengo lowu nga pfuviwa hi mafurha; hikuva namuntlha Yehovha u ta tikombisa eka n'wina.’ ”

Levhitika 1:10

“ ‘Loko nhlengo wa yena wu ri wa swifuwo leswitsongo, ti nga tinyimpfu kumbe timbuti, ti va ta holokosta, u ta humesa ya xinuna leyi nga riki na xivati.

Levhitika 1:3

“ ‘Loko nhlengo wa yena yi ri holokosta ya xifuwo lexikulu, u ta humesa nkunzi leyi nga riki na xivati; u ta yi humesa enyangweni ya tabernakela ya nhlengeletano, yi ta amukeriwa emahlweni ka Yehovha.

Genesa 22:13

Abrahama a tlakusa mahlo, a languta, a vona khuna ri ri ndzhaku ka yena, ri phasiwile exihlahlaneni hi timhondzo; Abrahama a ya teka khuna, a ri tlhavela magandzelo ematshan'weni ya n'wanakwe.

Genesa 15:8

Kutani a ku: “Ndzi ta swi tivisisa ku yini leswaku ndzi ta ri fuma?”

Genesa 15:10

Kutani a n'wi tisela swilo leswo, a swi avanyisa hi le xikarhi, a swi xaxameta swi lavana; ntsena a nga avanyisangi tinyanyana.

Levhitika 12:6

“ ‘Kutakuloko masiku ya ku hlamba ka yena ma herile, hambi ma ri ya n'wana wa wanuna, kumbe ya wanhwanyana, u ta tisa eka muprista, enyangweni ya tabernakela ya nhlengeletano, xinyimpfana xa lembe rin'we, xi ri xa gandzelo leri hisiwaka, ni vondlo, kumbe tuva, ku endla gandzelo ra nandzu ha swona.

Risimu ra Tinsimu 2:12

swiluva swa baleka etikweni; Nkarhi wa miloti ya tinyanyana wu fikile, Rito ra tuva ra twakala etikweni ra rikwerhu.