Genesa 15:5 - Xitsonga (Bibele)

⁵ Kutani a n'wi humesela ehandle, a ku: “Languta tilo u hlaya tinyeleti loko u nga swi kota.” A engeta a ku: “Vatukulu va wena va ta kotisa sweswo.”

BIBELE Mahungu Lamanene

⁵ Kavaloko HOSI Xikwembu xi teka Abrama xi ya na yena ehandle, kutani xi ku ka yena: “Languta ehenhla u hlaya tinyeleti, u vona loko u nga ti hlaya u ti heta!” Hiloko xi ku ka yena: “Vatukulu va wena va ta tala ku fana ni tinyeleti leti.”

Genesa 15:5 Referans Kwoze

Vaheveru 11:12

Hikwalaho ku nga humelela hi munhu a ri un'we, la dyuhaleke na swona, vunyingi lebyi fanaka ni tinyeleti ta tilo, ni sava leri nga riki na ku hlayiwa, leri nga eribuwini ra lwandle.

Varhoma 4:18

Abrahama u pfumele hi ku tshemba, hambi wu nga ri nkarhi wa ku tshemba, kutani u endliwile hakona tata wa matiko layo tala, hi leswi a swi byeriweke leswaku: “Rixaka ra wena ri ta va lero tano.”

Duteronoma 1:10

Yehovha, Xikwembu xa n'wina, xi mi andzisile, kutani namuntlha mi tarile kukotisa tinyeleti ta le tilweni.

Eksoda 32:13

Tsundzuka Abrahama na Isaka, na Israele, malandza ya wena, lava u va hlambanyeleke loko u te eka vona: ndzi ta andzisa vatukulu va n'wina, va ta kota tinyeleti ta le tilweni; kutani ndzi ta nyika vatukulu va n'wina tiko hinkwaro leri ndzi ri vuleke va ri fuma hilaha ku nga heriki.’ ”

Genesa 22:17

ndzi ta ku katekisa kunene, ndzi andzisa vatukulu va wena ngopfungopfu, va ta kotisa tinyeleti ta le tilweni, ni sava ra le ribuwini ra lwandle, kambe rixaka ra wena ri ta fuma nyangwa ya valala va rona.

Duteronoma 10:22

Vatata wa wena va rhelele Egipta va ri 70, kutani sweswi, Yehovha, Xikwembu xa wena, u ku andzisile kukotisa tinyeleti ta matilo.

Yeremiya 33:22

Kukotisa mavandla ya le matilweni lama nga hlayiwiki, ni sava ra lwandle leri nga ringanisiwiki; ndzi ta andzisa vatukulu va Davhida, nandza wa mina sweswo, ni Valevhi lava ndzi tirhelaka.”

Pisalema 147:4

U pima ntsengo wa tinyeleti, U ti vita hinkwato hi mavito ya tona.

1 TIKRONIKA 27:23

Davhida a nga talangi va malembe ya makume mambirhi ni le hansi ka wona, hikuva Yehovha a a vurisile leswaku a ta andzisa va Israele kukotisa tinyeleti ta tilo.

Genesa 12:2

Ndzi ta ku endla tiko lerikulu; ndzi ku katekisa, ndzi kurisa vito ra wena, u va xihlovo xa mikateko.

Genesa 28:14

Vatukulu va wena va ta kotisa ntshuri wa misava, u ta nava evupeladyambu, ni le vuxeni, ni le n'walungwini, ni le dzongeni; mindyangu hinkwayo ya misava yi ta katekisiwa ha wena ni vatukulu va wena.

Genesa 26:4

Ndzi ta andzisa vatukulu va wena, va ta kota tinyeleti ta tilo; ndzi ta nyika vatukulu va wena matiko lawa hinkwawo; matiko hinkwawo ya misava ma ta titsakela erixakeni ra wena,

Genesa 16:10

Ntsumi ya Yehovha yi engeta, yi ku eka yena: “Ndzi ta andzisa ngopfu vatukulu va wena, a va nga hlayiwi hi ku tala ka vona.”

Genesa 13:16

Ndzi ta andzisa vatukulu va wena va fana ni ntshuri wa misava; hileswaku loko munhu a nga hlaya ntshuri wa misava, na vona va ta hlayiwa.

Genesa 17:2

Famba emahlweni ka mina, u va munhu lowo lulama; kutani ndzi ta tiyisa ntwanano exikarhi ka mina na wena, ndzi va ndzi ku andzisa hi ku hundzisisa.”

Yoxuwa 24:3

Kutani ndzi tekile tata wa n'wina, Abrahama, ehase ka nambu, ndzi n'wi fambisile etikweni hinkwaro ra Kanana, ndzi va ndzi n'wi andzisela vana, ndzi n'wi nyika Isaka.

1 TIHOSI 3:8

Kutani nandza wa wena u le xikarhi ka tiko ra wena, leri u ri hlawuleke, tiko leri teleke hi vanhu, leri va nga tiviki ku ri hlaya ni ku ri pima hikwalaho ka vunyingi bya rona:

Nehemiya 9:23

U andzisile vana va vona va fana ni tinyeleti ta le tilweni, u va nghenisa etikweni leri u nga byela vatata wa vona leswaku va ta nghena eka rona, va ri fuma.

Ntirho 35:5

Languta matilo, u ma vonisisa! Languta mapapa hikuva ma tlakukile ngopfu ehenhla ka wena!

Esaya 51:2

Langutani Abrahama, tata wa n'wina, na Sara la mi velekeke; hikuva ndzi n'wi vitanile loko a ri swakwe, kutani ndzi n'wi katekisile, ndzi va ndzi n'wi andzisa.

Genesa 32:13

Yakobo a xwa kona vusiku byebyo; kutani a hlawula exikarhi ka leswi ngi a ri na swona emavokweni, a ta rhumela Esawu nhlengo,