Genesa 15:17 - Xitsonga (Bibele)

¹⁷ Kuteloko dyambu ri perile, ku wa munyama; kutani maswivo, khele leri pfurhaka, ni swisa leswi pfurhaka swi hundza exikarhi ka swilo leswi avanyisiweke.

BIBELE Mahungu Lamanene

¹⁷ Loko dyambu ri perile, ku va ni xinyami lexikulu, kutani ku humelela mbita leyi tuvikaka musi, ni xisana xa ndzilo, swi hundza hi le xikarhi ka nyama leyi veketeriweke.

Genesa 15:17 Referans Kwoze

Vaavanyisi 6:21

Kutani ntsumi ya Yehovha yi kombeta hi yinhla va nhonga leyi, ngi yi ri evokweni ra yona, yi khumba nyama ni swinkwa leswi nga riki na comela kwalaho ku huma ndzilo eribyeni wu hisa nyama ni swinkwa leswi nga riki na comela, kutani ntsumi ya Yehovha yi suka eka yena.

Yeremiya 11:4

lowu ndzi wu leriseke vatata wa n'wina, siku ndzi va humesaka etikweni ra Egipta, ehondweni ya nhumbu, ndzi ku: Yingisani rito ra mina, mi endla hinkwaswo leswi ndzi mi lerisaka swona; hilaha mi nga ta va tiko ra mina, mina ndzi va Xikwembu xa n'wina;

1 TIKRONIKA 21:26

Davhida a akela Yehovha alitari kona, kutani a humesa tiholokosta ni magandzelo ya ku khensa, kutani a khongela Yehovha la n'wi hlamulaka hi ndzilo lowu xikeke hi le tilweni ealitarini ya tiholokosta.

Esaya 62:1

Hikwalaho ka Siyoni, ndzi nga ka ndzi nga miyeri, hikwalaho ka Yerusalema, ndzi nga ka ndzi nga wisi, ku hlayiseka ka yena ku kondza ku vonakala kukota vurhonga, ni ku pona ka yena kukotisa rivoningo.

2 SAMIELE 22:9

Ku tlhandluka musi, wu huma etinhompfini ta yena, Ni ndzilo lowu lovisaka emilon'wini ya yena; Ku huma eka yona ni makala lama vavamelaka,

Vaavanyisi 13:20

Kakuloko, malangavi ya ndzilo ya alitari ma pfurhela ehenhla, ntsumi ya Yehovha yi tlhandluka na yona emalangavini ya alitari, Manowaka ni nsati wa yena, va ri karhi va languta; va tiwisela ehansi hi mimombo ya vona.

Duteronoma 4:20

Kambe loko mi ri n'wina, Yehovha u mi tekile, a va a mi humesa efulweni ra Egipta, leswaku mi va tiko ra yena hi xiviri, hilaha mi swi vonaka hakona namuntlha.

Genesa 15:10

Kutani a n'wi tisela swilo leswo, a swi avanyisa hi le xikarhi, a swi xaxameta swi lavana; ntsena a nga avanyisangi tinyanyana.

Eksoda 19:18

Kutani ntshava ya Sinayi a yi mbuluka musi hi matlhelo hinkwawo, hikuva Yehovha a a xikile ka yona a ri endzilweni; musi wa yona wu mbulukele henhla kukota musi wa xitiko; kutani ntshava hinkwayo a yi tsekatseka ngopfu.

1 TIHOSI 18:38

Kavaloko ndzilo wa Yehovha wu wa, wu heta holokosta, ni tihunyi, ni maribye, ni misava; wu phyisa ni mati ya khele.

Eksoda 20:18

Tiko hinkwaro ri yingisa ku pfuma ni mpfumawulo wa nanga ri vona ku hatima, ni ntshava loko yi ri karhi yi mbuluka musi. Kuteloko tiko ri vone sweswo, ri rhurhumela ngopfu, ri yimela ekule.