Genesa 15:13 - Xitsonga (Bibele)

¹³ Kutani a ku eka Abrama: “U tivisisa swinene leswaku vatukulu va wena va ta luvela etikweni leri nga ka ri nga vi ra vona, va ta va makhumbi ya kona, va ta tsongahatiwa hi malembe ya mune wa madzana.

BIBELE Mahungu Lamanene

¹³ kutani HOSI Xikwembu xi ku ka yena: “U fanele ku tshama u ri karhi u tiva mhaka leyi: Vatukulu va wena va ta va valuveri etikweni ra van'wana va hundzuka mahlonga kona, va xaniseka malembe yo ringana 400.

Genesa 15:13 Referans Kwoze

Eksoda 1:11

Kutani ku vekiwa valanguteri ehenhla ka vona va ta va karhata hi mitirho yo vavisa. Hi mukhuva wolowo va akela Faro miti ya switlati ya Pitomu na Ramsese.

Timhaka 7:17

“Kambe, kuteloko ku tshinele nkarhi lowu Xikwembu xi nga ta humesa ku tshembisa loku xi ku hlambanyeleke Abrahama, tiko ri kula ni ku andza eEgipta;

Vagalatiya 3:17

Loko swi ri tano, lexi ndzi xi vulaka hileswaku: Ntwanano lowu tiyisiweke khale hi Xikwembu a wu onhiwanga, ni ku tshembisa ka xona, a ku herisiwanga hi nawu lowu nga ta endzhaku, loko ku hundze malembe ya mune wa madzana, ni makume manharhu.

Levhitika 19:34

Muluveri, la luvelaka exikarhi ka n'wina u ta va eka n'wina kukotisa un'wana wa n'wina; u ta n'wi rhandza kukotisa loko u tirhandza; hikuva a mi ri valuveri etikweni ra Egipta; hi mina Yehovha, Xikwembu xa n'wina.

Genesa 17:8

Ndzi ta ku nyika, na vona vatukulu va wena endzhaku ka wena, tiko leri u nga ka rona u ri muluveri, ri nga tiko ra Kanana hinkwaro, va ri fuma hilaha ku nga heriki, kutani ndzi va Xikwembu xa vona.”

Duteronoma 10:19

Hikwalaho mi ta rhandza muluveri, hikuva a mi ri valuveri etikweni ra Egipta.

Eksoda 23:9

“U nga tshuki u xanisa wamatiko; na n'wina ma yi tiva miehleketo ya wamatiko, hikuva a mi ri vamatiko eEgipta.

Eksoda 22:21

“U nga tshuki u xanisa wamatiko, hikuva na n'wina a mi ri vamatiko etikweni ra Egipta.

Genesa 15:16

Kambe erixakeni ra vumune, va ta vuya halenu, hikuva ku homboloka ka Vaamori a ku si tala hi ku ringana.”

Genesa 47:4

Va engeta va ku eka Faro: “Hi tile ku ta luvela etikweni leri, hikuva a ka ha ri na vudyelo bya mitlhambi ya malandza ya wena, hikuva ndlala yi tikerile tiko ra Kanana; ha ku khongela sweswi, leswaku malandza ya wena ma pfumeleriwa ku aka etikweni ra Goxeni.”

Eksoda 1:13

Kutani Vaegipta va tirhisa vana va Israele hi vukhumbi;

Eksoda 2:24

Xikwembu xi yingisa ku rila ka vona, xi tsundzuka ntwanano wa xona na Abrahama, na Isaka, na Yakobo;

Eksoda 3:8

ndzi xikele ku ta va kutsula emavokweni ya Vaegipta, ni ku va humesa etikweni lero, ndzi va yisa etikweni lerikulu, lero saseka, etikweni ra ntswamba ni vulombe, evutshan'weni bya Vakanana, ni Vahiti, ni Vaamori, ni Vaperesi, ni Vahivhi, ni Vayebusi.

Eksoda 3:10

Sweswi, famba, ndza ku rhuma eka Faro, u ya humesa eEgipta tiko ra mina, vana va Israele.”

Eksoda 3:17

kutani ndzi ku: ‘Ndzi ta mi kutsula enhlomulweni wa n'wina wa Egipta, ndzi mi akisa etikweni ra Vakanana ni ra Vahiti, ni ra Vaamori, ni ra Vaperesi, ni ra Vahivhi, ni ra Vayebusi, etikweni ra ntswamba ni vulombe.’

Duteronoma 5:15

U ta anakanya leswaku a wu ri khumbi etikweni ra Egipta, ni leswaku Yehovha, Xikwembu xa wena, xi ku humesile hi voko ra matimba, ni voko leri tlakukeke; hikwalaho Yehovha, Xikwembu xa wena, xi ku leriseke ku hlayisa siku ra ku wisa.

Pisalema 105:42

Hikuva a tsundzukile rito ra yena leri hlawuriweke, A tsundzuka na Abrahama, nandza wa yena.

Eksoda 1:14

va vavisa ku hanya ka vona hi mitirho leyo tika ya switina, ni mitirho hinkwayo ya masimu; ntirho hinkwawo lowu, va va tirhisa hi ku va xanisa.

Tinhlayo 20:15

Vatata wa hina va rhurhile eEgipta, kutani hi akile malembe ya ku tala eEgipta; kambe Vaegipta va hi xanisile, hina ni vatata wa hina.