Genesa 15:1 - Xitsonga (Bibele)

¹ Endzhaku ka timhaka teto, rito ra Yehovha ri fika eka Abrama enorhweni, ri ku: “Abrama, u nga chavi. Ndzi xitlhangu xa wena ni hakelo ya wena leyikulu.”

BIBELE Mahungu Lamanene

¹ Endzhaku ka timhaka leti, HOSI Xikwembu xi tikomba eka Abrama hi ku vulavula na yena, xi ku: “Abrama, u nga chavi, hikuva hi mina xitlhangu xa wena; u ta va ni minkateko leyo tala!”

Genesa 15:1 Referans Kwoze

Esaya 41:10

U nga chavi, ndzi na wena. U nga tshuki hikuva ndzi Xikwembu xa wena. Ndza ku tiyisa, ndza ku lwela, ndzi ku khoma hi voko ra mina ra xinene leri hlulaka.

Pisalema 119:114

U xichavelo ni xitlhangu xanga; Ndzi langutele ku tshembisa ka wena.

Pisalema 84:11

Hikuva Yehovha Xikwembu i dyambu ni xitlhangu, Yehovha u nyika tintswalo ni ku kwetsima, A nga aleri nchumu eka lava fambaka eku lulameni.

Genesa 26:24

Yehovha a tikombisa eka yena hi vusiku byebyo, a ku eka yena: “Hi mina Xikwembu xa Abrahama, tata wa wena, u nga chavi nchumu, hikuva ndzi na wena, ndzi ta ku katekisa, ndzi andzisa vatukulu va wena hikwalaho ka Abrahama, nandza wa mina.”

Esaya 41:14

U nga chavi, xivungunyana xa Yakobo, masalela lamatsongo ya Israele; ndzi ta ku lwela, ku vula Yehovha; Muhlawuleki wa Israele i muponisi wa wena.

Swirilo 3:24

Ku averiwa ka mina i Yehovha, ku vula sweswo moya wa mina; Hikwalaho ndzi ta n'wi tshemba.

Luka 12:32

“U nga chavi, wee ntlhambinyana, hikuva swi tsakisile Tata wa n'wina ku mi nyika vuhosi.

Pisalema 5:12

Hikuva, wena Yehovha, u katekisa la lulameke, Hi tintswalo ta wena u n'wi rhendzela swanga hi xitlhangu.

Pisalema 18:2

Oho Yehovha! Ribye ra mina, ni khokholo ra mina, ni mulweri wa mina! Oho Xikwembu xanga! Ribye ra mina leri ndzi chavelaka eka rona! Xitlhangu xa mina, ni matimba lama ndzi ponisaka, ni xichavelo xa mina!

Rhuti 2:12

Yehovha a a ku tlherisele leswi u swi endleke! U amukela hakelo leyi hetisekeke ya Yehovha, Xikwembu xa Israele, loyi u teke ku ta chavela etimpapeni ta yena!”

Luka 1:13

Kambe ntsumi yi ku eka yena: “Zakariya, u nga chavi, hikuva ku khongela ka wena ku yingisiwile; Elizabeta, nsati wa wena, u ta ku velekela n'wana, kutani u ta n'wi thya vito ra Yohane.

Esaya 43:5

U nga chavi hikuva ndzi na wena, ndzi ta vuyisa rixaka ra wena ri huma evuxeni, ndzi ri hlengeleta ri huma evupeladyambu.

Pisalema 142:5

Yehovha ndzi rila ka wena, Ndzi ku: “Vuchavelo bya mina hi wena, Ku averiwa ka mina emisaveni ya lava hanyaka.”

Pisalema 3:3

Kambe wena Yehovha, u xitlhangu xa mina, U ku kwetsima ka mina ni loyi a yimisaka nhloko ya mina.

Genesa 21:17

Kambe Xikwembu xi twa rito ra wandzisanyana, kutani ntsumi ya Xikwembu yi vitana Hagara yi ri etilweni, yi ku: “U na yini, Hagara? U nga chavi, hikuva Xikwembu xi twile rito ra wandzisanyana laha a nga kona.

Luka 1:30

Kutani ntsumi yi ku eka yena: “Mariya, u nga chavi; hikuva u kumile tintswalo eka Xikwembu.

Pisalema 58:11

Kutani vanhu va ta ku: “Kunene hakelo yi kona ya la lulameke, Kunene xi kona Xikwembu lexi avanyisaka emisaveni.”

Matewu 8:26

Kutani a ku eka vona: “Vanhu va ku pfumela lokutsongo, mi ni vutoya ha yini-ke?” Kutani a yima, a tshinya xihuhuri ni lwandle, ku rhula lokukulu ku va kona.

Esaya 51:12

“Hi mina, hi mina la mi chavelelaka. U mani wena u chavaka vanhu lava nga ta fa, ni vana va vanhu lava nga ta hundza kukota byanyi,

Pisalema 27:1

Yehovha i ku vonakala ka mina, ni ku hlayiseka ka mina: Ndzi nga tshukisiwa hi mani? Yehovha i khokholo ra vutomi bya mina: Ndzi nga rhurhumela emahlweni ka mani xana?

Swivuriso 11:18

Lowo biha, u tirha mitirho leyi kanganyisaka, Kambe la byalaka ku lulama u ni hakelo leyi tiyeke.

Pisalema 91:4

U ta ku funengeta hi tinsiva ta yena. U ta kuma xisirhelo ehansi ka timpapa ta yena; Vunene bya yena, i xitlhangu ni nhlungula.

Duteronoma 31:6

Tiyisani mbilu, mi tiya! Mi nga chaveni, kambe mi nga chavisiwi hi vona, hikuva Yehovha, Xikwembu xa wena, a famba emahlweni ka wena, a nga ka a nga ku siyi, a nga ka a nga ku tshiki.”

Ezekiele 3:4

A engeta a ku eka mina: “N'wana wa munhu, yana eka yindlu ya Israele, u va byela marito ya mina.

Esaya 44:2

ku vula Yehovha la ku endleke, la ku vumbeke ekhwirini ra mana wa wena, mupfuni wa wena: U nga chavi nchumu, nandza wa mina, Yakobo, Yexuruni wa mina, loyi ndzi n'wi hlawuleke.

Esaya 43:1

Sweswi Yehovha la ku tumbuluxeke, wena Yakobo, la ku vumbeke, wena Israele u vula sweswo, a ku: “U nga chavi nchumu hikuva ndza ku kutsula, ndza ku vitana hi vito ra wena, u wa mina.

Esaya 35:4

Mi ku eka va timbilu leti tshukeke: “Rhulani timbilu, mi nga chavi! Vonani, Xikwembu xa n'wina xa ta hi ku rihisa, ku nga ku hakela ka Xikwembu xi ta ta xi ri xona, xi mi hlayisa.”

Eksoda 14:13

Kutani Muxe a ku eka tiko: “Mi nga chavi; yimani mi ta vona hilaha Yehovha a nga ta mi lamulela hakona namuntlha; hikuva Vaegipta lava mi va vonaka sweswi, a mi nga ha tlheli mi va vona kambe.

Nhlavutelo 1:17

Kuteloko ndzi n'wi vonile, ndzi wela emilengeni ya yena wongi hi loko ndzi file, kutani a veka voko ra yena ra xinene ehenhla ka mina, a ku: “U nga chavi, ndzi Lowo rhanga ni Lowa makumu,

Vaheveru 1:1

Xikwembu xi vulavurile khale na vatatana hi mikarhi leyo tala ni mikhuva leyo tala xi vulavula hi vaprofeta;

1 Vakorinto 3:22

hambi a ri Pawulo, hambi a ri Apolosi, hambi a ri Kefasi, hambi yi ri misava, hambi byi ri vutomi, hambi ri ri rifu, hambi swi ri swa sweswi; hambi swi ri leswi nga ta ta; hinkwaswo i swa n'wina,

Timhaka 10:22

Va ku: “Korneliyo ndhuna ya dzana, wanuna la lulameke, la chavaka Xikwembu, la dzunisiwaka hi tiko hinkwaro ra Vayuda, u lerisiwile hi ntsumi leyo kwetsima ya Xikwembu ku ku vitanela emutini wa yena, a ta yingisa leswi u nga ta n'wi byela swona.”

Swivuriso 30:5

Marito hinkwawo ya Xikwembu ma ringiwile efulweni, I xitlhangu eka lava chavelaka eka xona.

Pisalema 84:9

Oho Xikwembu! Wena xitlhangu xa hina, languta, U vona mombo wa muhlawuriwa wa wena!

1 SAMIELE 9:9

(Khale ka Vaisraele, loko va ya vutisa Xikwembu, a va ku: “Tanani, a hi yeni ka Muvoni,” hikuva muprofeta wa namuntlha a a thyiwa khale Muvoni.)

Ezekiele 11:24

Moya wu ndzi tlakula hi norho, wu ndzi yisa eKalediya, eka vabohiwa, kutani mahlori lawa ndzi ma voneke ma suka emahlweni ka mina.

1 TIKRONIKA 28:20

Davhida a engeta a ku eka Solomoni, n'wana wa yena: “Tiya mbilu u tiya, u endla hakona! U nga chavi, u nga heli mbilu, hikuva Yehovha, Xikwembu, Xikwembu xa mina, u ta va na wena, a nga ka a nga ku tshiki, a nga ka a nga ku rivali, mitirho hinkwayo ya ntirho wa yindlu ya Yehovha yi ko yi hela.

Ezekiele 1:1

Hi lembe ra makume manharhu, hi siku ra vuntlhanu ra n'hweti ya vumune, loko a ndzi ri exikarhi ka lava yisiweke evukhumbini, enambyeni wa Kebara, matilo ma pfuleka, kutani ndzi vona mahlori ya Xikwembu.

Matewu 28:5

Ntsumi yi vulavula yi ku eka vavasati: “Loko mi ri n'wina mi nga chaveni, hikuva ndza swi tiva leswaku mi lava Yesu loyi ngi a vambiwile;

Esaya 44:8

Mi nga chaveni, mi nga rhurhumeli! Xana a ndzi ku byelanga, a ndzi ku tivisanga ni khale? A hi n'wina timbhoni ta mina xana? Xana ku ni xikwembu ehandle ka mina? A ku na rin'wana ribye lerikulukumba, a ndzi ri tivi.”

Tinhlayo 12:6

Kavaloko a ku: “Yingisani swinene marito ya mina! Loko muprofeta u kona exikarhi ka n'wina, mina Yehovha ndzi tikombisa ka yena hi mahlori, ndzi vulavula na yena enorhweni.

Genesa 15:2

Abrama a ku: “Hosi Yehovha, u ta ndzi nyika yini-ke? Ndza tifambela ndzi nga ri na vana, ni mudyandzhaka wa yindlu yanga, hi loyi Eliezere wa Damaska.”

Genesa 15:4

Kavaloko rito ra Yehovha ri fika eka yena, ri ku: “Yeloyi a nga ka a nga dyi ndzhaka ya wena, kambe ku ta dya loyi a nga ta huma emarhumbyini ya wena.”

Genesa 31:7

Kambe tata wa n'wina u ndzi kanganyisile, u hundzurile hakelo ya mina ka khume; hambiswiritano, Xikwembu xi n'wi alele leswaku a ndzi endla swo biha.

Tinhlayo 18:20

Yehovha a ku eka Aroni: “U nga ka u nga kumi ndzhaka etikweni ra vona, u nga ka u nga vi na ku averiwa exikarhi ka vona; hi mina ndzi nga ku averiwa ka wena ni ndzhaka ya wena exikarhi ka vana va Israele.

Tinhlayo 24:4

Rito ra la yingisaka marito ya Xikwembu, La vonaka mahlori ya Lowa matimba hinkwawo, La korhamaka, kutani mahlo ya yena ma pfuleka.

1 SAMIELE 15:10

Kavaloko Yehovha a vulavula na Samiele, a ku:

2 SAMIELE 22:3

Oho! Xikwembu xa mina, ribye ra mina leri ndzi chavelaka eka rona, Xitlhangu xa mina, ni matimba lawa ndzi hlayisekaka ha wona, Ni khokholo leri tlakukeke ra mina, ni xichavelo xa mina! Muponisi wanga! U ndzi sirhelela eka lava ndzi endlaka hi matimba.

Genesa 22:1

Endzhaku ka timhaka teto, Xikwembu xi ringa Abrahama, xi ku eka yena: “Abrahama!” A hlamula a ku: “Hi mina loyi!”

Genesa 22:20

Endzhaku ka timhaka teto, va ta ambela Abrahama, va ku: “Waswivo, Milika na yena, u velekele Nahoro, makwenu, vana;

Duteronoma 18:2

Va nga ka va nga vi na ndzhaka exikarhi ka vamakwavo; Yehovha i ndzhaka ya vona hi laha a va byeleke hakona.

2 TIHOSI 1:15

Kutani ntsumi ya Yehovha yi ku eka Eliya: “Xika na yena, u nga n'wi chavi.” Eliya a pfuka, a ngirimela na yona ehosini.

Pisalema 3:4

Ndzi vitana eka Yehovha hi rito ra mina, Kutani u ndzi hlamula a ri entshaveni ya yena ya ku kwetsima.

Pisalema 115:10

N'wina yindlu ya Aroni, titshembeleni Yehovha! Hi yena mupfuni wa vona ni xitlhangu xa vona.

Esaya 40:10

Vonani, Hosi, Yehovha wa ta hi matimba; wa fuma hi voko ra yena; vonani, wa ta a ri ni ku khensa ka yena, ku hakela ka yena ku n'wi rhangele.

Yeremiya 39:17

Kambe ndzi ta ku lamulela esikwini rolero, ku vula Yehovha, u nga ka u nga nyiketiwi emavokweni ya vanhu volavo u va chavaka.