Genesa 14:8 - Xitsonga (Bibele)

⁸ Kutani hosi ya Sodoma, ni hosi ya Gomora, ni hosi ya Adama, ni hosi ya Seboyimi, ni hosi ya Bela (a nga Sowara), ti huma ti ya hlangana ku lwa na vona erivaleni ra Sidimi,

BIBELE Mahungu Lamanene

⁸ Kutani hosi ya Sodoma, ni ya Gomora, ni ya Adama, ni ya Seboyimi, ni ya Bela (ku nga muti wa Sowara), ti huma nyimpi ti ya hlengeletana eka Nkova wa Sidimi,

Genesa 14:8 Referans Kwoze

Genesa 19:22

Ntsena, hatlisa u tsutsumela kona hikuva a ndzi nga swi koti ku endla nchumu u nga si fika kona.” Hikwalaho va nga thya muti wolowo vito ra Sowara (hileswaku vutsongo).

Genesa 19:20

Vona, ndza ku khongela, muti lowuya, wu kusuhi, a wu kulanga; ndzi pfumelele ndzi balekela kona, (kasi a hi wu ntsongo xana?) ndzi va ndzi hanya!”

Genesa 13:10

Kavaloko Lota a tlakusa mahlo, a vona tiko hinkwaro ra Yordani ku fika le Sowara, ri cheletiwa hinkwaro (Yehovha a nga si lovisa Sodoma na Gomora), ri fana ni ntanga wa Yehovha, ni misava ya Egipta.

Genesa 14:10

Kasi rivala ra Sidimi a ri tele swihlovo swa nhlaka; kutani tihosi ta Sodoma na Gomora ti tsutsuma, ti wela kona, kambe leti poneke ti tsutsumela entshaveni.

Genesa 10:19

Kutani maavana ya Vakanana ma suka eSidoni ku ya fika eGerara na Gaza, ni hitlhelo ra Sodoma na Gomora, na Adama na Seboyimi, ku fika eLaxa.

Genesa 14:9

vona va nga Kedoro-Lawomere, hosi ya Elamu, na Tidala, hosi ya va Goyimi, na Amirafele hosi ya Xinara, na Ariyoko, hosi ya Elasara: ti ri tihosi ta mune leti lwaka ni tihosi ta ntlhanu.

Hosiya 11:8

Xana ndzi nga ku lahla, Efrayimi! Ndzi ku tshika, wena Israele! Xana ndzi nga ku lahla, kukotisa muti wa Adama, ndzi ku endla ku fana na Seboyimi! Kambe e-e, mbilu ya mina yi hundzuka endzeni ka mina, mitsetselelo ya mina hinkwayo yi pfukile.