Genesa 14:6 - Xitsonga (Bibele)

⁶ ni Vahori entshaveni ya vona ya Seyira, ku ya fika eEliparani, emaaveni ya mananga.

BIBELE Mahungu Lamanene

⁶ va hlula ni Vahori lava tshamaka entshaveni ya vona ya Seyira, ku kondza va ya fika le Eliparani, laha mananga ma sungulaka kona.

Genesa 14:6 Referans Kwoze

Duteronoma 2:22

U endlele sweswo vana va Esawu lava akeke eSeyira, loko a heta Vahori emahlweni ka vona, ni loko va teka tiko ra vona kutani va aka ematshan'weni ya vona ku fika namuntlha.

Duteronoma 2:12

Khale Seyira u akiwile hi Vahori, kambe vana va Esawu va va tekele tiko, va va heta emahlweni ka vona, kutani va aka ematshan'weni ya vona, kukotisa leswi endliweke hi Israele etikweni leri Yehovha a n'wi nyikeke leswaku ri va ra yena.)

Genesa 21:21

A aka emananga ya Parani, kutani mana wa yena a n'wi tekela nsati etikweni ra Egipta.

Tinhlayo 13:3

Kutani Muxe a va rhuma hi ku lerisa ka Yehovha, loko va ri emananga ya Parani; vanhu lava a va ri vakulukumba va vana va Israele.

Tinhlayo 12:16

Endzhaku ka swona tiko ri suka eHaseroti, ri ya dzima mitsonga emananga ya Parani.

Habakuku 3:3

Xikwembu xa ta, xi pfa le Temani, Mukwetsimi u pfa entshaveni ya Parani! Ku kwetsima ka yena ku funengete matilo, misava yi tele ku dzuna ka yena.

Tinhlayo 10:12

Kutani vana va Israele va suka emananga ya Sinayi, va famba hi mimpfhuka ya vona kutani papa ri ya yima emananga ya Parani.

Genesa 36:8

Kavaloko Esawu a ya aka entshaveni ya Seyira; Esawu hi yena Edomu.

Genesa 16:7

Ntsumi ya Yehovha yi kuma Hagara a ri ekusuhi ni xihlovo xa mati emananga, kusuhi ni xihlovo xa ndlela ya Xuru;

Genesa 32:3

Kavaloko Yakobo a rhangisa tintsumi emahlweni, ti ya eka Esawu, makwavo, etikweni ra Seyira, ebanyini ra Edomu,

1 TIHOSI 11:18

Va suka eMidiyani, va fika eParani va teka na vona vanhu va Parani va ya fika eEgipta eka Faro, hosi ya Egipta. Faro a n'wi nyika yindlu, a n'wi phamela swakudya, a n'wi nyika ni tiko.