Genesa 14:5 - Xitsonga (Bibele)

⁵ Kutani hi lembe ra khume na mune, ku ta Kedoro-Lawomere, ni tihosi leti ngi ti ri na yena, va hlula Varefayimi eAxiteroti-Karnayimi, ni va Zuzimi eHamu, ni va Emimi eXave-Kiriyatayimi,

BIBELE Mahungu Lamanene

⁵ Hi lembe ra vu-14, Kedoro-Lawomere ni tihosi leti a ti yima na yena, va hlula muti wa Refayimi le Axiteroti-Karnayimi, ni muti wa Suzimi eHamu, ni muti wa Emini eXave-Kiriyatayimi,

Genesa 14:5 Referans Kwoze

Duteronoma 3:11

(Hikuva Ogo hosi ya Baxani a a sarile a ri swakwe wa rixaka ra swinkontlonkontlo. Xana mubedo wa yena, wu nga mubedo wa nsimbhi a wu nga ri eRabata, emutini wa Vaamoni xana? Ku leha ka wona swi ri swisungunhu swa 9, ni ku anama ka wona swisungunhu swa mune, swi ri swisungunhu swa wanuna.)

Duteronoma 1:4

Hi loko a hlurile Sihoni, hosi ya Vaamori, la akeke eHexiboni na Ogo, hosi ya Baxani, la akeke eAxitaroto, na Edreyi.

Genesa 15:20

ni ra Vahiti, ni ra Vaperesi, ni ra Varefayimi,

Duteronoma 3:22

Mi nga tshuki mi va chava, hikuva Yehovha, Xikwembu xa n'wina, xi ta mi lwela xi ri xona.’

Yeremiya 48:23

na Kiriyatayimi, na Beta-Gamulu, na Beta-Meyoni,

Yeremiya 48:1

Ku vula Yehovha wa tinyimpi, Xikwembu xa Israele a ku: “U ni khombo Nebo, hikuva u onhiwile; Kiriyatayimi u khomisiwile tingana, u ngheniwile; Misigaba u khomisiwile tingana, kutani u tshoviwile.

Esaya 17:5

Ku ta fana ni mutshoveri loko a hlengeleta tinhi ni loko voko ra yena ri tsema min'oko enkoveni wa Varefayimi.

Pisalema 106:22

Ni swihlamariso emisaveni ya Hamu, Ni swikombiso leswi chavisaka eLwandle-ro-Tshwuka.

Pisalema 105:27

Va tirha exikarhi ka vona swikombiso leswi a va byeleke swona, Ni masingita etikweni ra Hamu.

Pisalema 105:23

Kutani Israele a fika eEgipta, Yakobo a tshama etikweni ra Hamu, a ri n'eni.

Pisalema 78:51

Xi ba mativula hinkwawo etikweni ra Egipta, Ni mativula ya matimba ya vona emitsongeni ya Hamu.

1 TIKRONIKA 14:9

Vafilista va ta, va phalala enkoveni wa Varefayimi.

1 TIKRONIKA 11:15

Tindhuna tinharhu ta leta makume manharhu, ti xikela eribyeni eka Davhida, ebakweni ra Adulama; Vafilista a va govile enkoveni wa Varefayimi.

1 TIKRONIKA 4:40

Va kuma vudyelo lebyi noneke lebyinene, ni tiko lerikulu ematlhelweni hinkwawo, tiko ro rhula leri etleleke, hikuva lava akeke kona eku sunguleni a va ri va rixaka ra Hamu.

2 SAMIELE 23:13

Tindhuna tinharhu leti humaka eka leti ta makume manharhu, ti xikela eka Davhida hi nkarhi wa ku tshovela ebakweni ra Adulama, loko nyimpi ya Vafilista a yi gova enkoveni wa Varefayimi.

2 SAMIELE 5:22

Vafilista va tlhandluka kambe va hangalaka enkoveni wa Varefayimi.

2 SAMIELE 5:18

Vafilista va ta va hangalaka enkoveni wa Varefayimi. Kavaloko Davhida a vutisa Yehovha, a ku: “Xana ndzi ta tlhandluka ndzi ya lwa ni Vafilista xana?

Yoxuwa 13:31

Ni hafu ya Giliyadi, na Axitaroto, na Edreyi, yi nga miti ya tiko ra Ogo eBaxani, yi nyikiwile vana va Makiri, n'wana Manase, ku ri ka hafu ya vana va Makiri, hi tindlu ta vona.

Yoxuwa 13:19

Kiriyatayimi, Sibima, Sereta-Xahara, entshaveni ya nkova;

Yoxuwa 13:12

ni ku fuma hinkwako ka Ogo, etikweni ra Baxani, loyi a fumeke eAxitaroto na Edreyi, a ri la seleke wa Varefayimi. Muxe a va hlula, a va tekela tiko ra vona.

Yoxuwa 12:4

Va teka ni tiko ra Ogo hosi ya Baxani, la saleke wa Varefayimi, a akile eAxitaroto, na Edreyi;

Duteronoma 3:20

Yehovha a ko a wisisa vamakwenu kukotisa n'wina, kutani na vona va ta fuma tiko leri Yehovha a va nyikeke rona ehase ka Yordani; kutani un'wana ni un'wana u ta tlhelela erifuweni ra yena leri ndzi mi nyikeke rona.’

Genesa 14:4

A va fumiwile hi Kedoro-Lawomere hi malembe ya khume na mambirhi, kutani hi lembe ra khume na manharhu va sungula ku tiarisa.

Tinhlayo 32:37

Vana va Rhuveni va aka Hexiboni, na Eleyale na Kiriyatayimi, na Nebo, na Baala-Meoni (mavito ya miti leyi ma hundzuluxiwile),

Duteronoma 3:13

leswi seleke swa Giliyadi, ni tlhelo hinkwaro ra Baxani leri nga tiko ra Ogo, ndzi ri nyikile hafu ya nyimba ya Manase; tiko hinkwaro ra Arigobi ni ra Baxani hinkwaro, hi leri vuriwaka tiko ra Varefayimi.

Yoxuwa 9:10

ni hinkwaswo leswi a swi endleleke tihosi timbirhi ta Vaamori ehase ka Yordani, a nga Sihoni hosi ya Hexiboni, na Ogo, hosi ya Baxani, lava akeke eAxitaroto.