Genesa 14:22 - Xitsonga (Bibele)

²² Kambe Abrama a hlamula hosi ya Sodoma, a ku: “Ndzi tlakuse voko eka Yehovha, Xikwembu xa le henhlahenhla, n'wini wa tilo ni misava, ndzi ri:

BIBELE Mahungu Lamanene

²² Kambe Abrama a hlamula hosi ya Sodoma a ku ka yona: “Ndzi hlambanyile emahlweni ka HOSI Xikwembu-xa-le-henhla-henhla, xona muendli wa tilo ni misava,

Genesa 14:22 Referans Kwoze

Daniele 12:7

Kutani ndzi twa munhu la ambaleke ntsembyana, la yimeke ehenhla ka mati ya nambu, loko a tlakusa voko ra yena ra xinene ni voko ra ximatsi ehenhla, a hlambanya hi La hanyaka hilaha ku nga heriki, a ku: “Ku sele nkarhi wun'we, ni mikarhi mimbirhi ku yisa exikarhi ka nkarhi wun'wana; kutani leswo hinkwaswo swi ta endlakala loko matimba ya tiko lero kwetsima ma tshoviwile hinkwawo.”

Daniele 4:34

Eku heleni ka masiku walawo, mina, Nebukadnetsara, ndzi tlakuse mahlo ya mina ehenhla, kutani ku titiva ku tlhelela eka mina. Ndzi vonga La nge henhlahenhla, ndzi dzunisa, ndzi kurisa loyi a hanyaka hilaha ku nga heriki, loyi ku fuma ka yena ku nga ku fuma loku nga heriki, loyi vuhosi bya yena byi sukaka erixakeni rin'wana ku yisa etinxakeni leti nga heriki.

Pisalema 83:18

Va ta tiva leswaku wena loyi vito ra yena a nga Yehovha, U tlakukile ehenhla ka misava hinkwayo.

Pisalema 24:1

Misava i ya Yehovha, ni leswi nga eka yona, Misava ni lava akeke eka yona.

Vaavanyisi 11:35

Kakuloko Yefta a n'wi vona, a handzula tinguvu ta yena, a ku: “Yo! N'wananga, u ndzi vavisile, u un'wana wa lava ndzi xanisaka; kasi ndzi ahlamisile nomu wa mina eka Yehovha; ndzi tsandzeka ku hundzuka.”

Duteronoma 32:40

Hikuva ndzi tlakusa voko ra mina etilweni, Ndzi ku: ‘Ndzi loyi a hanyaka hi masiku:

Eksoda 6:8

kutani ndzi ta mi nghenisa etikweni leri ndzi nga hlambanya, ndzi ku: ‘Ndzi ta ri nyika Abrahama, na Isaka, na Yakobo; ndzi mi nyika rona, yi va ndzhaka ya n'wina. Hi mina Yehovha.’ ”

Hagayi 2:8

Silivhere i ya mina, ni nsuku i wa mina, ku vula Yehovha wa mavandla.

Esaya 57:15

Hikuva ku vuriwa sweswo hi La nge henhlahenhla, loyi xiluvelo xa yena i xa masiku, ni loyi vito ra yena ri kwetsimaka: ndzi tshama exivandleni leswi tlakukeke, eku kwetsimeni; kambe ndzi ni munhu la tisolaka, ni la titsongahataka, leswaku ndzi ta pfuxa mimoya leyi tsongahatiweke, ndzi ta pfuxa ni timbilu leti tlhaviweke.

Genesa 21:33

Kutani Abrahama a byala mikuhlu eBerexeba, a khongela kona vito ra Yehovha, Xikwembu xa mikarhi leyi nga heriki.

Genesa 17:1

Kuteloko Abrama a hanyile malembe ya 99, Yehovha a tikombisa eka Abrama, a ku eka yena: “Hi mina Xikwembu xa matimba hinkwawo.

Genesa 14:21

Kutani hosi ya Sodoma yi byela Abrama, yi ku: “Ndzi nyike tinhloko, wena u teka vukosi.”

Genesa 24:3

ndzi ku hlambanyisa ha Yehovha Xikwembu xa tilo, ni Xikwembu xa misava, leswaku u nga ka u nga tekeli n'wana wa mina nsati exikarhi ka vanhwana va Vakanana, volavo ndzi akeke exikarhi ka vona;

2 TIHOSI 5:16

Kambe Elixa a ku: “Yehovha, loyi ndzi yimaka emahlweni ka yena, wa hanya! Ndzi nga ka ndzi nga wu amukeli.” Naamani a n'wi sindzisa ku wu amukela, kambe a ala.

Pisalema 144:8

Valavo, milomu ya vona yi vulaka swahava, Ni voko ra vona ra xinene ri nga voko ra vuxisi!

Pisalema 144:11

Ndzi kutsule, u ndzi ponisa evokweni ra vana va matiko, Lava, milomu ya vona yi vulavulaka swahava, Lava, voko ra vona ra xinene ri nga voko ra vuxisi.

Duteronoma 10:14

“Waswivo! Matilo, ni matilo ya matilo i ya Yehovha, swin'we ni misava, ni hinkwaswo leswi nga eka yona.

2 SAMIELE 2:5

Kutani Davhida a rhuma tintsumi eka vanhu va Yabexe wa Giliyadi, a ku eka vona: “A mi katekisiwe hi Yehovha, n'wina mi nga kombisa tintswalo eka hosi ya n'wina, Sawulo, mi va mi n'wi lahla.

1 TIKRONIKA 29:11

Eka wena Yehovha ku ve vukulu, ni matimba ni ku twala, ni ku kwetsima, ni vuhosi, hikuva hinkwaswo leswi nga etilweni ni le misaveni, swi na wena; eka wena Yehovha, ku ve ku fuma, wena la titlakuseke ku va hosi ehenhla ka swilo hinkwaswo!