Genesa 14:14 - Xitsonga (Bibele)

¹⁴ Kuteloko Abrama a twa leswaku n'wana wa yena u khomiwile, a hlengeleta vanhu va yena va tinhenha, va nga va tswariwa endlwini, va ri 318, kutani a landzelela tihosi ku fika eDani.

BIBELE Mahungu Lamanene

¹⁴ Kuteloko Abrama a twa leswaku va khomile Lota n'wana wa makwavo va famba na yena, a vitana tinhenha ta 318 leti a ti ri emutini wa yena, va hlongorisa valala ku kondza va ya fika eDani,

Genesa 14:14 Referans Kwoze

Vaavanyisi 18:29

Va Dani va engeta va pfuxa muti, va aka kona. Kutani va thya vito ra muti lowu Dani, hi vito ra Dani, tata wa vona, la nga velekiwa i Israele. Vito ro rhanga ra muti a wu ri Layixi.

Genesa 15:3

Abrama a engeta a ku: “Waswivo, a ku ndzi nyikanga n'wana, kutani vona, loyi a nga ta dya ndzhaka ya mina i nandza la nga tswariwa endlwini.”

Eklesiasta 2:7

Ndzi xava malandza ya vavanuna ni ya vavasati ehandle ka lava velekiweke endlwini ya mina; kambe ndzi fuwa mitlhambi leyikulu ya tihomu ni tinyimpfu, ku tlula hinkwavo lava ngi va ri kona eYerusalema, emahlweni ka mina.

Duteronoma 34:1

Kutani Muxe a suka etimbaleni ta Mowabu, a va khandziya entshaveni ya Nebo, enhlohlorhini ya Pisga, leyi langutaneke na Yeriko. Kutani Yehovha a n'wi kombisa tiko hinkwaro: ra Giliyadi ni ku ya fika eDani,

Genesa 17:27

ni vavanuna hinkwavo va yindlu ya yena, hambi va ri va tswariwa endlwini, hambi va ri lava xaviweke hi mali eka valuveri, va yimbisiwa swin'we na yena.

Genesa 17:12

Wanuna un'wana ni un'wana wa masiku ya ntlhanu na manharhu u ta yimbisiwa exikarhi ka n'wina etinxakeni ta n'wina, hambi a ri loyi a tswariweke endlwini, hambi a ri la xaviweke hi mali eka valuveri lava nga riki va rixaka ra wena.

Genesa 12:5

Abrama a teka Sarayi, nsati wa yena, na Lota, n'wana wa makwavo, ni swa vona hinkwaswo leswi va swi fuweke, ni vanhu lava va va velekeke eHarana, kutani va suka va ya etikweni ra Kanana; kutani va ya fika etikweni ra Kanana.

1 Yohane 2:18

Vana, i nkarhi wa makumu kutani kukota leswi mi swi tweke leswaku Antikriste u ta ta, ni sweswi va Antikriste lavo tala va kona; hikwalaho hi tivaka leswaku i nkarhi wa makumu.

Pisalema 68:12

Tihosi ta tinyimpi ti tsutsuma, ti tsutsuma, Kutani wansati la langutelaka yindlu u averiwa xuma.

Vaavanyisi 20:1

Kutani vana va Israele hinkwavo, va huma ku sukela eDani ku ya fika eBerexeba ni le tikweni ra Giliyadi, Vaisraele va hlengeletana eMispa emahlweni ka Yehovha, kukotisa loko a ri munhu un'we.

Genesa 23:6

“Hi yingisise, hosi: U ndhuna ya Xikwembu exikarhi ka hina; lahla mufi wa wena esirheni ra hina leri u nga ta ri hlawula. A ku na un'we wa ka hina la nga ta ku alela sirha ra yena, u yimbela kona mufi wa wena.”

Genesa 18:19

Hikuva ndzi n'wi hlawurile leswaku a lerisa vana va yena ni yindlu ya yena endzhaku ka yena, ku hlayisa ndlela ya Yehovha, ni ku endla leswo lulama leswinene, Yehovha a kondza a humesela Abrahama leswi a n'wi tshembiseke swona.”

Genesa 13:8

Kutani Abrama a byela Lota, a ku: “Ku nga tshuki ku humelela dzolonga exikarhi ka mina na wena, ni le xikarhi ka varisi va mina ni varisi va wena, hikuva hi vana va tata un'we.

Genesa 12:16

Kutani Abrama a rhurheriwa swinene hikwalaho ka nsati wa yena, a kuma swifuwo leswitsongo ni leswikulu, ni timbhongolo, ni makhumbi ya xinuna ni ya xisati, ni matswele ya timbhongolo, ni tikamela.

Swivuriso 17:17

Munghana wa munhu wa n'wi rhandza hi masiku; I makwavo emakhombyeni.

Genesa 14:12

Va teka na yena Lota, n'wana wa makwa Abrama, ni swa yena hinkwaswo, hikuva a akile Sodoma.

Genesa 14:16

Kutani a vuyisa swifuwo hinkwaswo; a vuyisa na Lota makwavo, ni swa yena, ni vavasati ni tiko.

Genesa 17:23

Kavaloko Abrahama a teka Iximaele, n'wana wa yena, ni vavanuna hinkwavo lava tswariweke endlwini ya yena, ni hinkwavo lava a nga va xava hi mali, vanhu hinkwavo va xinuna va yindlu ya Abrahama, a yimbisa nyama ya vona hi siku rolero, hilaha Xikwembu xi n'wi leriseke hakona.

1 TIHOSI 15:20

Bene-Hadada a yingisa hosi Asa, a rhuma tindhuna ta tinyimpi ta yena, ti ya hlasela miti ya Israele; a onha Iyoni na Dani, na Avele-Beta-Maaka, na Kinereta hinkwawo, ni tiko hinkwaro ra Neftali.

Yeremiya 41:12

Kutani va teka vanhu va vona hinkwavo! Va hloma ku ya lwa na Iximaele, n'wana Netaniya, va n'wi kuma ematini lamakulu, ekusuhi na Gibiyoni.

1 SAMIELE 30:19

A va pfumalanga munhu hambi lontsongo, hambi lonkulu, hambi va ri vana va varisanyana, hambi vanhwanyana, hambi xi ri xilo xin'wana xa xuma lexi phangiweke eka vona; Davhida a vuyisa hinkwaswo.