Genesa 14:10 - Xitsonga (Bibele)

¹⁰ Kasi rivala ra Sidimi a ri tele swihlovo swa nhlaka; kutani tihosi ta Sodoma na Gomora ti tsutsuma, ti wela kona, kambe leti poneke ti tsutsumela entshaveni.

BIBELE Mahungu Lamanene

¹⁰ Nkova wa Sidimi a wu ri ni makhele-khele lama taleke hi ntinta, kutani tihosi tin'wana ta Sodoma na Gomora ti wela eka wona loko ti ri karhi ti tsutsuma; leti poneke tona ti tsutsumerile etintshaveni.

Genesa 14:10 Referans Kwoze

Genesa 19:17

Kuteloko va va byisile ehandle, un'wana wa vona a ku: “Baleka, hikwalaho ka vutomi bya wena, u nga languti endzhaku, u nga yimi kwihi na kwihi erivaleni; balekela entshaveni u nga ti tshuka u lova.”

Genesa 19:30

Kutani Lota a suka eSowara a ya tshama entshaveni ni vanhwana lavambirhi va yena, hikuva a a chava ku tshama eSowara. A hanya ebakweni ni vana lavambirhi va yena.

Yeremiya 48:44

La tsutsumaka ku chava nkosi u ta wela ekheleni, kutani la humaka ekheleni u ta phasiwa hi mitlhamu; hikuva ndzi ta tisa ehenhla ka vona, ehenhla ka Mowabu, lembe ra ku biwa ka vona, ku vula Yehovha.

Esaya 24:18

La nga ta baleka hi nchavo, u ta wela erindzini; la nga ta huma erindzini, u ta phasiwa entlhan'wini; hikuva miseledyana ya matilo ya pfuleka, masungulo ya misava ma endla xirhendzeveti.

Genesa 11:3

Kutani va byelana, va ku: “A hi yeni hi ya vumba switina hi swi hisa hi ndzilo.” Kutani va va ni switina ematshan'weni ya maribye, ni nhlaka ematshan'weni ya mbompfi.

Pisalema 83:10

Va herisiwele Eni-Dori, Va endliwe vulongo bya misava.

Yoxuwa 8:24

Kuteloko Vaisraele va hetile ku dlaya vaaki hinkwavo va Ayi emasin'wini, ni le nhoveni, laha va va hlongoriseke kona, ni loko hinkwavo va wile hi vukari bya tlhari ku fika eka lowa ku hetelela, Vaisraele hinkwavo va tlhelela eAyi, va wu hlasela hi tlhari.

Genesa 14:3

Hinkwavo lavo va hlangana erivaleni ra Sidimi (ri nga Lwandle-ra-ku-fa).

Genesa 14:9

vona va nga Kedoro-Lawomere, hosi ya Elamu, na Tidala, hosi ya va Goyimi, na Amirafele hosi ya Xinara, na Ariyoko, hosi ya Elasara: ti ri tihosi ta mune leti lwaka ni tihosi ta ntlhanu.

Genesa 14:11

Kutani va teka vukosi hinkwabyo bya Sodoma, ni bya Gomora, ni swakudya hinkwaswo swa kona, va famba naswo.

Genesa 14:17

Kambe hosi ya Sodoma yi suka ku ya hlangana na Abrama loko a vuya eku hluleni ka Kedoro-Lawomere, ni tihosi leti ngi ti ri na yena erivaleni ra Xave, ri nga rivala ra Hosi.

Genesa 14:21

Kutani hosi ya Sodoma yi byela Abrama, yi ku: “Ndzi nyike tinhloko, wena u teka vukosi.”