Genesa 13:18 - Xitsonga (Bibele)

¹⁸ Kavaloko Abrama a andlamuka a ya tshama emikuhlwini ya Mamre, lowu nga Hebroni, kutani kona a akela Yehovha gandzelo.

BIBELE Mahungu Lamanene

¹⁸ Kutani Abrama a rhurhisa ntsonga wa yena, a ya tshama eka Minkuhlu ya Mamre le Hebroni; kutani a akela HOSI Xikwembu alitari kona.

Genesa 13:18 Referans Kwoze

Genesa 35:27

Kutani Yakobo a fika eka Isaka, tata wakwe, eMamre, emutini wa Kiriyata-Araba, ku nge Hebroni, laha Abrahama na Isaka va akeke kona.

Genesa 18:1

Yehovha a tikombisa eka Abrahama emikuhlwini ya Mamre, a tshamile enyangweni ya ntsonga wa yena ninhlekanhi lowukulu.

Genesa 14:13

Kutani un'wanyana wa vatsutsumi a ta ambela Abrama wa Muheveru, loyi i ngi a tshame mikuhlwini ya Mamre, wa Muamori, makwa Exikolo ni wa Anere, hikuva a va ri vanakulobye va Abrama.

Genesa 8:20

Kutani Nowa a akela Yehovha alitari, kutani a pambula exikarhi ka swifuwo hinkwaswo leswi tengeke, ni le xikarhi ka tinyanyana hinkwato leti tengeke, a humesa holokosta ealitarini.

Pisalema 16:8

Ndzi vekile Yehovha emahlweni ka mina hi masiku; Ndzi nga ka ndzi nga tsekatseki, hikuva u le tsheveni ra mina ra xinene.

1 Timotiya 2:8

Hikwalaho ndzi rhandza leswaku vavanuna va khongela hinkwako va ri karhi va tlakusa mavoko layo basa, ku nga ri na ku kariha ni ku kanetana.

Tinhlayo 13:22

Va tlhandluka edzongeni, va ya fika eHebroni, laha Ahimani, na Xexayi, na Talimayi, vatukulu va Anaka i ngi va ri kona. Muti wa Hebroni wu rhangele Sowani wa Egipta hi malembe ya ntlhanu na mambirhi ku akiwa.

Genesa 37:14

Yena a ku: “Hi mina loyi.” Kutani a ku eka yena: “Wa nga famba, u ya va languta, xana va ha tsakile swinene ni mitlhambi ya vona, u ta ndzi byela mahungu.” A n'wi rhumisa sweswo, kutani Yosefa a suka enkoveni wa Hebroni, a ya fika eXikeme.

Genesa 13:4

laha ngi ku ri ni gandzelo leri a ri akeke kona eku sunguleni, kutani Abrama a khongela kona vito ra Yehovha.

Yoxuwa 14:13

Kavaloko Yoxuwa a n'wi katekisa, kutani a nyika Hebroni eka Kalebe n'wana Yefune, Mukenizi,

Genesa 23:2

Kutani Sara a fa eKiriyata-Araba (a nga Hebroni), etikweni ra Kanana; kutani Abrahama a ta ba nkosi wa Sara, a n'wi rila.

Vaheveru 11:9

Hi ku pfumela, u tshamile a ri muluveri etikweni leri a ri tshembisiweke, a tshama emitsongeni na Isaka, na Yakobo, lava ingi va ri vadyandzhaka swin'we na yena va ku tshembisa ku ri kun'we.

Genesa 22:9

Va fika exivandleni lexi Xikwembu xi n'wi byeleke xona. Abrahama a aka gandzelo, a lunghisa tihunyi, a boha Isaka, n'wana wa yena, a n'wi tlhandleka egandzelweni, ehenhla ka tihunyi.

Genesa 26:25

Isaka a aka kona gandzelo, a khongela vito ra Yehovha, a dzima kona ntsonga wa yena, kutani malandza ya Isaka ma cela kona xihlovo xa mati.

Yoxuwa 15:13

Va nyika Kalebe, n'wana Yefune, ku averiwa ka yena exikarhi ka vana va Yuda, hilaha Yehovha a leriseke Yoxuwa hakona, wu ri muti wa Araba tata wa Anaka, lowu nga Hebroni.

2 SAMIELE 2:1

Endzhaku ka swona, Davhida a vutisa Yehovha, a ku: “Xana ndzi ta khandziyela emutini wun'wana wa Yuda xana?” Yehovha a ku eka yena: “Khandziya.” Davhida a ku: “Ndzi ta khandziyela kwihi xana?” Yehovha a ku: “EHebroni.”