Genesa 13:13 - Xitsonga (Bibele)

¹³ Kasi vanhu va Sodoma a va bihile ngopfu, va ri vadyohi lavakulu emahlweni ka Yehovha.

BIBELE Mahungu Lamanene

¹³ wu nga muti wa vanhu vo homboloka, lava a va dyohela ngopfu HOSI Xikwembu.

Genesa 13:13 Referans Kwoze

2 Petro 2:10

ngopfungopfu lava landzaka nyama eku naveleni ka thyaka, va sandza vuhosi, va tiarisa, va tikurisa, va nga chavi ku sola leswi kwetsimeke;

Yuda 1:7

Kukotisa Sodoma na Gomora, ni miti leyi ngi yi ri ekusuhi na kona, yi nga leyi tinyiketeke vuoswini ni ku landzela nyama yimbe, hi mukhuva wu ri wun'we na tona, miti leyi yi vekiwile ku va xikombiso, yi ri karhi yi avanyiseriwe ndzilo lowu nga heriki.

Varhoma 1:27

Na vona vavanuna, va tshikile ku endla ni wansati hi mukhuva wa kona, kutani va hisiwile hi ku navelana, vavanuna va endla ni vavanunakulobye leswi yilaka ku vuriwa, kutani va tikumele hakelo leyi faneleke ku lahleka ka vona.

Yeremiya 23:24

Xana munhu a nga fihleka exihundleni, leswaku ndzi nga n'wi voni, ku vula Yehovha? A ndzi ku: Matilo ni misava swi tele ha mina, ku vula Yehovha?

Vaheveru 4:13

Kutani a ku na xivumbiwa lexi nga vonakiki emahlweni ka xona, kambe hinkwaswo swi tshama ntsena swi ri erivaleni emahlweni ka loyi hi nga ni mhaka na yena.

Matewu 9:13

Kambe yanani mi ya dyondza rito leri nge: ‘Ndzi rhandza tintswalo, ma nga ri magandzelo!’ Hikuva a ndzi telanga ku vitina lava lulameke eku tshikeni, kambe vadyohi.”

Genesa 18:20

Kutani Yehovha a ku: “Leswi huwa leyi humaka eSodoma na Gomora yi kuleke, ni ku homboloka ka vona ku kuleke ngopfu,

Yohane 9:31

Ha swi tiva leswaku Xikwembu a xi yingisi vadyohi; kambe kungakuloko munhu a chava Xikwembu, a endla hi ku rhandza ka xona, xa n'wi yingisa.

Matewu 9:10

Kutani Matewu a suka a n'wi landza. Kuteloko a tshamile eswakudyeni, endlwini ya yena, valuvisi lavo tala ni vadyohi va nghena va tshama eswakudyeni na Yesu ni vadyondzisiwa va yena.

Esaya 1:9

Loko ngi Yehovha a nga hi hlayiselanga masalela, ingi hi endliwile tanihi Sodoma, hi fana na Gomora!

2 TIHOSI 21:6

A hisa n'wana wa yena endzilweni, a namarhela vungoma ni vuloyi, kutani a veka vangoma ni vabvumbi, a ri karhi a endla leswo biha hi ku tlurisa emahlweni ka Yehovha ku n'wi pfuka.

1 SAMIELE 15:18

Yehovha u ku rhumile, a ku eka wena: ‘Famba, u ya yirisa vadyohi va ka Amaleke, u va hlasela, va ko va herisiwa.’

Genesa 38:7

Kambe Ere, n'wana wa mativula wa Yuda, a a ri munhu wo hunguka emahlweni ka Yehovha, kutani Yehovha a n'wi dlaya.

Genesa 15:16

Kambe erixakeni ra vumune, va ta vuya halenu, hikuva ku homboloka ka Vaamori a ku si tala hi ku ringana.”

Genesa 10:9

A xi ri xihloti xa matimba emahlweni ka Yehovha; hikwalaho-ke va nga te: “Kukotisa Nimrodo, xihloti xa matimba emahlweni ka Yehovha.”

Genesa 6:11

Misava a yi onhakile emahlweni ka Xikwembu. A yi tele mona.

Yohane 9:24

Va engeta va vitana ra vumbirhi munhu loyi ingi a file mahlo, va ku eka yena: “Dzunisa Xikwembu, ha swi tiva leswaku munhu loyi i mudyohi.”

Genesa 39:9

ku hava lonkulu eka mina la endlwini leyi; a nga ndzi aleri nchumu loko a nga ri wena, hikuva u nsati wa yena. Ndzi nga endlisa ku yini swo biha leswikulu swonghasi, ndzi dyohela Xikwembu xana?”

Tinhlayo 32:23

Kambe loko mi nga endlisi sweswo, mi ta dyohela Yehovha; kutani tivani leswaku nandzu wa n'wina wu ta mi kuma.

Genesa 19:13

hikuva hi ta herisa muti lowu, hikuva huwa ya wona yi kurile emahlweni ka Yehovha, kutani Yehovha u hi rhumile ku ta wu lovisa.”

1 SAMIELE 2:17

Sweswo ku dyoha ka majaha lawa a ku ri lokukulu emahlweni ka Yehovha, hikuva a va sandza mihlengo ya Yehovha.

Yeremiya 23:14

Kambe evaprofeteni va Yerusalema, ndzi vone manyala, ku oswana, ni ku famba evunweni; va tiyisa mavoko ya lavo biha, va nga ti hundzuka, un'wana ni un'wana eku biheni ka yena. Eka mina, hinkwavo va kotisa Sodoma, vaaki va kona va kotisa Gomora.”