Genesa 12:6 - Xitsonga (Bibele)

⁶ Abrama a tsemakanya etikweni, a fika exivandleni xa Xikeme, ku nga eMikuhlwini ya More; kambe Vakanana a va ri etikweni lero enkarhini wolowo.

BIBELE Mahungu Lamanene

⁶ Loko va fika eKanana, Abrama a rhendzeleka na tiko a kondza a ya fika eka Nkuhlu wa More, yi nga ndhawu leyi nga Xikeme. Enkarhini lowu, Vakanana a va ha tshama etikweni leri.

Genesa 12:6 Referans Kwoze

Vaheveru 11:9

Hi ku pfumela, u tshamile a ri muluveri etikweni leri a ri tshembisiweke, a tshama emitsongeni na Isaka, na Yakobo, lava ingi va ri vadyandzhaka swin'we na yena va ku tshembisa ku ri kun'we.

Duteronoma 11:30

Tintshava leti, ti le hase ka Yordani, endzhaku ka ndlela ya vupeladyambu, etikweni ra Vakanana lava akeke enkoveni, ku langutana na Giligala, ekusuhi ni mikuhlu ya More.

Genesa 35:4

Kavaloko va nyika Yakobo swikwembu hinkwaswo swin'wana leswi ngi swi ri emandleni ya vona, ni swingwavila swa le tindleveni ta vona, Yakobo a swi yimbela ehansi ka nkuhlu wa le kusuhi na Xikeme.

Vaavanyisi 7:1

Kutani Yerubaali, la nga Gidiyoni a pfuka nimpundzu, ni vanhu hinkwavo lava ngi va ri na yena, va ya gova exihlobyeni xa Haroda, Mixaxa ya Vamidiyani, yona, a yi ri etlhelo ra en'walungwini ka Gidiyoni, kusuhi ni xitsunga xa More, enkoveni.

Genesa 13:7

Kutani ku humelela mholovo exikarhi ka varisi va mitlhambi ya Abrama ni varisi va mitlhambi ya Lota (kasi Vakanana ni Vaperesi a va ri vaaki va tiko enkarhini wolowo).

Timhaka 7:16

Kambe mitsumbu ya vona yi yisiwa eXikeme, yi lahliwa esirheni ra Abrahama leri ingi a ri xavile hi mali eka vana va Hemori, tata wa Xikeme.

Yohane 4:5

Kutani a fika emutini wun'wana wa le Samariya lowu vuriwaka Sikari, ekusuhi ni tiko leri Yakobo a nga ri nyika Yosefa, n'wana wa yena.

1 TIHOSI 12:1

Rhobuwamu a ya eXikeme, hikuva Vaisraele hinkwavo a va tile eXikeme ku n'wi veka hosi.

Vaavanyisi 9:1

Kutani Abimeleke, n'wana Yerubaali, a ya eXikeme eka vakokwa wa yena; a vulavula na vona, ni hinkwavo, va yindlu ya tata wa mana wa yena, a ku:

Yoxuwa 24:32

Marhambu ya Yosefa lama rhwariweke hi vana va Israele loko va suka eEgipta, va ma lahla eXikeme, etlhelweni ra nsimu leyi Yakobo a yi xaveke eka vana va Hamoro, tata wa Xikeme, hi makesita ya dzana, kutani nsimu leyi yi va ya ndzhaka ya vana va Yosefa.

Yoxuwa 20:7

Kavaloko va hlawula Kedexe wa Galeliya, entshaveni ya Neftali, na Xikeme entshaveni ya Efrayimi, na Kiriyata-Araba; wu nga Hebroni, entshaveni ya Yuda.

Genesa 34:2

Kutani Xikeme, n'wana Hamoro, wa Muhivhi, hosi ya tiko, a n'wi vona, a n'wi khoma, a etlela na yena, a n'wi onha.

Genesa 33:18

Kutani Yakobo, nkarhi lowo a vuyaka Padani-Aramu, a fika hi ku tsaka emutini wa Xikeme, wu nga etikweni ra Kanana, a dzima mitsonga yakwe yi vandzamane ni muti.

Genesa 10:15

Kanana a veleka Sidoni, lowa mativula, na Heti,

1 TIHOSI 12:25

Yerobuwamu a aka Xikeme, entshaveni ya Efrayimi, a tshama kona; a tlhela a huma kona a ya aka Penuwele.

Pisalema 60:6

Xikwembu xi vurile eku kwetsimeni ka xona xi ku: “Ndzi ta hlula, Ndzi ta avanyisa Xikeme, ndzi pima nkova wa Sukoti;

Genesa 34:30

Kutani Yakobo a ku eka Simiyoni ni le ka Levhi: “Mi ndzi dyisa mbitsi, mi ndzi endle rivengo eka vaaki va tiko leri, ni ka Vakanana, ni ka Vaperesi; kasi mina ndzi ni vanhu va nga ri vangani, kutani sweswi, va ta ndzi rhambela, va ndzi wela, ndzi lova ni yindlu ya mina.”

Hosiya 6:9

Ku fana ni makhamba lama tumbelelaka vanhu, hi sweswo ntlawa wa vaprista; va dlaya vanhu endleleni leyi yaka eXikeme; hikuva va endla hi mona.