Genesa 12:4 - Xitsonga (Bibele)

⁴ Kutani Abrama a rhurha, hilaha Yehovha a n'wi byeleke hakona, na yena Lota a suka na yena. Abrama a a ri ni malembe ya 75, loko a huma eHarana.

BIBELE Mahungu Lamanene

⁴ Hiloko Abrama a suka a famba hilaha HOSI Xikwembu xi n'wi leriseke hakona; kutani Lota a famba na yena. Loko Abrama a suka eHarani a a ri ni malembe ya 75.

Genesa 12:4 Referans Kwoze

Vaheveru 11:8

Hi ku pfumela, Abrahama, siku a vitaniweke, a yingisa, a rhurhela etikweni leri a nga ta ri nyikiwa hi mukhuva wa ndzhaka; kambe a rhurha a nga tivi laha a yaka kona.

Genesa 11:31

Kutani Tera a teka Abrama, n'wana wa yena, na Lota, n'wana Harana, n'wana wa n'wana wa yena, na Sarayi n'wingi wa yena, nkata Abrama n'wana wakwe, kutani va huma swin'we Uru wa Kalediya, va kongoma tiko ra Kanana. Kuteloko va fike eHarana, va aka kona.

Genesa 11:27

Tinxaka ta Tera hi leti: Tera a veleka Abrama, na Nahoro, na Harana, kutani Harana a veleka Lota.

Timhaka 7:4

Kutani a suka etikweni ra Vakalediya, a ya aka eHarana. Kambe loko tata wa yena a file, Xikwembu xi n'wi rhurhisa, xi n'wi tisa etikweni leri mi akeke eka rona sweswi.

Vaheveru 6:15

Kutani, kuteloko a langutele hi mbilu leyo leha, a kuma leswi a nga tshembisiwa swona.

Genesa 16:3

Kavaloko Sarayi, nkata Abrama, a teka Hagara, wa Muegipta, ri nga khumbi ra yena, a n'wi nyika Abrama, nuna wa yena, leswaku a va nsati wa yena; ku ri loko Abrama a akile khume ra malembe etikweni ra Kanana.

Genesa 16:16

Abrama a a ri ni malembe ya 86, enkarhini lowu Hagara a velekelaka Abrama Iximaele.

Genesa 25:7

Masiku ya malembe ya ku hanya ka Abrahama hi walawo: u hanye malembe ya 175.

Genesa 28:10

Yakobo a suka eBerexeba a kongoma eHarana.

Genesa 13:5

Lota na yena, loyi a fambaka na Abrama, a a fuwe swifuwo leswitsongo ni leswikulu, ni mitsonga.