Genesa 12:3 - Xitsonga (Bibele)

³ Ndzi ta katekisa lava nga ta ku katekisa, ndzi rhuketela lava nga ta ku rhuketela, kambe ha wena ku ta katekisiwa tinxaka hinkwato ta misava.”

BIBELE Mahungu Lamanene

³ Ndzi ta katekisa lava va ku katekisaka, kambe loyi a ku rhuketelaka ndzi ta n'wi rhuketela. Kutani vanhu hinkwavo laha misaveni va ta katekisiwa hikwalaho ka wena.”

Genesa 12:3 Referans Kwoze

Vagalatiya 3:8

Kutani Tsalwa, hi ku vona eku sunguleni leswaku Xikwembu xi ta hlaya ku lulama eka vamatiko hi ku pfumela, ri byerile Abrahama khale mahungu lamanene, ri te: “Matiko hinkwawo ma ta katekisiwa ha wena,”

Genesa 22:18

Kutani matiko hinkwawo ya misava ma ta tikhensa hi rixaka ra wena, hikuva u yingisile rito ra mina.’ ”

Genesa 27:29

Matiko a ma ku tirhele, tinxaka ti ku khinsamela. U va hosi ya vamakwenu, ni vana va mana wa wena a va ku khinsamele! A ku rhuketeriwe loyi a nga ta ku rhuketela! Ku katekisiwa loyi a nga ta ku katekisa!”

Tinhlayo 24:9

A khinsama, a khondla kukota nghala, kukotisa ntswele ya nghala: I mani la nga ta n'wi pfuxa? Ku katekile lava ku katekisaka, A ku rhukaniwe lava ku rhukanaka.”

Genesa 26:4

Ndzi ta andzisa vatukulu va wena, va ta kota tinyeleti ta tilo; ndzi ta nyika vatukulu va wena matiko lawa hinkwawo; matiko hinkwawo ya misava ma ta titsakela erixakeni ra wena,

Genesa 28:14

Vatukulu va wena va ta kotisa ntshuri wa misava, u ta nava evupeladyambu, ni le vuxeni, ni le n'walungwini, ni le dzongeni; mindyangu hinkwayo ya misava yi ta katekisiwa ha wena ni vatukulu va wena.

Vagalatiya 3:16

Kasi ku tshembisa ku endleriwe Abrahama ni rixaka ra yena; a nga vulanga, a ku: “Ni tinxaka ta yena,” kukotisa leswo ngi u vula leto tala; kambe a ku, “hi ku hlaya rin'we ntsena.” Ni rixaka ra wena, a nga Kriste.

Genesa 18:18

Hikuva kunene Abrahama u ta va tiko lerikulu, lera matimba; ha yena ku ta katekisiwa matiko hinkwawo ya misava.

Varhoma 4:11

Kutani a nyikiwa mfungho wa ku yimba ku tiyisa ku lulama ka ku pfumela, loku ngi a ri na kona loko a nga si yimba, leswaku a va tata wa hinkwavo lava pfumelaka hambi va nga yimbanga, leswaku na vona va hlayeriwa ku lulama;

Eksoda 23:22

“Kambe loko u yingisa rito ra yona, u endla hinkwaswo leswi ndzi nga ta ku byela swona, ndzi ta va nala eka valala va wena, ndzi ku lwela eka lava ku pfukaka.

Vagalatiya 3:28

A ka ha ri na Muyuda hambi Mugriki; a ka ha ri na khumbi, ni loko a ri n'wana wa xitswalwa; a ka ha ri na wanuna, ni loko a ri wansati, hikuva hinkwenu mi un'we eka Yesu Kriste.

Pisalema 72:17

Vito ra yona ri ta tshama hi laha ku nga heriki, Vito ra yona ri ta va kona hi laha dyambu ri nga ta va kona. Vanhu va ta katekisana ha yona, Matiko hinkwawo ma ta yi vula la katekeke.

Nhlavutelo 7:9

Endzhaku ka sweswo, ndzi languta, kutani ndzi vona vunyingi lebyikulu bya vanhu lava ku nga riki na munhu la kotaka ku va hlaya, va matiko hinkwawo, ni va tinxaka hinkwato, ni va swivongo hinkwaswo, ni va tindzimi hihinkwato, va yimile emahlweni ka xiluvelo, ni le mahlweni ka Xinyimpfana, va ambele tinguvu leto basa, va khomile micindzu emavokweni ya vona.

Vaefesa 1:3

A ku khensiwe Xikwembu, Tata wa Hosi ya hina, Yesu Kriste, lexi nga hi katekisa hi ku kateka hinkwako ka Moya eka Kriste, ematilweni ya le henhla,

Matewu 25:40

Hosi yi ta va hlamula, yi ku: ‘Ndzi vurisile ndzi ri eka n'wina: Leswi loko mi swi endlile eka lontsongo wa vamakwerhu, mi swi endlele mina.’

Genesa 30:27

Labani a ku eka yena: “I ngi ndzi nga kuma tintswalo emahlweni ka wena! Ndzi tsundzukile leswaku Yehovha u ndzi katekisile hikwalaho ka wena.”

Vakolosa 3:11

Laha a ku na Mugriki, ni loko a ri Muyuda, ni loko ri ri nkwerha, ni loko ri ri khuna, ni loko a ri mubarbari, ni loko a ri Muskita, ni loko a ri hlonga la fuyiweke, ni loko a ri la nga fuyiwangiki, kambe Kriste i hinkwaswo eka hinkwavo.

Genesa 39:5

Kuteloko a n'wi vekile a va muhlayisi wa yindlu ya yena ni wa hinkwaswo leswi i ngi a ri na swona, Yehovha a katekisa yindlu ya Muegipta hikwalaho ka Yosefa: kutani ku katekisa ka Yehovha ku va hinkwako eka leswi i ngi a ri na swona endlwini ni le masin'wini.

Genesa 30:30

Hikuva a wu ri ni swilo swi nga ri swingani, ndzi nga si ta, kambe sweswi, swi andzile ngopfungopfu, Yehovha u ku katekisile mpfhuka ndzi ta. Kutani sweswi, ndzi ta tirhela rini yindlu ya mina?”

1 Vakorinto 1:30

Kutani ha xona mi le ka Yesu Kriste, la endleriweke hina, hi ku rhandza ka Xikwembu, vutlhari, ni ku lulama, ni ku kwetsima, ni ku kutsuriwa,

Matewu 25:45

Hilaha a nga ta va hlamula, a ku: ‘Ndzi vurisile ndzi ri eka n'wina: Loko mi nga swi endlanga eka un'wana wa lavatsongo, a mi swi endlanga, ni le ka mina.’

Luka 24:27

Kutani a sungula hi Muxe ku yisa eka vaprofeta hinkwavo, a ri karhi a va ringanisela hi matsalwa hinkwawo timhaka leti a vuriweke ha tona.

Genesa 18:19

Hikuva ndzi n'wi hlawurile leswaku a lerisa vana va yena ni yindlu ya yena endzhaku ka yena, ku hlayisa ndlela ya Yehovha, ni ku endla leswo lulama leswinene, Yehovha a kondza a humesela Abrahama leswi a n'wi tshembiseke swona.”

Genesa 24:35

Yehovha u katekisile ngopfu n'wini wa mina, la nga hundzuka munhu wa matimba; u n'wi nyikile swifuwo leswitsongo ni leswikulu ni mali yo basa ni nsuku, ni makhumbi ya xinuna ni ya xisati, ni tikamela ni timbhongolo.

Genesa 25:11

Kuteloko Abrahama a file, Xikwembu xi katekisa Isaka, n'wana wa yena; Isaka a tshama ekusuhi ni xihlovo xa Berilahayi-Royi.

Genesa 26:29

U hlambanya u ku u nga hi endleli swo biha, kukotisa loko hi nga ku khumbanga, hi ku endlele swinene ntsena, hi va hi ku tshika u famba hi ku rhula, kutani sweswi, u katekisiwile hi Yehovha.”