Genesa 12:2 - Xitsonga (Bibele)

² Ndzi ta ku endla tiko lerikulu; ndzi ku katekisa, ndzi kurisa vito ra wena, u va xihlovo xa mikateko.

BIBELE Mahungu Lamanene

² Kutani ndzi ta ku endla tiko lerikulu, ndzi ku katekisa, ndzi kurisa vito ra wena; u ta va xihlovo xa minkateko.

Genesa 12:2 Referans Kwoze

2 SAMIELE 7:9

a ndzi ri na wena hinkwako laha u fambeke kona, ndzi hetile valala hinkwavo va wena emahlweni ka wena; ndzi ku endlile vito lerikulu, kukotisa mavito ya vakulu lava nga emisaveni.

Vagalatiya 3:14

leswaku ku kateka ka Abrahama ku tela vamatiko ha Yesu Kriste, leswaku hi amukela hi ku pfumela ku tshembisiwa ka Moya.

Genesa 18:18

Hikuva kunene Abrahama u ta va tiko lerikulu, lera matimba; ha yena ku ta katekisiwa matiko hinkwawo ya misava.

Genesa 35:11

Kutani Xikwembu xi ku eka yena: “Hi mina Xikwembu xa matimba hinkwawo: tswalani, ma andza, tiko ni vunyingi bya matiko swi ta huma eka wena, ni tihosi ti ta huma enkaveni wa wena.

Genesa 46:3

Xi ku: “Hi mina Xikwembu, Xikwembu xa tata wa wena; u nga chavi ku ngirimela eEgipta, hikuva ndzi ta ku endla tiko lerikulu kona.

Genesa 26:4

Ndzi ta andzisa vatukulu va wena, va ta kota tinyeleti ta tilo; ndzi ta nyika vatukulu va wena matiko lawa hinkwawo; matiko hinkwawo ya misava ma ta titsakela erixakeni ra wena,

Genesa 24:35

Yehovha u katekisile ngopfu n'wini wa mina, la nga hundzuka munhu wa matimba; u n'wi nyikile swifuwo leswitsongo ni leswikulu ni mali yo basa ni nsuku, ni makhumbi ya xinuna ni ya xisati, ni tikamela ni timbhongolo.

Vagalatiya 3:7

tsundzukani hakona leswaku lava nga va ku pfumela, hi vona vana va Abrahama.

Eksoda 1:7

Kutani vana va Israele va engeteleka, va andza, va tala ngopfu, va kuma matimba, va tata tiko ra Egipta.

Genesa 13:16

Ndzi ta andzisa vatukulu va wena va fana ni ntshuri wa misava; hileswaku loko munhu a nga hlaya ntshuri wa misava, na vona va ta hlayiwa.

Genesa 15:5

Kutani a n'wi humesela ehandle, a ku: “Languta tilo u hlaya tinyeleti loko u nga swi kota.” A engeta a ku: “Vatukulu va wena va ta kotisa sweswo.”

Duteronoma 26:5

Kutani u ta vulavula emahlweni ka Yehovha, Xikwembu xa wena, u ku: ‘Tatana a a ri Muaramu, a lave ku fa, kutani a xikela eEgipta a ri ni vanhu lava nga talangiki, a tshama kona a ri muluveri; kambe a hundzukela kona tiko lerikulu, leri nga ni matimba, ni vanhu lavo tala.

Eksoda 32:10

Ndzi tshike sweswi, ndzi va karihela, ndzi va heta; kambe wena ndzi ta ku endla tiko lerikulu.”

Genesa 28:14

Vatukulu va wena va ta kotisa ntshuri wa misava, u ta nava evupeladyambu, ni le vuxeni, ni le n'walungwini, ni le dzongeni; mindyangu hinkwayo ya misava yi ta katekisiwa ha wena ni vatukulu va wena.

Genesa 27:29

Matiko a ma ku tirhele, tinxaka ti ku khinsamela. U va hosi ya vamakwenu, ni vana va mana wa wena a va ku khinsamele! A ku rhuketeriwe loyi a nga ta ku rhuketela! Ku katekisiwa loyi a nga ta ku katekisa!”

Genesa 19:29

Kambe kakuloko Xikwembu xi herisa miti ya rivala, xi tsundzuka Abrahama, xi ponisa Lota ekhombyeni lero siku xi lovisaka miti leyi Lota a nga aka eka yona.

Varhoma 4:11

Kutani a nyikiwa mfungho wa ku yimba ku tiyisa ku lulama ka ku pfumela, loku ngi a ri na kona loko a nga si yimba, leswaku a va tata wa hinkwavo lava pfumelaka hambi va nga yimbanga, leswaku na vona va hlayeriwa ku lulama;

Tinhlayo 14:12

Ndzi ta ri ba hi ntungu ndzi ri heta, kutani ndzi ta endla ha wena tiko lerikulu, leri nga ni matimba ku tlula rona!”

1 TIHOSI 1:47

Kavaloko hosi yi khinsama exilawini xa yona.

Mikiya 7:20

U ta kombisa Yakobo vunene, na Abrahama tintswalo leti u nga ti hlayela vatatana hi ku hlambanya ka ha ri emikarhini ya khale.

Genesa 18:19

Hikuva ndzi n'wi hlawurile leswaku a lerisa vana va yena ni yindlu ya yena endzhaku ka yena, ku hlayisa ndlela ya Yehovha, ni ku endla leswo lulama leswinene, Yehovha a kondza a humesela Abrahama leswi a n'wi tshembiseke swona.”

Genesa 24:1

Abrahama a a dyuhele, a talele hi masiku; kambe Yehovha a a katekisile Abrahama eswilweni hinkwaswo.

Genesa 25:11

Kuteloko Abrahama a file, Xikwembu xi katekisa Isaka, n'wana wa yena; Isaka a tshama ekusuhi ni xihlovo xa Berilahayi-Royi.

Genesa 26:3

Sala etikweni roleri, kutani ndzi ta va na wena, ndzi ku katekisa, hikuva matiko lawa, ndzi ta ma nyika wena ni vatukulu va wena, ndzi va ndzi tiyisa ku hlambanya loku ndzi nga hlambanyela Abrahama, tata wa wena.

Tinhlayo 22:12

Xikwembu xi ku eka Balaama: “U nga ka u nga fambi na vona. U nga ka u nga rhukaneli tiko leri hikuva ri katekisiwile.”

Tinhlayo 23:20

Kunene, ndzi lerisiwe ku katekisa; U katekisile, ndzi nga ka ndzi nga hundzuli.

Pisalema 107:38

A va katekisa, kutani va andza ngopfu; A nga hungutanga ntsengo wa swifuwo swa vona.

Ezekiele 34:26

Vona ni va le matlhelweni ya xintshabyana xa mina, ndzi ta va endlela ku kateka; ndzi ta nisa mpfula hi nkarhi wa yona; ku ta va ni ku tsakama ka ku kateka kona.

Zakariya 8:13

Kukota leswi ngi mi ri xisandzu ematikweni, n'wina, yindlu ya Yuda, na n'wina, yindlu ya Israele, ndzi ta mi hanyisa sweswi, mi va ku kateka. Mi nga chaveni, mavoko ya n'wina a ma tiye!”

Genesa 17:20

Loko a ri Iximaele, ndzi ku yingisile: Waswivo, ndzi ta n'wi katekisa, ndzi n'wi nyika vana, ndzi n'wi andzisa ngopfungopfu; u ta veleka tihosi ta khume na timbirhi, ndzi ta endla ha yena tiko lerikulukumba.

Ntirho 35:8

Ku biha ka wena ku nga onha munhu wo kotisa wena, Ku lulama ka wena ku nga pfuna n'wana wa munhu ntsena.

Esaya 51:2

Langutani Abrahama, tata wa n'wina, na Sara la mi velekeke; hikuva ndzi n'wi vitanile loko a ri swakwe, kutani ndzi n'wi katekisile, ndzi va ndzi n'wi andzisa.