Genesa 12:18 - Xitsonga (Bibele)

¹⁸ Kavaloko Faro a vita Abrama, a ku eka yena: “U ndzi endlise yini? A ku ndzi tivisanga ha yini-ke leswaku i nsati wa wena?

BIBELE Mahungu Lamanene

¹⁸ Kutani Faro a vitana Abrama a ku ka yena: “Xana i mhaka muni leyi u ndzi vangeleke yona xana? Xana hikwalaho ka yini u nga ndzi byelanga leswaku munhu loyi i nsati wa wena xana?

Genesa 12:18 Referans Kwoze

Swivuriso 21:1

Mbilu ya hosi i xinambyana xa mati evokweni ra Yehovha, U yi fambisa hinkwako laha a rhandzaka kona.

1 SAMIELE 14:43

Sawulo a ku eka Yonatani: “Ndzi byele lexi u xi endleke.” Kutani Yonatani a n'wi byela, a ku: “Ndzi nantswile vulombenyana hi yinhla ya nhonga leyi ndzi yi tameleke, hi mina loyi, ndzi ta fa!”

Yoxuwa 7:19

Yoxuwa a ku eka Akani: “N'wananga dzunisa Yehovha, Xikwembu xa Israele u n'wi vonga, kutani u ndzi byela lexi u xi endleke, u nga ndzi fihleli xona.”

Eksoda 32:21

Kutani Muxe a ku eka Aroni: “Tiko leri ri ku endlile yini loko ri endlerile ku dyoha lokunghasi?”

Genesa 44:15

Yosefa a ku eka vona: “Mi endlele yini loko mi endle leswi? Xana a mi swi tivi leswaku munhu la kotisaka mina kunene u tiva ku bvumbha?”

Genesa 31:26

Kutani Labani a ku eka Yakobo: “U endle yini, leswi u nga baleka, u tsutsuma ni vana va mina swa nge i vakhomiwa hi matlhari?

Genesa 4:10

Kambe Yehovha a ku: “U endle yini? Rito ra ngati ya makwenu ri huwelele emisaveni, ri ta eka mina.

Genesa 3:13

Yehovha Xikwembu a ku eka wansati: “U swi endlele yini xana?” Wansati a ku: “I nyoka leyi nga ndzi kanganyisa, kutani ndzi dya.”

Genesa 12:19

U vurise ku yini u ku: ‘I makwerhu,’ ndzi ko ndzi n'wi endla nsati wa mina? Kutani sweswi, nsati wa wena hi loyi; n'wi teke u famba na yena.”

Genesa 20:3

Kambe Xikwembu xi ta eka Abimeleke, enorhweni wa vusiku, xi ku eka yena: “Waswivo, u ta fa hikwalaho ka nsati loyi u n'wi tekeke, hikuva u ni nuna.”

Genesa 29:25

Kuteloko byi xile, Yakobo a vona leswaku i Leya. A ku eka Labani: “U ndzi endlile yini? Xana a hi yena Rahele loyi ndzi nga n'wi tirhela eka wena xana? U ndzi kanganyisele yini?”

Vaavanyisi 2:2

A ndzi ku: ‘Na n'wina mi nga ka mi nga endli ntwanano ni lava akeke etikweni leri, kambe mi mbundzuxa tialitari ta vona.’ Kambe a mi yingisangi rito ra mina. Mi endlele yini sweswo xana?

2 SAMIELE 3:24

Kavaloko Yowabu a ta ehosini, a ku: “U endle yini xana? Waswivo, Abinere u tile eka wena! U n'wi tlherisele yini, a famba hi ku tsaka?