Genesa 12:1 - Xitsonga (Bibele)

¹ Kutani Yehovha a byela Abrama, a ku: “Huma etikweni ra wena ni le rixakeni ra wena, ni le ndlwini ya tata wa wena, u ya etikweni leri ndzi nga ta ku kombisa rona.

BIBELE Mahungu Lamanene

¹ HOSI Xikwembu xi ku ka Abrama: “Suka etikweni ra rikwenu, u hambana ni maxaka ya wena ni va ka n'wina hinkwavo, u ya etikweni leri ndzi nga ta ku komba rona.

Genesa 12:1 Referans Kwoze

Vaheveru 11:8

Hi ku pfumela, Abrahama, siku a vitaniweke, a yingisa, a rhurhela etikweni leri a nga ta ri nyikiwa hi mukhuva wa ndzhaka; kambe a rhurha a nga tivi laha a yaka kona.

Nehemiya 9:7

Hi wena Yehovha, Xikwembu la hlawuleke Abrama, u n'wi rhurhisela Uru wa Kalediya, u n'wi thya vito ra Abrahama,

Esaya 51:2

Langutani Abrahama, tata wa n'wina, na Sara la mi velekeke; hikuva ndzi n'wi vitanile loko a ri swakwe, kutani ndzi n'wi katekisile, ndzi va ndzi n'wi andzisa.

Genesa 15:7

Yehovha a engeta, a ku: “Hi mina Yehovha, la nga ku humesa eUru wa Kalediya, ku ta ku nyika tiko leri, u ri fuma.”

Ezekiele 33:24

“N'wana wa munhu, lava akeke emarhumbini lawa ya tiko ra Israele va vula leswaku: ‘Abrahama a a ri un'we ntsena, hambiswiritano u fume tiko; hina, hi vanyingi, kutani tiko leri hi nyikiwile rona ku ri fuma.’

2 Vakorinto 6:17

Hikwalaho, humani exikarhi ka vona, mi tihlawula, ku vurisa sweswo Hosi; mi nga tshuki mi khumba swa thyaka, kutani ndzi ta mi amukela.

Esaya 41:9

Ndzi ku tekile emakun'wini ya misava, ndzi ku vitanile etikweni leri nga ekule, ndzi ku byerile, ndzi ku: ‘U nandza wa mina,’ ndzi ku hlawurile, a ndzi ku nyenyanga!

Nhlavutelo 18:4

Kutani ndzi twa rito rin'wana leri humaka etilweni, ri ku: “Sukani eka yena, n'wina va tiko ranga, leswaku mi nga tshuki mi nghena eku dyoheni ka yena, kutani mi nga ti weriwa hi makhombo ya yena.

Genesa 20:13

Kuteloko Xikwembu xi ndzi tsendzelekisile ekule ni yindlu ya tatana, ndzi te eka yena: ‘Vona, u ta ndzi pfunisa sweswo: Hinkwako laha hi yaka kona, u nge: i makwerhu.’ ”

Genesa 24:4

kambe u ta ya etikweni ra mina, ni laha ndzi tswariweke kona, u ya tekela n'wananga Isaka, nsati kona.”

Genesa 26:2

Kutani Yehovha a tikombisa eka yena, a ku: “U nga rheleli Egipta; tshama etikweni leri ndzi nga ta ku byela rona.

Esaya 37:12

Xana swikwembu swa matiko lama herisiweke hi vatata wa mina swi ma ponisile xana? A ri Gozana, na Harana, na Resefa, ni vana va Edeni lava nge Telasara?

Genesa 24:7

Yehovha Xikwembu xa tilo, la ndzi humeseke endlwini ya tatana, ni le tikweni ra matswalo ya mina, a va a ndzi byela hi ku hlambanya, a ku: ‘Ndzi ta nyika vatukulu va wena tiko leri’, yeloyi u ta rhumela ntsumi ya yena emahlweni ka wena, u ta tekela n'wananga nsati kona.

Genesa 24:38

kambe u ta ya endlwini ya tatana, ni le rixakeni ra mina, u tekela n'wananga nsati kona.’

Tinhlayo 10:30

Hobabu a ku eka yena: “Ndzi nga ka ndzi nga yi, kambe ndzi ta ya etikweni ra mina ni le ka varikwerhu.”