Genesa 10:22 - Xitsonga (Bibele)

²² Vana va Xeme: Elamu, Axuru, Aripakixada, Ludu, Aramu.

BIBELE Mahungu Lamanene

²² Elamu, na Axuru, na Aripakixada, na Ludi, na Aramu.

Genesa 10:22 Referans Kwoze

Esaya 66:19

Ndzi ta endla xikombiso exikarhi ka vona, kutani ndzi ta rhuma ematikweni lava nga ta pona exikarhi ka vona, eka Tarxixi, ni ka Pulu, ni ka Ludu, lava copaka hi vurha, eka Tubala ni ka Yavhani, eswihlaleni leswi nga ekule, leswi nga siki twaka ta mina, leswi nga siki vonaka ku kwetsima ka mina, kutani va ta twarisa ku vonakala ka mina exikarhi ka vamatiko;

Timhaka 2:9

Hina Vaparta, ni Vameda, ni Vaelamu ni lava akeke eMesopotamiya, na Yudiya, na Kapadokiya, na Ponto, na Asiya,

Yeremiya 25:25

ni tihosi hinkwato ta Zimri, ni tihosi hinkwato ta Elamu, ni tihosi hinkwato ta Mediya;

Esaya 22:6

Elamu u tamele gadzi, ku humelela tigolonyi leti teleke tinhenha, ni vakhandziyi va tihanci; Kiri u hlomile switlhangu.

Esaya 21:2

Ndzi kombiwile leswi chavisaka ngopfu: Muxanisi u tirha hi ku xanisa ka yena, muphangi wa phanga! Tlhandluka Elamu! Rhendzela, wee Mediya! Ndzi herisa ku konya hinkwako!

Esaya 11:11

Kambe enkarhini wolowo, Hosi yi ta yimisa ra vumbirhi voko ra yona, yi kutsula masalela ya tiko ra yona, lama siyiweke ematikweni ya Asiriya, ni ya Egipta, ni ya Patroso, ni ya Kuxi, ni ya Elamu, ni ya Xinara, na Hamata ni le swihlaleni swa lwandle.

Ntirho 1:17

Yeloyi loko a ha vulavula, ku fika un'wana, a ku: “Vakalediya va mavandla manharhu va wele tikamela ehenhla, va ti byisa, va dlaya ni varisi hi matlhari; ku pona mina ntsena ndzi ku byelaka.”

2 TIHOSI 15:19

Pulu, hosi ya Asiriya a nghena etikweni ra Israele, kutani Menahema a nyika Pulu titalenta ta silivhere ta 1 000 leswaku a n'wi pfuna ku tiyisa vuhosi evokweni ra yena.

Tinhlayo 23:7

Kutani Balaama a bvumbha, a ku: “Balaka u ndzi vitanile ndzi ri eAramu, Hosi ya Mowabu yi ndzi rhelerisile etintshaveni ta le vuxeni. ‘Tana u ndzi rhukanela Yakobo! Tana u karihela Israele!’

Genesa 9:26

A engeta a ku: “A ku khensiwe Yehovha, Xikwembu xa Xeme, na Kanana a a ve nandza wa yena!

Luka 3:36

wa Kayinana, wa Arifakisada, wa Seme, wa Nowa, wa Lameke;

Genesa 10:21

Ku velekiwe vana ni le ka Xeme, a nga tata wa vana hinkwavo va Ebere, ni makwa wa Yafeta lowa mativula.

Genesa 11:10

Tinxaka ta Xeme, hi leti: Xeme, loko a ri ni dzana ra malembe, a veleka Aripakixada hi lembe ra vumbirhi endzhaku ka ndhambi;

Tinhlayo 24:22

Kambe Mukeni u ta hlongoriwa, Loko Asuru a ta ku yisa ekule, u ri mubohiwa.”

Ezekiele 32:24

“Elamu, na yena, u kona, ni vunyingi bya yena hinkwabyo, byi rhendzele sirha ra yena, hinkwavo va dlayiwile va wisiwe hi fumu, lava nghenaka va nga yimbanga emisaveni leyi nga ehansi, va nga lava ingi va pfuxa ku chavisa etikweni ra lava hanyaka, kutani va rhwala tingana ta vona kun'we ni lava nghenaka enceleni.

Daniele 8:2

Kuteloko ndzi languta, swi va tanihi loko ndzi ri eXuxani, emutini wa le hosini wa tiko ra Elamu; ndzi vona xivono ndzi tshamile eribuwini ra nambu wa Ulayi.