Genesa 1:28 - Xitsonga (Bibele)

²⁸ Xikwembu xi va katekisa. Xi ku eka vona: “Tswalanani, mi andza, mi tata misava mi yi fuma, mi fuma ni tinhlampfi ta lwandle, ni tinyanyana ta tilo, ni swin'wana hinkwaswo leswi hanyaka emisaveni.”

BIBELE Mahungu Lamanene

²⁸ Kutani Xikwembu xi va katekisa, xi ku ka vona: “Tswalanani mi andza mi tata misava, mi yi fuma. Mi fuma tinhlampfi ni tinyanyana, ni swivumbiwa hinkwaswo leswi famba-fambaka emisaveni.”

Genesa 1:28 Referans Kwoze

Genesa 9:1

Kutani Xikwembu xi katekisa Nowa ni vana va yena, xi ku eka vona: “Tswalanani, mi andza, mi tata misava.

Genesa 9:7

Kambe n'wina, tswalanani mi andza, mi tala ni ku engeteleka emisaveni.”

Levhitika 26:9

“ ‘Ndzi ta hundzukela eka n'wina, ndzi mi andzisa mi tala, kambe ndzi ta tiyisa ntwanano wa mina na n'wina.

Genesa 1:22

Xikwembu xi swi katekisa, xi ku: “Tswalanani, mi andza, mi tata mati ya malwandle; ni tinyanyana a ti andze ehenhla ka misava.”

Esaya 45:18

Hikuva u vurile sweswo Yehovha, la endleke matilo, xona Xikwembu lexi endleke misava ni ku yi vumba lexi yi sunguleke xi ri xona; a nga yi endlanga mananga, kambe u yi endlile leswaku yi akiwa. “Hi mina Yehovha, ku hava un'wana!

Genesa 17:20

Loko a ri Iximaele, ndzi ku yingisile: Waswivo, ndzi ta n'wi katekisa, ndzi n'wi nyika vana, ndzi n'wi andzisa ngopfungopfu; u ta veleka tihosi ta khume na timbirhi, ndzi ta endla ha yena tiko lerikulukumba.

Genesa 8:17

Humesa ni swiharhi hinkwaswo leswi nga na wena, swa nyama yin'wana ni yin'wana, hambi ti ri tinyanyana, hambi swi ri swifuwo, ni swikokovi hinkwaswo leswi fambaka emisaveni, swi va swi tala emisaveni, swi tswalana ni ku engeteleka emisaveni.”

Pisalema 107:38

A va katekisa, kutani va andza ngopfu; A nga hungutanga ntsengo wa swifuwo swa vona.

1 TIKRONIKA 4:10

Yabese a khongela Xikwembu xa Israele, a ku: “Ingi loko u ndzi katekisa, loko u tshineta mindzilekana ya mina, ingi loko voko ra wena ri va na mina, loko u ndzi sirhelela eka leswo biha, leswaku ndzi nga tshuki ndzi twa ku vaviseka!” Kutani Xikwembu xi n'wi nyika leswi a swi kombeleke.

Genesa 26:24

Yehovha a tikombisa eka yena hi vusiku byebyo, a ku eka yena: “Hi mina Xikwembu xa Abrahama, tata wa wena, u nga chavi nchumu, hikuva ndzi na wena, ndzi ta ku katekisa, ndzi andzisa vatukulu va wena hikwalaho ka Abrahama, nandza wa mina.”

Genesa 17:16

Ndzi ta n'wi katekisa, ndzi va ndzi ku nyika ha yena n'wana wa wanuna. Ndzi ta n'wi katekisa, a va mana wa matiko; ni tihosi ta matiko ti ta huma eka yena.”

Genesa 49:25

Hi wona ntirho wa Xikwembu xa tata wa wena, lexi nga ta ku pfuna; Ni wa Lowa matimba hinkwawo la nga ta ku katekisa Hi mikateko ya matilo ya le henhla, Ni mikateko ya xidziva xa le hansi, Ni mikateko ya mavele ni ya xifuva xa mutswari.

1 TIKRONIKA 26:5

Amiele, wa ntlhanu na un'we, Isakara wa ntlhanu na vambirhi, Pewuletayi, wa ntlhanu na vanharhu; hikuva Xikwembu a xi n'wi katekisile.

Genesa 33:5

Kutani a tlakusa mahlo, a vona vavasati ni vana, a ku: “I va mani volavo u nga na vona la?” Yakobo a ku: “I vana lava Xikwembu xi pfuneke nandza wa wena ha vona.”

Genesa 24:60

Kutani va katekisa Rhaveka va ku eka yena: “Wena, makwerhu, u ve mana wa madzana ya ntsanda vahlayi, ni vatukulu va wena a va fuwe nyangwa ya lava nga ta va venga.”

Pisalema 69:34

Matilo ni misava a swi n'wi twarise, Malwandle ni hinkwaswo leswi fambafambaka eka wona!

Ntirho 42:12

Kutani Yehovha a katekisa mahetelelo ya Yobo ku tlurisa ku sungula ka yena; a fuwa tinyimpfu ta 14 000, ni tikamela ta 6 000, ni tihavi ta majoko ya 1 000, ni timbhongolo ta mantswele ta 1 000.

1 Timotiya 4:3

va ku: A ku tshikiwe swakudya leswi Xikwembu xi swi vumbeleke lava pfumeleke ni lava tivaka ntiyiso, leswaku va xi amukela hi ku khensa;

Genesa 5:2

Xi va vumba wanuna ni wansati, kutani xi va katekisa, xi va thya vito ra vanhu, hi siku va vumbiweke ha rona.

Pisalema 8:6

U n'wi fumisile mitirho ya mavoko ya wena; U vekile hinkwaswo ehansi ka mikondzo ya yena,

Genesa 6:1

Kuteloko vanhu va sungule ku tala ehenhla ka misava, ni loko vanhwanyana va velekeriwe vona,

Ntirho 39:11

Xana u nga yi tshemba leswi yi nga ni matimba lamakulu? Kumbe u ta yi lerisa mitirho ya wena-ke?

Pisalema 8:7

Tinyimpfu ni tihomu, ni swiharhi swa nhova;

Pisalema 115:16

Loko ma ri matilo, i matilo ya Yehovha, Misava, u yi nyikile vana va vanhu.