Genesa 1:16 - Xitsonga (Bibele)

¹⁶ Xikwembu xi endla swo voninga swimbirhi leswikulu; xo voninga lexikulu ku fuma nhlekanhi, ni xo voninga lexitsongo ku fuma vusiku, xi endla na tona tinyeleti.

BIBELE Mahungu Lamanene

¹⁶ Xikwembu xi endla timboni timbirhi leti voningaka swinene, lerikulu ri va ro fuma nhlekanhi, kasi leritsongo ri va ro fuma vusiku. Xikwembu xi endla ni tinyeleti.

Genesa 1:16 Referans Kwoze

Duteronoma 4:19

Hlayisa moya wa wena, leswaku loko u ta tlakusela mahlo ya wena etilweni, u vona dyambu ni n'weti, ni tinyeleti, yi ri nyimpi hinkwayo ya matilo, u nga tshuki u navela ku khinsama emahlweni ka swona, u swi tirhela: Yehovha, Xikwembu xa wena, u nyikile swilo leswi eka matiko hinkwawo ehansi ka matilo hinkwawo, leswaku yi va ndzhaka ya vona.

Pisalema 8:3

Loko ndzi hlalela matilo, ntirho wa tintiho ta wena, Ni n'weti, ni tinyeleti leti u ti lunghiseke;

Esaya 40:26

Tlakusani mahlo ya n'wina, mi languta! I mani la tumbuluxeke swilo sweswo, la fambiseke hi ku ri xaxameta vandla ra swona xana? U swi vitana hinkwaswo hi mavito ya swona, hi ntamu lowukulu wa yena, ni matimba lamakulu ya yena, ku hava ni xin'we lexi pfumalekaka.

Pisalema 148:5

Hinkwaswo sweswo a swi dzunise vito ra Yehovha! Hikuva u lerisile, kutani swi va kona.

Pisalema 74:16

Nhlekanhi i wa wena, na byona vusiku i bya wena; U vumbile ku vonakala, na rona dyambu.

Pisalema 148:3

N'wi dzuniseni, dyambu ni n'weti! N'wi dzuniseni hinkwenu, n'wina tinyeleti to vangama!

Ntirho 38:7

Siku tinyeleti ta vuxa ti baka huwa yo tsaka, Ni vana hinkwavo va Xikwembu va yimbelelaka hi ku tsakisisa?

1 Vakorinto 15:41

Ku vonakala ka dyambu i kun'wana, ni ka n'weti i kun'wana, ni ka tinyeleti i kun'wana; hikuva nyeleti yin'wana yi hambana ni nyeleti yin'wana hi ku vangama ka yona.

Matewu 27:45

Hi nkarhi wa ntlhanu na wun'we, munyama wu va kona emisaveni hinkwayo ku fikela nkarhi wa ntlhanu na mune.

Habakuku 3:11

Dyambu ni n'weti swi yima exivandleni xa swona hi ku tshuka ku vangama ka miseve ya wena loko yi hundza, ni ku kwetsima ka fumu ra wena loku hatimaka.

Esaya 45:7

Hi mina la endleke ku vonakala ni munyama, ndzi tsakisa munhu, ndzi n'wi rhumela khombo; hi mina Yehovha, la endleke swilo sweswo hinkwaswo.

Esaya 13:10

Hikuva tinyeleti ta tilo, Gongomela na Mahlahle, a ti nga ha voningi; dyambu rona ri ta endla ntima loko ri tsuvuka, na wona n'weti wu nga ka wu nga voningi.

Pisalema 19:6

Ri suka emakun'wini ya matilo, Kutani riendzo ra rona ri helela emakun'wini man'wana; A ku na nchumu lowu fihlekaka eku hiseni ka rona.

Nhlavutelo 21:23

Kutani muti a wu na ku voningiwa hi dyambu ni n'weti, hikuva wu voningiwa hi ku kwetsima ka Xikwembu, na xona Xinyimpfana i rivoningo ra wona.

Esaya 24:23

Kutani n'weti wu ta tshwuka hi tingana, dyambu rona ri ta endla ntima, hikuva Yehovha wa tinyimpi u ta fuma entshaveni ya Siyoni ni le Yerusalema, kutani vakulukumba va yena va ta vona ku vonakala ka yena.

Ntirho 31:26

Loko ndzi langutile dyambu loko ri kwetsima, Kumbe n'weti loko wu famba eku vonakaleni ka wona.

Matewu 24:29

“Kutakuloko mahlomulo ya mikarhi yoleyo ma herile, dyambu ri ta endla ntima, ni n'weti wu nga ha humesi ku vonakala ka wona, ni tinyeleti ti ta wa hi le henhla, kutani matimba ya le tilweni ma ta tsekatseka.

Genesa 1:15

swi tirha ku voninga empfhukeni wa matilo, swi voningela emisaveni.” Kutani swi va tano.

Yeremiya 31:35

Hikuva, ku vula Yehovha, la vekeke dyambu leswaku ku va ku vonakala ninhlekanhi, la vekeke n'weti ni tinyeleti leswaku ti voninga vusiku, la pfuxaka lwandle kutani magandlati ya rona ma va ma pfuma: Yehovha wa mavandla, hi rona vito ra yena.