Genesa 1:14 - Xitsonga (Bibele)

¹⁴ Kutani Xikwembu xi ku: “Swo voninga a swi ve kona empfhukeni wa matilo, swi hambanyisa nhlekanhi ni vusiku, swi va swikombiso swa tinguva, ni masiku ni malembe,

BIBELE Mahungu Lamanene

¹⁴ Kutani Xikwembu xi ku: “A ku ve ni timboni etilweni, leti nga ta hambanisa nhlekanhi ni vusiku, ti komba tinguva, ti komba ni masiku ni malembe.

Genesa 1:14 Referans Kwoze

Duteronoma 4:19

Hlayisa moya wa wena, leswaku loko u ta tlakusela mahlo ya wena etilweni, u vona dyambu ni n'weti, ni tinyeleti, yi ri nyimpi hinkwayo ya matilo, u nga tshuki u navela ku khinsama emahlweni ka swona, u swi tirhela: Yehovha, Xikwembu xa wena, u nyikile swilo leswi eka matiko hinkwawo ehansi ka matilo hinkwawo, leswaku yi va ndzhaka ya vona.

Yeremiya 31:35

Hikuva, ku vula Yehovha, la vekeke dyambu leswaku ku va ku vonakala ninhlekanhi, la vekeke n'weti ni tinyeleti leswaku ti voninga vusiku, la pfuxaka lwandle kutani magandlati ya rona ma va ma pfuma: Yehovha wa mavandla, hi rona vito ra yena.

Pisalema 148:3

N'wi dzuniseni, dyambu ni n'weti! N'wi dzuniseni hinkwenu, n'wina tinyeleti to vangama!

Pisalema 148:6

U swi vekile leswaku swi va kona hi laha ku nga yiki helo ni makumu, U swi nyikile milawu, a ku na xin'we lexi yi tlulaka.

Amosi 5:8

kasi hi yena la endleke Xirimela ni Nhlahle; la hundzuluxaka munyama wu endla ku vonakala ka mixo, ninhlekanhi wu hundzuka munyama; u vitana mati ya lwandle, kutani u ma chululela ehenhla ka misava; Yehovha i vito ra yena.

Yuwele 3:15

Dyambu ni n'weti swi endla ntima, ni tinyeleti ti tlherisa ku vangama ka tona.

Yeremiya 10:2

Yehovha u vula, a ku: “Mi nga tshuki mi titoloveta mikhuva ya matiko, kambe mi nga tshuki mi chavisiwa hi swikombiso swa le tilweni hikuva matiko ma tshukisiwa hi swona.

Pisalema 81:3

Hi n'weti lowuntshwa, yimbani nanga, Ni loko n'hweti wu be mahlampfu, hi siku ra nkhuvo wa hina!

Genesa 8:22

Hi masiku hinkwawo ya misava, ku byala ni ku tshovela, xirhami ni mumu, ximumu ni vuxika, nhlekanhi ni vusiku, swi nga ka swi nga pfumaleki.”

Esaya 40:26

Tlakusani mahlo ya n'wina, mi languta! I mani la tumbuluxeke swilo sweswo, la fambiseke hi ku ri xaxameta vandla ra swona xana? U swi vitana hinkwaswo hi mavito ya swona, hi ntamu lowukulu wa yena, ni matimba lamakulu ya yena, ku hava ni xin'we lexi pfumalekaka.

Matewu 24:29

“Kutakuloko mahlomulo ya mikarhi yoleyo ma herile, dyambu ri ta endla ntima, ni n'weti wu nga ha humesi ku vonakala ka wona, ni tinyeleti ti ta wa hi le henhla, kutani matimba ya le tilweni ma ta tsekatseka.

Amosi 8:9

“Hi siku rero,” ku vula Hosi Yehovha, “ndzi ta perisa dyambu ninhlekanhi lowukulu, ndzi humesa munyama etikweni ninhlekanhi.

Yuwele 2:10

Emahlweni ka vona, misava ya rhurhumela, matilo ma tsekatseka, dyambu ni n'weti swi hundzuka munyama, ni tinyeleti ta timeka.

Yeremiya 33:20

“Ku vula Yehovha: Loko mi swi kota ku herisa ntwanano wa mina ninhlekanhi, ni ntwanano wa mina nivusiku, leswaku ku nga tshami ku va ni nhlekanhi ni vusiku enkarhini wa kona;

Nhlavutelo 6:12

Kutani ndzi languta loko xi lemula ku tiyisa kantlhanu na kan'we kutani ku tsekatseka lokukulu ka misava ku va kona, dyambu ri va ra ntima kukota nkwama wa voya, kutani n'weti wu fana ni ngati,

Matewu 2:2

“Yi kwihi hosi ya Vayuda leyi tswariweke, hikuva hi vonile nyeleti ya yona hi le vuxeni, kutani hi tile ku ta yi gandzela.”

Ezekiele 46:1

“Hosi Yehovha u ri: Nyangwa ya rivala ra le xikarhi, leyi langutaka tlhelo ra vuxa, yi ta pfariwa hi masiku ya ntlhanu na rin'we ya mitirho. Kambe hi siku ra Savata yi ta pfuriwa ni siku ra n'weti loko wu tshamisa.

Yeremiya 33:25

“Ku vula Yehovha: Loko ndzi nga endlanga ntwanano ni nhlekanhi ni vusiku, loko ndzi nga tiyisangi milawu ya le tilweni, ni swa le misaveni,

Ntirho 25:5

Swi tsandza ni n'weti, xi nga xilo lexi nga vonakaliki, Na tona tinyeleti ti nga tengangiki emahlweni ka xona;

Genesa 9:13

ndzi ri ndzi ta tlhoma nkwangulatilo wa mina emapapeni, kutani xi ta va xikombiso xa ntwanano lowu nga exikarhi ka mina ni misava.

Nhlavutelo 8:12

Ntsumi ya vumune yi yimba nanga, kutani ku biwa ku avanyisa ka vunharhu ka dyambu, ni ku avanyisa ka vunharhu ka n'weti, ni ku avanyisa ka vunharhu ka tinyeleti, leswaku ku avanyisa ka vunharhu kuloku ku endliwa munyama; kutani ku avanyisa ka vunharhu ka siku ku nga vi na ku vonakala, ni vusiku byi va tano.

Luka 23:45

Dyambu rona ri endla ntima, kutani nguvu leyi tsemakanyisaka tempele, yi handzuka hi le xikarhi.

Marka 13:24

“Kambe emikarhini leyo, endzhaku ka nhlomulo wolowo, dyambu ri ta endla ntima, n'weti wu ta pfumala ku vonakala,

Ezekiele 46:6

“Siku ra n'weti loko wu tshama, va ta humesa nkuzana leyi kalaka xivati, ni swinyimpfana swa ntlhanu na xin'we, ni khuna swi nga leswi pfumalaka xivati.

Pisalema 119:91

Ni sweswi, hinkwaswo swa ha tiyile hi milawu ya wena, Hikuva swilo hinkwaswo swi le hansi ka wena.

Ntirho 25:3

Xana mavandla ya xona ma nga hlayiwa xana? I mani a nga humeleriki hi ku vonakala ka xona?

Ntirho 3:9

Tinyeleti ta vupeladyambu bya byona a ti nyamisiwe; A byi langutele ku vonakala, mahala, byi nga ku voni, Byi nga voni tin'hwembeti ta vurhonga!

Nhlavutelo 9:2

Kutani yi pfula khele ra tihele, kutani ku huma ekheleni musi lowu fanaka ni musi wa hondo lowukulu; kutani dyambu ni mpfhuka swi hundzuka ntima hi musi lowu humaka ekheleni.

Genesa 1:13

Kutani ku va madyambu, ku va nimixo, ri va siku ra vunharhu.

Genesa 1:15

swi tirha ku voninga empfhukeni wa matilo, swi voningela emisaveni.” Kutani swi va tano.

Pisalema 150:1

Dzunisani Yehovha! Dzunisani Xikwembu evukwetsimelweni bya xona! Xi dzuniseni ematilweni lama endliweke hi matimba ya xona!