Genesa 1:12 - Xitsonga (Bibele)

¹² Misava yi mirisa mabyanyi, ni matsavu lama vekaka timbewu hi tinxaka ta wona, ni mirhi leyi tswalaka mihandzu leyi nga ni timbewu ta yona eka yona hi tinxaka ta yona. Xikwembu xi vona leswaku swi sasekile.

BIBELE Mahungu Lamanene

¹² Misava yi mirisa swimila, swi nga leswi tswalaka mbewu ntsena hi tinxaka-xaka ta swona, ni mirhi yo tswala mihandzu leyi nga ni mbewu ya yona endzeni, hi ku hambana-hambana ka yona. Kutani Xikwembu xi vona leswaku swilo leswi swi sasekile.

Genesa 1:12 Referans Kwoze

Marka 4:28

Hikuva misava yi rhanga yi mirisa yi ri yona xikhava, kutani yi humesa n'oko, kutani ku huma tinhlampfu leti vupfeke n'okweni;

Luka 6:44

Kunene, murhi wun'wana ni wun'wana wu tiviwa hi mihandzu ya wona. Hikuva makuwa ma nga ka ma nga khiwi emitweni, ni vana va vhinya, va nga ka va nga khiwi eswigatlwini.

Vagalatiya 6:7

Mi nga tshuki mi tikanganyisa: Xikwembu a xi vungunyiwi; hikuva lexi munhu a xi byalaka, hi xona lexi a nga ta xi tshovela;

2 Vakorinto 9:10

La tsetselelaka mubyari hi mbewu, ni vuswa bya ku dya, u ta mi tsetselela, u ta mi tatela hi leswi byariwaka, u ta mi engetelela mihandzu ya ku lulama ka n'wina;

Esaya 61:11

Hikuva, hilaha misava yi humesaka mahluke, hilaha ntanga wu mirisaka timbewu ta wona, hi mukhuva wolowo, Hosi Yehovha, u ta mirisa ku lulama ni ku dzuna, emahlweni ka matiko hinkwawo.

Vaheveru 6:7

Hikuva misava leyi nwaka mati ya mpfula leyi yi yi nelaka kanyingi, yi tlhela yi mirisa swo mila leswinene, leswi pfunaka lava tirimelaka, yona yi kuma ku katekisiwa hi Xikwembu;

Genesa 1:11

Xikwembu xi ku: “Misava a yi mirise byanyi, ni matsavu lama vekaka mbewu, ni mirhi leyi nga ni mihandzu, leyi tswalaka vana lava nga ni timbewu ta vona, hi tinxaka ta yona ehenhla ka misava.” Kutani swi va tano.

Genesa 1:13

Kutani ku va madyambu, ku va nimixo, ri va siku ra vunharhu.

Pisalema 104:14

U mirisela tihomu byanyi, Ni vanhu timbewu leti va lulamelaka. U humesa sweswo vuswa emisaveni,