Genesa 1:11 - Xitsonga (Bibele)

¹¹ Xikwembu xi ku: “Misava a yi mirise byanyi, ni matsavu lama vekaka mbewu, ni mirhi leyi nga ni mihandzu, leyi tswalaka vana lava nga ni timbewu ta vona, hi tinxaka ta yona ehenhla ka misava.” Kutani swi va tano.

BIBELE Mahungu Lamanene

¹¹ Kutani Xikwembu xi ku: “Misava a yi mirise swimila hi tinxaka-xaka ta swona, swi nga leswi tswalaka mbewu ntsena, ni mirhi yo tswala mihandzu leyi nga ni mbewu ya yona endzeni, hi ku hambana-hambana ka yona.” Kutani swi va tano.

Genesa 1:11 Referans Kwoze

Vaheveru 6:7

Hikuva misava leyi nwaka mati ya mpfula leyi yi yi nelaka kanyingi, yi tlhela yi mirisa swo mila leswinene, leswi pfunaka lava tirimelaka, yona yi kuma ku katekisiwa hi Xikwembu;

Pisalema 147:8

U eneta tilo hi mapapa, u nisa mpfula emisaveni, U mirisa byanyi etintshaveni.

Genesa 1:29

Xikwembu xi ku: “Maswivo, ndza mi nyika matsavu hinkwawo lama vekaka mbewu, lama nga ehenhla ka misava hinkwayo, ni murhi wun'wana ni wun'wana lowu nga ni mihandzu leyi vekaka mbewu swi va swakudya swa n'wina.

Genesa 2:9

Kutani Yehovha Xikwembu a mirisa emisaveni mirhi ya tinxaka hinkwato leyi navetaka mahlo, ni leyi nandzihaka, ni murhi wa vutomi exikarhi ka ntanga, ni murhi wo tivisa swo saseka ni swo biha.

Marka 4:28

Hikuva misava yi rhanga yi mirisa yi ri yona xikhava, kutani yi humesa n'oko, kutani ku huma tinhlampfu leti vupfeke n'okweni;

Matewu 6:30

Loko Xikwembu xi funengeta sweswo byanyi bya nhova lebyi nga kona sweswi, kasi nimixo byi ta cukumetiwa exitikweni, xana xi nga ka xi nga mi funengeti ngopfu n'wina vanhu va ku pfumela lokutsongo?

Ntirho 28:5

Misava, hi kona ku humaka vuswa, Kasi ehansi ka yona, yi pfilunganyisiwa kukotisa ndzilo.

Pisalema 1:3

U fana ni murhi lowu simekiweke kusuhi ni milambu ya mati, Lowu tswalaka mihandzu ya wona hi nkarhi wa wona, Lowu matluka ya wona ma nga omiki: Hinkwaswo leswi a swi endlaka swi ta kateka.

Genesa 2:5

A ku nga si va kona ximudyana ni xin'we xa nhova emisaveni, ni byanyi hinkwabyo bya nhova a byi nga si mila, hikuva Yehovha Xikwembu a a nga si nisa mpfula emisaveni, kutani a ku nga si va na munhu la rimaka misava.

Yakobo 3:12

Vamakwerhu, xana murhi wa nkuwa wu nga swi kota ku veleka mihandzu ya mutlhwari xana? Kumbe vhinya wu nga veleka makuwa xana? Na swona, mati yo dzunga a ma swi koti ku endla mati yo nandziha.

Matewu 3:10

Kambe xihloka xi vekiwile etimitswini ta mirhi; murhi wun'wana ni wun'wana lowu nga tswariki mihandzu leyo saseka, wu ta tsemiwa, wu hoxiwa endzilweni.

Yeremiya 17:8

U kotisa murhi lowu simekiweke ekusuhi ni mati, lowu timitsu ta wona ti navaka ematini; ni loko ku nga ta dyandza, a wu twi nchumu; ni matluka ya wona ma va ya ntima; hi lembe ra dyandza a wu tshuki nchumu, kambe a wu tshiki ku veka mihandzu.

Genesa 2:16

Yehovha Xikwembu a lerisa munhu, a ku: “U ta tidyela mirhi hinkwayo ya ntanga;

1 Vakorinto 15:38

Xikwembu, hi xona lexi yi nyikaka miri hilaha xi rhandzaka hakona, kutani xi nyika ndzhoho yin'wana ni yin'wana miri wa yona.

Genesa 1:12

Misava yi mirisa mabyanyi, ni matsavu lama vekaka timbewu hi tinxaka ta wona, ni mirhi leyi tswalaka mihandzu leyi nga ni timbewu ta yona eka yona hi tinxaka ta yona. Xikwembu xi vona leswaku swi sasekile.

Esaya 61:11

Hikuva, hilaha misava yi humesaka mahluke, hilaha ntanga wu mirisaka timbewu ta wona, hi mukhuva wolowo, Hosi Yehovha, u ta mirisa ku lulama ni ku dzuna, emahlweni ka matiko hinkwawo.