Ezra 9:9 - Xitsonga (Bibele)

⁹ Hikuva hi makhumbi kunene, kambe evukhumbini bya hina Xikwembu xa hina a xi hi tshikanga xi va xi hi kombisa tintswalo ta xona emahlweni ka tihosi ta Peresi, xi hi hanyisa, leswaku yindlu ya Xikwembu xa hina yi akiwa yi pfuxiwa erhumbini ra yona, hi ta nyikiwa rirhangu etikweni ra Yuda na Yerusalema.

BIBELE Mahungu Lamanene

⁹ Hina, hi mahlonga; kambe wena Xikwembu xa hina a wu hi tshikanga evuhlongeni, u hi kombile tintswalo ta wena leto tshembeka emahlweni ka tihosi ta Vaperesi, kutani ti hi vevukiserile mindzhwalo leswaku hi ya aka yindlu ya Xikwembu xa hina, hi yi pfuxa hi vuntshwa; naswona ti hi sirhelerile eYuda ni le Yerusalema.

Ezra 9:9 Referans Kwoze

Ezra 7:6

Ezra yeloyi, a suka eBabilona. A a ri mutsari wa ku tlhariha emilawini ya Muxe, leyi nyikiweke hi Yehovha, Xikwembu xa Israele. Hosi yi n'wi nyika hinkwaswo leswi a swi kombelaka hikuva voko ra Yehovha, Xikwembu xa yena, a ri ri na yena.

Zakariya 2:5

Loko ndzi ri mina, ku vula Yehovha, ndzi ta va rirhangu ra ndzilo lowo wu rhendzelaka exikarhi, ndzi ta va ku kwetsima exikarhi ka wona.’ ”

Hagayi 1:9

A mi langutela leswo tala, kasi vonani, mi kumile leswitsongo; mi swi tisa ekaya, kutani ndzi pfurhete ehenhla ka swona. Hikwalaho ka yini, ku vula Yehovha wa mavandla? Hikwalaho ka yindlu ya mina, yi nga rhumbi, kasi n'wina, un'wana ni un'wana a tsutsumela endlwini ya yena.

Daniele 9:25

Tiva u twisisa leswaku ku suka eritweni leri leriseke leswaku Yerusalema, wu ta tlhela wu akiwa ku ya fika eka Mesiya Hosi, ku ta hundza mavhiki ya ntlhanu na mambirhi ni mavhiki ya 62, kutani muti wu ta tlhela wu pfuxiwa wu akiwa, ni mitsendzele ni rirhangu ra wona, kambe ku ta va emikarhini ya nhlomulo.

Ezekiele 11:16

“Hikwalaho vula u ku: ‘Ku vula Hosi Yehovha: Kunene ndzi va hangalasile exikarhi ka matiko, ndzi va hangalasile ematikweni man'wana, kambe ndzi ta va xichavelo xa vona nkarhinyana ematikweni laha va nga kona.’

Esaya 5:5

Sweswi, ndzi nga mi tivisa lexi ndzi nga ta xi endla eka vhinya ya mina: ndzi ta simula rihlampfu ra yona, ndzi yi endla madyelo, ndzi mbundzumuxa rirhangu ra yona kutani yi ta kandziyeriwa.

Esaya 5:2

Kutani a yi rima, a susa maribye, a simekela vhinya leyi hlawuriweke, a aka tshala exikarhi ka yona, kutani a cela kona xikhuvuto; kutani a tshembile leswaku yi ta veka mihandzu leyo nandziha, kasi yi vekile leyo bava.

Ezra 7:8

A fika eYerusalema hi n'hweti ya vuntlhanu; a ri ri lembe ra ntlhanu na mambirhi ra hosi.

Ezra 9:10

Oho! Xikwembu, hi to yini sweswi, endzhaku ka mhaka leyi? Hikuva hi fularhele milawu ya wena,

Pisalema 109:12

Ku nga vi na munhu la n'wi endlelaka hi tintswalo; Ku nga tshuki ku va na la tsetselelaka swisiwana swa yena!

Pisalema 138:7

Loko ndzi famba exikarhi ka maxaniseko, wena wa ndzi hanyisa, U tshambuluta voko ra wena ku ndzi sirhelela ka vukari bya valala va mina, Kutani voko ra wena ra xinene ra ndzi ponisa.

Esaya 14:3

Kutakuloko Yehovha a mi wisisa eku karhaleni ka n'wina, ni le makhombyeni ya n'wina, ni le ku bohiweni loko nonon'hwa loku ingi mi xanisiwa hakona,

Ezra 2:68

Kuteloko va fika endlwini ya Yehovha ya le Yerusalema, vakulukumba van'wana, ti nga tihosana ta vatata wa vona, va humesela yindlu ya Yehovha mihlengo hi ku rhandza ka vona, leswaku ku pfuxiwa xita xa yona.

Nehemiya 2:17

Kutani ndzi ku eka vona: “Ma ri vona khombo leri hi nga eka rona, hilaha Yerusalema, wu onhakeke hakona ni hilaha timbanti ta wona ti tshweke hakona; tanani, a hi pfuxeni rirhangu ra Yerusalema, hi nga ti tshama exisandzwini.”

Nehemiya 9:17

va ala ku twa, a va anakanyangi swihlamariso swa wena leswi u va endleleke swona, kambe va nonon'hwisa tinhamu ta vona, va tiarisa, va tivekela tihosi va ta tlhelela eku bohiweni ka vona. Kambe wena u Xikwembu lexi teleke ku rivalela ni tintswalo ni vunene, u hlwela ku kariha, u tele ku tsetselela, a ku va fularhelanga.

Esaya 61:4

Va ta tlhela va pfuxa marhumbi ya khale va ta pfuxeta rirhangu ra khale va ta vuyetela miti leyi onhakeke leyi nga mbundzuxiwa emikarhini ya khale.