Ezra 9:8 - Xitsonga (Bibele)

⁸ Kutani sweswi, Yehovha, Xikwembu xa hina, xi hi tsetselela hi nkarhinyana, leswaku xi hi siyela masalela ma nga ri mangani, ni ku hi nyika mhandze exivandleni xa xona lexi hlawuriweke, leswaku Xikwembu xa hina xi tlhela xi rhendzeleta mahlo ya hina, ni ku pfuxa vutomi bya hina switsanana eku bohiweni ka hina.

BIBELE Mahungu Lamanene

⁸ Kambe masikunyana lawa, wena HOSI Xikwembu xa hina u hi kombile tintswalo hi ku hi siyela masalela, ni ku hi endlela vutshamo endhawini ya wena leyo hlawuleka, leswaku u ta hi hanyisa ni ku hi vevukisela ndzhwalo wa vuhlonga.

Ezra 9:8 Referans Kwoze

Pisalema 13:3

Yehovha, Xikwembu xanga, languta, u ndzi hlamula! U hanyanyisa mahlo ya mina,

Hosiya 6:2

Loko ku hele masiku mambirhi, u ta hi hanyisa; hi ra vunharhu, u ta hi yimisa leswaku hi hanya emahlweni ka yena.

Habakuku 3:2

Yehovha, ndzi ti tivile timhaka ta wena, ndzi vuya ndzi chava! Oho Yehovha, ntirho wa wena u wu fikisa exikarhi ka malembe; u wu kombisa exikarhi ka malembe! Eku kariheni u tsundzuka ku tsetselela!

Esaya 57:15

Hikuva ku vuriwa sweswo hi La nge henhlahenhla, loyi xiluvelo xa yena i xa masiku, ni loyi vito ra yena ri kwetsimaka: ndzi tshama exivandleni leswi tlakukeke, eku kwetsimeni; kambe ndzi ni munhu la tisolaka, ni la titsongahataka, leswaku ndzi ta pfuxa mimoya leyi tsongahatiweke, ndzi ta pfuxa ni timbilu leti tlhaviweke.

Pisalema 85:6

Xana u nge hi tlheriseri eku hanyeni xana? Leswaku tiko ra wena ri ku tsakela?

Nhlavutelo 3:12

“ ‘La nga ta hlula, ndzi ta n'wi endla xiphandze etempeleni ya Xikwembu xa mina, kutani a nga ka a nga humi kona kambe ndzi ta tsala ehenhla ka yena vito ra Xikwembu xanga, ni vito ra muti wa Xikwembu xanga, wu nga Yerusalema lowuntshwa, lowu xikaka hi le tilweni eka Xikwembu xa mina, na rona vito ra mina lerintshwa.

Varhoma 9:27

Kambe, na yena Esaya u huwelele ehenhla ka Israele, a ku: “Hambi ntsengo wa vana va Israele wu nga kotisa sava ra lwandle, ku ta hlayiseka ntlawanyana ntsena;

Zakariya 10:4

Eka Yuda ku ta huma ribye ra yinhla, eka yena ku huma mhingu, eka yena ku huma vurha bya nyimpi, ku ta huma ni ka yena vafumi hinkwavo swin'we.

Zakariya 8:12

Ndzi byala ku rhula, murhi wa vhinya wu ta veka mihandzu ya wona, ni misava yi ta veka swakudya swa yona, ni tilo ri nyika mberha ya rona, hinkwaswo sweswo ndzi ta swi nyika masalela ya tiko leri, yi va ndzhaka ya wona.

Zakariya 8:6

“Yehovha wa tinyimpi u ri: Ni loko mhaka leyi yi nga nonon'hwa emahlweni ka masalela ya tiko leri emasikwini wolawo, xana ni le ka mina yi nga nonon'hwa-ke, ku vula Yehovha wa tinyimpi?

Ezekiele 14:22

hambiswiritano, ku ta va ni xisala lexi nga ta pona, ku ta huma vana va xinuna ni va xisati. Vonani, va ta ta eka n'wina, mi ta vona mafambele ya vona ni mitirho ya vona; mi ta chaveleriwa, mi va mi rivala khombo hinkwaro leri ndzi ri tiselaka Yerusalema, swi nga hinkwaswo leswi ndzi n'wi tiseleke swona.

Yeremiya 44:14

A ku nga poni na un'we wa lava seleke va Vayuda lava ngheneke etikweni ra Egipta ku ta aka kona, va ta vuyela etikweni ra Yuda, laha timbilu ta vona ti navelaka ku vuyela kona, va tiakela kona; hikuva a va nga ha tlheleri kona, loko va nga ri lava poneke.”

Yeremiya 42:2

“Amukela xikhongelo xa hina, u hi khongelela eka Yehovha, Xikwembu xa wena, hina ni masalela lawa hinkwawo, hikuva hambi hi tele, hi sele hi nga ri vangani hilaha mahlo ya wena ma hi vonaka hakona;

Esaya 56:5

ndzi ta va nyika endlwini ya mina ni le rihlampfini ra mina vutshamo ni vito leri nga ta tlula ra vafana ni vanhwana; ndzi ta va nyika vito leri nga heriki leri nga hlanguriwiki.

Esaya 1:9

Loko ngi Yehovha a nga hi hlayiselanga masalela, ingi hi endliwile tanihi Sodoma, hi fana na Gomora!

Eklesiasta 12:11

Marito ya lavo tlhariha, ma fana ni tinsungunhu, loko ma hlengeletiwa ma fana ni timhingu leti gongondzeriweke. Va nyikiwile hi Murisi a ri un'we.

Pisalema 138:7

Loko ndzi famba exikarhi ka maxaniseko, wena wa ndzi hanyisa, U tshambuluta voko ra wena ku ndzi sirhelela ka vukari bya valala va mina, Kutani voko ra wena ra xinene ra ndzi ponisa.

Pisalema 34:5

La langutaka eka yena wa voningiwa, Kutani tingana ti nga ka ti nga vi kona emombyeni wa yena.

Ntirho 33:30

Ku tlherisa moya wa yena, wu nga ngheni esirheni, Leswaku a voningiwa hi ku vonakala ka vutomi.

Nehemiya 9:31

Kambe hi mitsetselelo ya wena ya ku tala, a ku va hetanga, a ku va fularhelanga, hikuva u Xikwembu xa tintswalo ni vunene.

Nehemiya 1:11

Oho! Yehovha, ndleve ya wena a yi rhiyeketele mikhongelo ya nandza wa wena, ni mikhongelo ya malandza ya wena lama tirhandzeleke ku chava vito ra wena; wanga tiyisa nandza wa wena, kutani u n'wi kumisa tintswalo emahlweni ka wanuna loyi.” Kambe a ndzi ri mucheleri wa hosi.

Ezra 9:9

Hikuva hi makhumbi kunene, kambe evukhumbini bya hina Xikwembu xa hina a xi hi tshikanga xi va xi hi kombisa tintswalo ta xona emahlweni ka tihosi ta Peresi, xi hi hanyisa, leswaku yindlu ya Xikwembu xa hina yi akiwa yi pfuxiwa erhumbini ra yona, hi ta nyikiwa rirhangu etikweni ra Yuda na Yerusalema.

2 TIHOSI 19:4

Kumbe Yehovha Xikwembu xa wena, xi yingisile marito hinkwawo ya Rhabi-Xake, la rhumiweke hi n'wini wa yena, hosi ya Asiriya, ku sandza Xikwembu lexi hanyaka; kumbexana Yehovha, Xikwembu xa wena, a ta avanyisa marito lawa a ma yingiseke kutani u ta humesa xikhongelo hikwalaho ka tiko leri ra ha seleke.’ ”

1 SAMIELE 14:29

Kutani Yonatani a ku: “Tatana u pfilunganyisa tiko; langutani mahlo ya mina hilaha ma nga pfuleka hakona hikuva ndzi nantswile vulombenyana lebyi.

1 SAMIELE 14:27

Yonatani a a nga swi twanga loko tata wa yena a hlambanyisa tiko, kutani a tshineta yinhla ya nhonga ya yena, a yi peta exihlengeni xa vulombe, a yisa enon'wini, kutani mahlo ya yena ma pfuleka.

Swivuriso 29:13

Xisiwana ni muxanisi va hlangana eka xilo xin'we; I Yehovha la voningelaka mahlo ya vona havambirhi.

Esaya 14:3

Kutakuloko Yehovha a mi wisisa eku karhaleni ka n'wina, ni le makhombyeni ya n'wina, ni le ku bohiweni loko nonon'hwa loku ingi mi xanisiwa hakona,

Pisalema 13:4

Leswaku ndzi nga tshuki ndzi etlela vurhongo bya rifu, Nala wa mina a nga tshuki a ku: “Ndzi n'wi hlurile!”

Esaya 6:13

Kutani kungakuloko un'wana a nga sala eka va khume va vona, na yena, u ta herisiwa. Kambe tanihi mirhi ya munga ni mikuhlu, hambi yi tsemiwile, ku sala swikundzu, nsinya wa vona wu ta hluka rixaka lero kwetsima.”

Sofoniya 3:12

Ndzi ta siya vanhu lava tsongahaleke, lava swisiwana exikarhi ka wena, kutani va ta tshemba vito ra Yehovha.