Ezra 9:7 - Xitsonga (Bibele)

⁷ Ka ha ri mpfhuka wa vatata wa hina, hi tshama enandzwini lowukulu ku fikela sweswi hikwalaho ka swidyoho swa hina, hi nyiketiwile ni tihosi ta hina, ni vaprista va hina, emavokweni ya tihosi ta matiko walawo, hi nyiketiwa fumu ni ku bohiwa, ni ku onhaka, ni tingana, kukotisa namuntlha.

BIBELE Mahungu Lamanene

⁷ Ku sukela enkarhini wa vatatana, ku ta fika namuntlha, ha ha ri ni nandzu lowukulu. Hina ni tihosi ta hina, ni vaprista, hi nyiketiwile emavokweni ya tihosi ta vamatiko hikwalaho ka swidyoho swa hina; hi hlaseriwile hi fumu, hi yisiwa evukhumbini, hi tekeriwa swilo swa hina, hi khomisiwa tingana, ku fana ni namuntlha.

Ezra 9:7 Referans Kwoze

2 TIKRONIKA 29:6

Hikuva vatata wa hina va tiarisile va endlile leswo biha emahlweni ka Yehovha, Xikwembu xa hina, va xi tshikile va hundzukisile mimombo ya vona, va nga languti Yindlu ya Yehovha, va yi fularhela.

Swirilo 5:7

Vatata wa hina va dyohile, kutani a va ha ri kona, Kutani hina hi rhwala makhombo ya ku dyoha ka vona.

Yeremiya 44:22

Yehovha a nga kotanga ku ya emahlweni ku swi rhwala hikwalaho ka vudyoho bya mitirho ya n'wina ni manyala lawa mi ma endleke; kutani tiko ra n'wina ri hundzukile mananga, tiko leri onhiweke, leri soriweke, leri nga akiwiki hilaha swi voniwaka namuntlha.

Yeremiya 25:18

Ku nga Yerusalema, ni miti ya Yuda, ni tihosi ta kona, ni vakulukumba va kona, ku va endla ku onhaka, ni xihlamariso, ni xisandzu, ni ku rhuketeriwa, kukotisa loko swi ri tano sweswi;

Nehemiya 9:30

U va byarha hi malembe yo tala, u va laya hi moya wa wena, u vulavula na vona hi vaprofeta va wena, kambe a va rhiyanga tindleve; hikwalaho u va nyiketeke emavokweni ya matiko ya misava.

2 TIKRONIKA 30:7

Mi nga tshuki mi endla kukotisa vatata wa n'wina ni vamakwenu lava tiariseke ka Yehovha, Xikwembu xa vatata wa vona kutani a va nyiketile emakhombyeni hi laha mi swi vonaka hakona.

1 SAMIELE 12:15

Kambe loko mi nga yingisi rito ra Yehovha, ni loko mi arisa ku lerisa ka Yehovha, voko ra Yehovha ri ta va henhla ka n'wina kukotisa loko ingi ri va henhla ka vatata wa n'wina.

Tinhlayo 32:14

Kutani sweswi mi yima ematshan'weni ya vatata wa n'wina, mi ri rixaka ra vadyohi, mi lavela Israele ku engetela ku kariha ha Yehovha.

1 TIHOSI 8:47

loko va tiyingisa etikweni leri va nga ta va makhumbi eka rona, loko va tlhelela eka wena va ku khongela etikweni ra lava va va khomeke va ku: ‘Hi dyohile, hi endlile leswo biha, hi onhile!’

Ezra 9:13

“Loko ku ri laha hi nga humelela hi leswo tala, hikwalaho ka ku endla ka hina ka ku biha, ni milandzu leyikulu ya hina (kasi wena Xikwembu xa hina, u hi tsetselele, a ku hi banga hi ku biwa loku ringanaka ni makhombo ya hina, u tlhele u hi hlayisela masalela layonghasi);

Yeremiya 3:25

Hi funengerile tingana ta hina, hi ambarile xisandzu xa hina; hikuva hi dyohele Yehovha, Xikwembu xa hina, hina ni vatata wa hina, ku sungula evuntshweni bya hina ku fika siku leri, kambe a hi yingisanga rito ra Yehovha, Xikwembu xa hina.”

Yeremiya 32:23

Va vuya va ta ri fuma; kambe a va yingisangi rito ra wena, a va fambanga hi milawu ya wena, a va endlanga swilo hinkwaswo leswi u va leriseke swona, leswaku va swi endla; hilaha u va humeseleke makhombo lawa hinkwawo!

Yeremiya 32:32

hikwalaho ka ku biha hinkwako loku vana va Israele ni vana va Yuda va ku endleke loko va ndzi pfukile va ri vona, ni tihosi ta vona, ni vakulukumba va vona, ni vaprista va vona, ni vaprofeta va vona, ni vanhu va Yuda, ni vaaki va Yerusalema.

2 TIKRONIKA 34:24

‘Yehovha u vurisa sweswo, a ku: “Ndzi ta tisa khombo ehenhla ka ndhawu leyi ni le henhla ka vaaki va yona, hi mirhukano hinkwayo leyi tsariweke ebukwini leyi va yi hlayeke emahlweni ka hosi ya Yuda.

Esaya 64:4

A ku nga si twiwa, a ku nga si yingisiwa ni siku ni rin'we, a ku nga si voniwa, ni siku ni rin'we, Xikwembu xin'wana ehandle ka wena lexi tirhaka ku pfuna lava xi langutelaka.

Yeremiya 44:9

Xana mi rivarile ku endla ku biha ka vatata wa n'wina, ni ku endla ku biha ka tihosi ta Yuda, ni ku endla ku biha ka vasati va vona, ni ku endla ku biha ka n'wina, ni ku endla ku biha ka vasati va n'wina leswi va swi endleke etikweni ra Yuda, ni le mitsendzeleni ya Yerusalema, xana?

Ezekiele 11:9

Ndzi ta mi humesa exikarhi ka muti ku mi nyiketa emavokweni ya vamatiko ndzi va ndzi mi avanyisa.

Ezekiele 39:23

ni matiko ma ta tiva leswaku loko va yindlu ya Israele va yisiwile evukhumbini, hi leswi va dyoheke, leswi va ndzi kanganyiseke; hikwalaho ndzi va fihlele mombo wa mina, ndzi va nyiketile valala va vona, va wile hinkwavo hi ku tlhaviwa hi fumu.