Ezra 9:5 - Xitsonga (Bibele)

⁵ Hi nkarhi wa magandzelo ya madyambu, ndzi yima kona eku titsongahateni ka mina, banci ni nguvu ya mina swi handzuriwile, ndzi khinsama hi matsolo, ndzi tlakusa mavoko ya mina eka Yehovha, Xikwembu xanga,

BIBELE Mahungu Lamanene

⁵ Kutani hi nkarhi wa magandzelo ya madyambu, ndzi suka laha a ndzi rila ndzi ri kona, ndzi ambele swiambalo leswi swi handzukeke, ndzi nkhinsama ndzi khongela HOSI Xikwembu ndzi tlakusile mavoko,

Ezra 9:5 Referans Kwoze

1 TIHOSI 8:54

Kuteloko Solomoni a hetile ku humesela Yehovha ku khongela hinkwako loku, ni ku kombela loku, a suka a yima emahlweni ka alitari ya Yehovha, laha a khinsameke kona ematsolweni ya yena, a yimisile mavoko ehenhla,

1 TIHOSI 8:38

loko munhu, hambi a ri mani na mani, kumbe tiko ra wena hinkwaro ra Israele, a kombela a va a khongela, kutani un'wana ni un'wana a tivula xidyoho xa mbilu ya yena, a va a tlakusela mavoko ya yena etlhelo ra Yindlu leyi:

1 TIHOSI 8:22

Kutani Solomoni a yima emahlweni ka alitari ya Yehovha, emahlweni ka nhlengeletano hinkwayo ya Israele, a tlakusa mavoko ya yena ehenhla, a ku:

Eksoda 9:33

Kutani Muxe a suka eka Faro, a huma emutini, kuteloko a tlakuse mavoko ya yena eka Yehovha, ku pfuma ni xihangu swi hela, ni mpfula yi xa emisaveni.

Eksoda 9:29

Muxe a ku eka yena: “Kutakuloko ndzi huma emutini, ndzi ta tlakusa mavoko ya mina eka Yehovha, kutani ku pfuma ku ta miyela, xihangu na xona xi ta hela, u ta tiva leswaku misava i ya Yehovha.

Vaefesa 3:14

Hikwalaho ndzi khinsamaka hi matsolo emahlweni ka Tatana,

Pisalema 143:6

Ndzi tlakusa mavoko ya mina eka wena, Moya wanga wu ni torha hikwalaho ka wena, kukota misava leyi omeke.

Pisalema 141:2

Xikhongelo xa mina a xi tlhandlukele eka wena tani hi mirhi ya risuna, Ni ku tlakuka ka mavoko ya mina a ku fane ni gandzelo ra madyambu!

Pisalema 95:6

Tanani, hi khinsama, a hi korhameni, Hi khinsamela Yehovha, muvumbi wa hina,

2 TIKRONIKA 6:13

hikuva Solomoni a a endlile ndhawu ya ku yima eka yona ya koporo, a yi vekile exikarhi ka xivava; ku leha ka yona a swi ri swisungunhu swa ntlhanu, ni ku anama ka yona swisungunhu swa ntlhanu ni ku tlakuka ka yona swisungunhu swinharhu; a khandziya kona, kutani, kuteloko a khinsamile hi matsolo emahlweni ka nhlengeletano hinkwayo ya Israele, a tlakusela mavoko ya yena ehenhla,

Timhaka 21:5

Kambe loko hi hetile masiku walawo, hi suka, hi heleketiwa hi hinkwavo ku ya fika ehandle ka muti, va ri ni vavasati ni vana; kutani hi khinsama eribuwini, hi khongela.

Luka 22:41

Kutani a va sukela, a ya ekulenyana, hi mpfhukanyana lowu ringanaka ku hoxiwa ka ribye, kutani a khinsama, a khongela, a ku:

Esaya 1:15

Loko mi tshambuluta mavoko ya n'wina, ndzi mi sirhelela mahlo ya mina; loko mi andzisa mikhongelo ya n'wina, a ndzi yingisi; mavoko ya n'wina ma tele ngati.

Daniele 10:2

Enkarhini wolowo, mina, Daniele ndzi ve ku rileni hi mavhiki manharhu,

Nehemiya 1:4

Kuteloko ndzi twile timhaka leti, ndzi tshama ehansi, ndzi rila, ndzi va enkosini hi masiku layo talanyana, kambe ndzi titsona swakudya, ndzi khongela emahlweni ka Xikwembu xa le matilweni,