Ezra 9:4 - Xitsonga (Bibele)

⁴ Kutani ku hlengeletana eka mina, hinkwavo lava rhurhumerisiweke hi marito ya Xikwembu xa Israele, hikwalaho ka ku dyoha ka vona, lava tlheleke evukhumbini. Loko ndzi ri mina, ndzi tshama hansi, ndzi ri ni gome ku kondza ku fika nkarhi wa magandzelo ya madyambu.

BIBELE Mahungu Lamanene

⁴ Kutani hinkwavo lava va xiximaka milawu ya Xikwembu xa Vaisraele, va ta va ta ndzi rhendzela laha a ndzi tshamile kona ndzi te gòò, hi mhaka ya lava nga tshembekangiki, lava vuyeke hi le vukhumbini. Va tshamile na mina ku kondza ku fika nkarhi wa magandzelo ya madyambu.

Ezra 9:4 Referans Kwoze

Ezra 10:3

Sweswi, a hi endleni ntwanano na Xikwembu xa hina ku tlherisa vasati valavo hinkwavo, ni vana lava velekiweke hi vona, hi laha hosi yanga yi vulaka hakona, ni lava rhurhumerisiwaka hi milawu ya Xikwembu xa hina; kutani a ku endliwe hi milawu.

Esaya 66:2

Swilo leswi hinkwaswo, voko ra mina ri swi endlile kutani sweswo hinkwaswo swi humelele,” ku vula Yehovha. “Vona, loyi ndzi nga ta n'wi languta, hi loyi a titsongahataka, loyi mbilu ya yena yi nga leyi tshovekeke, ni loyi a rhurhumelaka hi rito ra mina.

Eksoda 29:39

Xinyimpfana xin'wana u xi tlhava nimixo, xin'wana u xi tlhava nimadyambu;

Pisalema 119:136

Mahlo ya mina ma huma milambu ya mati lama khulukaka, Hikuva a va hlayisi nawu wa wena.

2 TIKRONIKA 34:27

Leswi mbilu ya wena yi oloveke, u va u titsongahata emahlweni ka Xikwembu siku u tweke marito ya xona henhla ka ndhawu leyi ni le henhla ka vaaki va xona, kutani u handzurile tinguvu ta wena, u va u rila emahlweni ka mina, ndzi swi yingisile, ku vula Yehovha.

Timhaka 3:1

Petro na Yohane a va tlhandlukela kun'we etempeleni hi nkarhi wa xikhongelo; a wu ri wa ntlhanu na mune (nimadyambu).

Daniele 9:21

kakuloko ndza ha vulavula hi xikhongelo, wanuna Gabriele, yeloyi a ndzi sungurile ku n'wi vona exivonweni a hatlisa a ta eka mina, wu ri nkarhi wa gandzelo ra madyambu.

Ezekiele 9:4

a ku eka yena: “Tsemakanya exikarhi ka muti, exikarhi ka Yerusalema, u fungha emombyeni vanhu lava hlunameke, lava rilaka hikwalaho ka manyala hinkwawo lama endliwaka exikarhi ka vona.”

Ezra 10:9

Kutani vanhu hinkwavo va Yuda, ni va Yerusalema, ni va Benjamini, va hlengeletana eYerusalema hi masiku manharhu; yi nga n'hweti ya ntlhanu na mune, hi siku ra makume mambirhi ra n'hweti. Tiko hinkwaro ri ta tshamisa erivaleni, emahlweni ka yindlu ya Xikwembu, va ri karhi va rhurhumela hikwalaho ka mhaka leyi nga kona, ni hikwalaho ka timpfula.

Daniele 10:2

Enkarhini wolowo, mina, Daniele ndzi ve ku rileni hi mavhiki manharhu,

Eksoda 29:41

U ta tlhava xinyimpfana xa vumbirhi nimadyambu, u xi endlela mhamba ni ku xuva kukota xa mixo, ma ta va magandzelo lama hiseriwaka Yehovha, lama nun'hwelaka.

Tinhlayo 25:6

Kavaloko munhu wa vana Vaisraele a ta a tisa eka vamakwavo wansati wa Midiyani, Muxe, ni nhlengeletano hinkwayo ya vana va Israele va n'wi vona, loko va ri karhi va rila enyangweni ya tabernakela ya nhlengeletano.

Esaya 66:5

Yingisani rito ra Yehovha, n'wina lava chavaka rito ra yena! “Vamakwenu lava mi vengaka, lava mi tlherisaka hikwalaho ka vito ra mina, va ku: ‘Yehovha a a kombise ku twala ka yena leswaku hi ta vona ku tsaka ka n'wina!’ Kambe va ta khomiwa hi tingana.