Ezra 9:11 - Xitsonga (Bibele)

¹¹ leyi u hi leriseke yona hi malandza ya wena vaprofeta, u te: ‘Tiko leri mi nga ta nghena eka rona ku ri teka, i tiko leri nyamisiweke hi thyaka ra matiko ya rona, ma ri tatisile hi manyala ya vona, ku sungula emakumo man'wana, ku yisa emakumo man'wana.

BIBELE Mahungu Lamanene

¹¹ leswi u hi byeleke swona hi milomo ya vaprofeta, malandza ya wena, u ku: ‘Tiko leri mi yaka eka rona mi ya ri teka ri va ra n'wina, a ri basanga, ri nyamisiwile hi manyala ya vaaki va rona, lawa ya tateke tiko hinkwaro.

Ezra 9:11 Referans Kwoze

Ezra 6:21

Kutani vana va Israele lava tlheleke eku bohiweni, va yi dya hinkwavo, lava aveneke ni mathyaka ya matiko, lava teke ku ta hlangana na vona ku lava Yehovha, Xikwembu xa Israele.

2 Vakorinto 7:1

Sweswi, varhandziwa, loko hi ri ni ku tshembisiwa kuloko, a hi tihlantsweni thyaka hinkwaro ra miri ni ra moya, hi ri karhi hi hetisa ku hlawuleka ka hina exichabyeni xa Xikwembu.

Ezra 9:1

Timhaka leti, loko ti herile, tihosana ti ndzi tshinelela mina, ti ku: “Tiko ra Israele ni vaprista, ni Valevhi a va tihlawulangi eka vanhu va matiko, kambe va etisa manyala ya vona, va nga Vakanana, ni Vahiti, ni Vaperesi, ni Vayebusi, ni Vaamoni, ni Vamowabu, ni Vaegipta ni Vaamori.

2 TIKRONIKA 33:2

A endla leswo biha emahlweni ka Yehovha, a landza manyala ya matiko lawa Yehovha a ma hlongoleke emahlweni ka vana va Israele.

Duteronoma 18:12

Hikuva un'wana ni un'wana la endlaka swilo leswi, wa yila eka Yehovha, kambe Yehovha, Xikwembu xa wena, u hlongole matiko lawa emahlweni ka wena hikwalaho ka swidyoho leswi.

Duteronoma 12:31

U nga tshuki u endlela Yehovha, Xikwembu xa wena hi sweswo: hikuva va endlela swikwembu swa vona hinkwaswo leswi yilaka emahlweni ka Yehovha ni leswi a swi vengaka, hikuva hambi va ri vana va vona va varisanyana ni va vanhwanyana, va va hisela swikwembu swa vona endzilweni.

2 TIHOSI 21:16

Kambe Manase a halata hi ku tala ngati leyi nga riki na nandzu a ko a tata Yerusalema, ha yona, ku sukela enyangweni yin'wana ku fikela yin'wana, ehandle ka xidyoho xa yena lexi a dyohiseke Yuda ha xona, hi ku endla leswo biha emahlweni ka Yehovha.

Ezra 9:10

Oho! Xikwembu, hi to yini sweswi, endzhaku ka mhaka leyi? Hikuva hi fularhele milawu ya wena,

Yeremiya 26:5

ni ku yingisa marito ya malandza ya mina vaprofeta, volavo ndzi tshameke ndzi va rhumela eka n'wina, volavo ndzi va rhumaka ndzi pfuka wa ha ri mixo, kambe a mi va yingisanga;