Ezra 9:1 - Xitsonga (Bibele)

¹ Timhaka leti, loko ti herile, tihosana ti ndzi tshinelela mina, ti ku: “Tiko ra Israele ni vaprista, ni Valevhi a va tihlawulangi eka vanhu va matiko, kambe va etisa manyala ya vona, va nga Vakanana, ni Vahiti, ni Vaperesi, ni Vayebusi, ni Vaamoni, ni Vamowabu, ni Vaegipta ni Vaamori.

BIBELE Mahungu Lamanene

¹ Endzhaku ka loko swilo leswi swi endliwile, varhangeri va ta eka mina va fika va ku: “Vaisraele, ni Valevhi, ni vaprista, va tinyiketile eka manyala lama endliwaka hi vamatiko, a va tihambanisanga ni Vakanana, ni Vahiti, ni Vaperesi, ni Vayebusi, ni Vaamoni, ni Vamowabu, ni Vaegipta, ni Vaamori.

Ezra 9:1 Referans Kwoze

Nehemiya 9:2

Va rixaka ra Israele va tihlawula eka vana va matiko, va tihumesa erivaleni, va tivula swivi swa vona ni ku dyoha ka vatata wa vona.

Eksoda 33:16

Swi ta tiviwa ha yini leswaku ndzi vonile tintswalo ta wena, mina ni tiko ra wena? Xana a hi loko u famba na hina? Hi sweswo hi nga ta hlawuriwa, mina ni tiko ra wena eka matiko hinkwawo lama nga emisaveni.”

Yeremiya 26:16

Kutani vakulukumba ni tiko hinkwaro va byela vaprista ni vaprofeta, va ku: “Munhu loyi a nga fanelanga ha rifu, hikuva u vulavule na hina hi vito ra Yehovha, Xikwembu xa hina.”

Yeremiya 26:10

Vakulukumba va Yuda loko va twa timhako toleto, va huma endlwini ya hosi, va tlhandlukela endlwini ya Yehovha, va tshama erivaleni ra nyangwa leyintshwa ya Yehovha.

Esaya 52:11

Sukani! Sukani! Humani kona! Mi nga khumbi nchumu wa leswi yilaka, humani exikarhi ka wona. Tibasiseni, n'wina lava mi rhwalaka timbita ta Yehovha!

Pisalema 106:35

Kambe va hlanganile na vona, Va dyondza mikhuva ya vona.

Nehemiya 4:3

Tobiya, Muamoni, la ngi a yimile ekusuhi na yena, a ku: “Leswi va swi akaka, hambi mhungubye loko yi nga khandziya kona, yi nga mbundzuxa rirhangu ra vona ra maribye!”

Ezra 10:8

“Hlengeletanani eYerusalema, kutani mani na mani la nga tiki hi masiku manharhu hi ku vula ka tihosana ni vakulukumba, swilo hinkwaswo swa yena swi ta dyiwa, yena a humesiwa enhlengeletanweni ya lava tlheleke eku bohiweni.”

2 TIKRONIKA 33:2

A endla leswo biha emahlweni ka Yehovha, a landza manyala ya matiko lawa Yehovha a ma hlongoleke emahlweni ka vana va Israele.

1 TIHOSI 11:1

Hosi Solomoni a rhandza vavasati lavo tala va matiko man'wana, ehandle ka n'wana Faro; a va ri Vamowabu, ni Vaamoni, ni Vaedomu, ni Vasidoni, ni Vahiti,

Duteronoma 18:9

“Kutakuloko u nghenile etikweni leri Yehovha, Xikwembu xa wena, a ku nyikaka rona, u nga tshuki u dyondza ku endla swo biha swa matiko lawa.

Tinhlayo 23:9

Ndzi ta karihela yini, loko Yehovha a nga karihanga? Ndzi n'wi vona ndzi ri enhlohlorhini ya ribye, Ndzi n'wi languta ndzi ri etintshaveni. Vonani, i tiko leri tshamaka hitlhelo, Leri nga hlayiwiki ni matiko.

Levhitika 18:3

Mi nga tshuki mi endla leswi va swi endlaka etikweni ra Egipta, laha ingi mi akile kona; mi nga tshuki mi endla leswi va swi endlaka etikweni ra Kanana laha ndzi mi yisaka kona; mi nga tshuki mi landza mikhuva ya vona.

Eksoda 23:23

“Hikuva ntsumi ya mina yi ta ku rhangela emahlweni, yi ku nghenisa etikweni ra Vaamori, ni ra Vahiti, ni ra Vaperesi, ni ra Vakanana, ni ra Vahivhi, ni ra Vayebusi, kutani ndzi va heta.

Eksoda 13:5

Kutakuloko Yehovha a mi fikisile etikweni ra Vakanana, ni ra Vahiti, ni ra Vaamori, ni ra Vahivhi, ni ra Vayebusi, leri a nga hlambanyela vatata wa n'wina ku mi nyika rona, tiko ra ntswamba ni vulombe; hi n'hweti leyi, mi ta hlayisa ku lerisa loku.

Genesa 15:16

Kambe erixakeni ra vumune, va ta vuya halenu, hikuva ku homboloka ka Vaamori a ku si tala hi ku ringana.”

Nehemiya 4:7

Kuteloko Sanibalati na Tobiya, ni Maarabu, ni Vaamoni, ni va Axidodo va twa leswaku ku pfuxa ka rirhangu ra Yerusalema, ku ya emahlweni, ni hafu yi lava ku hlangana, va kariha ngopfu.

Nehemiya 13:23

Emikarhini yoleyo kambe, ndzi vona leswaku Vayuda van'wanyana va tekile vasati va Vaaxidodo, ni va Vaamoni, ni va Vamowabu;

Malakiya 2:11

Yuda u kanganyisile, kutani ku endliwa leswo biha eIsraeleni ni le Yerusalema; hikuva Yuda u hahlurile lexo kwetsima xa Yehovha, lexi a xi rhandzaka, u lovola wanhwanyana wa xikwembu ximbe.

Tinhlayo 25:6

Kavaloko munhu wa vana Vaisraele a ta a tisa eka vamakwavo wansati wa Midiyani, Muxe, ni nhlengeletano hinkwayo ya vana va Israele va n'wi vona, loko va ri karhi va rila enyangweni ya tabernakela ya nhlengeletano.

Duteronoma 7:1

“Kutakuloko Yehovha, Xikwembu xa wena, a ku nghenisile etikweni leri u yaka eka rona ku ri fuma, ni loko xi hlongorile emahlweni ka wena matiko layo tala, va nga Vahiti, ni Vagirigaxi, ni Vaamori, ni Vakanana, ni Vaperesi, ni Vahivhi, ni Vayebusi, ma nga matiko lama ku tlulaka hi ku tala ni matimba,

Duteronoma 23:8

Vana va vona va rixaka ra vunharhu va ta tiva ku nghena enhlengeletanweni ya Yehovha.

Yoxuwa 23:12

“Hikuva loko mi tlhelela endzhaku, ni loko mi namarhela leswi saleke swa matiko lawa lama tshameke exikarhi ka n'wina, ni loko mi tekelana vavasati na vona, kutani mi hlangana na vona, na vona va hlangana na n'wina,

2 TIKRONIKA 8:7

Vanhu hinkwavo lava seleke va Vahiti, ni Vaamori, ni Vaperesi ni Vahivhi, ni Vayebusi lava nga riki Vaisraele,

Ezra 10:2

Kutani Xekaniya, n'wana Yehiele, wa vana va Elamu, a vulavula, a ku eka Ezra: “Hi dyohele Xikwembu xa hina hi ku teka vasati vambe va matiko lawa; hambiswiritano ku tshemba ka ha ri kona eka Vaisraele, emhakeni yoleyo.