Ezra 8:28 - Xitsonga (Bibele)

²⁸ “Mi hlawuleriwe Yehovha, timbita na tona ti hlawulekile loko yi ri silivhere ni nsuku, swilo leswi humeseriwaka Yehovha, Xikwembu xa vatata wa n'wina, hi ku rhandza.

BIBELE Mahungu Lamanene

²⁸ Kutani ndzi ku ka vona: “N'wina mi hlawulekile emahlweni ka HOSI Xikwembu, na swona swibya leswi, swi hlawulekile. Silivhere leyi, na nsuku lowu, vanhu va swi humesile hi ku titwa, va humesela HOSI Xikwembu xa vatata wa n'wina.

Ezra 8:28 Referans Kwoze

Esaya 52:11

Sukani! Sukani! Humani kona! Mi nga khumbi nchumu wa leswi yilaka, humani exikarhi ka wona. Tibasiseni, n'wina lava mi rhwalaka timbita ta Yehovha!

2 TIKRONIKA 24:14

Kuteloko va hetile va tisa mali leyi seleke emahlweni ka hosi na Yehoyada; kutani va endla ha yona swigotso swa yindlu ya Yehovha, swi ri swibya swa ntirho ni swa magandzelo, ni mindzheko, ni swibya swin'wana swa nsuku ni swa silivhere. Va humesa tiholokosta hi masiku hinkwawo endlwini ya Yehovha, eku hanyeni hinkwako ka Yehoyada.

1 TIKRONIKA 23:28

“Hikuva va vekiwile ekusuhi ni vana va Aroni ku tirha ntirho wa yindlu ya Yehovha a va ri valanguteri va swivava ni makamara; va basisa swilo hinkwaswo leswi hlawuriweke va tirha ntirho wa yindlu ya Xikwembu;

Duteronoma 33:8

Eka Levhi, a ku: “Mathumimi ni Maurimi ya wena a ma vekiwe ka muhlawuriwa wa wena, Loyi u n'wi ringeke Masa, Loyi u n'wi tengiseke ematini ya Meriba,

Tinhlayo 7:13

Nhlengo wa yena a wu ri nkamba wa silivhere; ku tika ka wona a ti ri tixikele ta 130, ni nkambana wa silivhere wa tixikele ta 70, hi xikele ya vukwetsimelo; mikamba leyimbirhi a yi tele hi mapa layo saseka lama pfuviweke hi mafurha, ma va ya nyiko;

Eksoda 35:29

Vana va Israele, ni vavasati hinkwavo lava rhandzeke ku tisa swilo swa ntirho hinkwawo lowu Yehovha a nga lerisa Muxe leswaku wu endliwa, va tisela Yehovha nhlengo hi ku rhandza ka vona.

Ezra 8:27

ni mindzheko ya makume mambirhi ya nsuku, ya nxavo wa tidarika ta khume ra madzana, ni timbita timbirhi ta koporo leto saseka, leto vangama kukotisa nsuku, leti ngi i nsuku hi nxavo; ndzi ku eka vona:

1 TIKRONIKA 26:20

Exikarhi la Valevhi, Ahiya a a ri muhlayisi wa xuma xa yindlu ya Xikwembu, ni wa xuma xa swilo leswi hlawuriweke.