Ezra 8:22 - Xitsonga (Bibele)

²² Hikuva a ndzi ri ni tingana ku kombela vandla ra tinhenha, ni vakhandziyi va tihanci eka hosi, leswaku va hi lwela eka valala endleleni, hikuva a hi byerile hosi, hi ku: “Voko ra Xikwembu xa hina ri yimela hinkwavo lava xi lavaka, kasi matimba ni vukari bya xona byi lwa ni hinkwavo lava xi fularhelaka.”

BIBELE Mahungu Lamanene

²² A ndzi nyuma ku kombela hosi ya tiko leswaku yi hi nyika masocha ni vagadi va tihanci leswaku va hi sirhelela eka valala endleleni, hikuva a ndzi yi byerile leswaku Xikwembu xa hina xi sirhelela hinkwavo lava va xi tsakelaka, kambe hinkwavo lava va xi fularhelaka xa va hlundzukela swinene.

Ezra 8:22 Referans Kwoze

1 Petro 3:12

Hikuva mahlo ya Hosi ma languta lava lulameke, ni tindleve ta yona ti yingisela ku khongela ka vona; kambe mombo wa Hosi wu karihela lava endlaka leswo biha.”

2 TIKRONIKA 16:9

Hikuva mahlo ya Yehovha ma fambafamba emisaveni hinkwayo ku tiyisa lava nga va yena hi timbilu hinkwato ta vona. U endlile hi vuhunguki emhakeni leyi, hikuva ku sungula sweswi, u ta va ni tinyimpi.”

Swirilo 3:25

Yehovha u ni tintswalo eka lava n'wi tshembaka, Ni ka moya lowu n'wi lavaka.

2 TIKRONIKA 15:2

kutani a humelela emahlweni ka Asa, a ku eka yena: “Wee Asa, ni va Yuda hinkwenu, ni va Benjamini, ndzi yingiseni! Yehovha u na n'wina loko mi ri na yena; kungakuloko mi n'wi lava, u ta pfumela ku kumiwa hi n'wina; kambe loko mi n'wi tshika, u ta mi tshika.

Pisalema 34:22

Yehovha u kutsula mimoya ya malandza ya yena, Kutani hinkwavo lava chavelaka eka yena, va nga ka va nga avanyisiwi.

Varhoma 8:28

Kambe ha swi tiva leswaku hinkwaswo swi tirhisana swin'we hi vunene eka lava rhandzaka Xikwembu, va nga lava xi va vitaneke hi makungu ya xona lama tiyeke.

1 TIKRONIKA 28:9

Na wena, Solomoni, n'wananga, tiva Xikwembu xa tata wa wena, u xi tirhela hi mbilu leyi tengeke ni ku tsaka ka moya; hikuva Yehovha a kamba timbilu hinkwato, kutani a tivisisa makungu hinkwawo ya ku anakanya. Kungakuloko u n'wi lavisisa, u ta n'wi kuma; kambe loko u n'wi tshika, u ta ku cukumeta hilaha ku nga heriki.

Vaheveru 10:38

Kambe la lulameke u ta hanya hi ku pfumela, kambe kungakuloko a tlhelela endzhaku, moya wa mina a wa ha n'wi tsakeri.”

Ezra 7:6

Ezra yeloyi, a suka eBabilona. A a ri mutsari wa ku tlhariha emilawini ya Muxe, leyi nyikiweke hi Yehovha, Xikwembu xa Israele. Hosi yi n'wi nyika hinkwaswo leswi a swi kombelaka hikuva voko ra Yehovha, Xikwembu xa yena, a ri ri na yena.

Ezra 7:28

Loko ndzi ri mina, ndzi tiya mbilu hilaha voko ra Yehovha Xikwembu xa mina, ingi ri ri ehenhla ka mina hakona, ndzi hlengeleta vakulukumba va Israele leswaku va tlhandluka na mina.

Yoxuwa 23:16

Kutakuloko mi tlula ntwanano lowu Yehovha, Xikwembu xa n'wina, a mi leriseke wona, mi ya tirhela swikwembu swin'wana, mi khinsama emahlweni ka swona vukari bya Yehovha byi ta mi pfurhela kutani mi ta hatlisa mi fa etikweni lerinene leri a mi nyikeke rona.”

Ezra 7:9

A suka eBabilona hi siku ro rhanga ra n'hweti yo sungula, kutani a fika eYerusalema, hi siku ro rhanga ra n'hweti ya vuntlhanu, hilaha voko ra tintswalo ra Xikwembu ingi ri ri na yena.

2 Vakorinto 7:14

Hikuva hambi ndzi tidzunisile ha n'wina emahlweni ka yena, a ndzi khomiwanga hi tingana; kambe hilaha hi mi byeleke swinene timhaka hinkwato, na kona ku tidzunisa ka hina ha n'wina eka Tito; ku kumiwile wu ri ntiyiso swinene.

1 Vakorinto 9:15

Kambe, loko ndzi ri mina a ndzi tipfunanga hi xin'wana xa sweswo; kutani, hambi ndzi tsala timhaka teto, a hileswaku vanhu va ta ndzi endlisa sweswo; hikuva, loko swi ri leswaku munhu a endla ku dzunisa kuloku ka mina swahava, ndzi nga tihlawulela ku fa.

Pisalema 90:11

I mani la tsundzukaka matimba ya vukari bya wena, Ni ku hlundzuka ka wena hi ku chavisa loku ku fanelaka!

Yoxuwa 22:16

“Nhlengeletano hinkwayo ya Yehovha yi vula sweswo, yi ku: ‘Xana ku dyoha ka n'wina loku mi dyoheleke Xikwembu xa Israele hakona hi kwihi, leswi mi fularhelaka Yehovha namuntlha, mi ri karhi mi tiakela alitari ku pfuka Yehovha namuntlha xana?

Ezra 8:31

Hi sukile enambyeni wa Ahavha, siku ra khume na mambirhi ra n'hweti yo rhanga hi kongoma eYerusalema; voko ra Xikwembu xa hina a ri ri na hina, xi hi lamulela emavokweni ya valala, ni lava tumbeleke etindleleni,

Nehemiya 2:9

Kutani ndzi fika eka tihosi ta hase ka nambu, ndzi va nyika mapapila ya hosi, kambe hosi a yi rhumile valerisi van'wana va mavandla, ni vakhandziyi, va ndzi heleketa.

Pisalema 20:8

Vona va oveka va wa ehansi, Kambe hina hi ta pfuka, hi yima hi tiya kona.