Ezra 8:21 - Xitsonga (Bibele)

²¹ Loko ha ha ri enambyeni wa Ahavha, ndzi vula siku ra ku titsona swakudya, hi ta titsongahata emahlweni ka Xikwembu xa hina, leswaku hi tikombelela eka xona riendzo lerinene ra hina, ni ra vana va hina ni ra swilo hinkwaswo swa hina.

BIBELE Mahungu Lamanene

²¹ Loko hi ri le nambyeni wa Ahavha, ndzi vekile siku ra ku titsona swakudya, leswaku hi titsongahata emahlweni ka Xikwembu xa hina, hi kombela eka xona ku basiseriwa ndlela, hina ni vana va hina ni swilo swa hina.

Ezra 8:21 Referans Kwoze

2 TIKRONIKA 20:3

Yoxafati a chava, a tilunghisa ku lava Yehovha, kutani a lerisa va Yuda hinkwavo ku titsona swakudya.

Yuwele 1:14

Lerisani siku ra ku titsona swakudya, mi rhamba nhlengeletano! Hlengeletani vakulukumba ni vaaki hinkwavo va tiko, va ta endlwini ya Yehovha, Xikwembu xa n'wina, mi huwelela eka Yehovha, mi ku: “Yo! Siku leri!”

Esaya 30:21

Kutani tindleve ta wena ti ta twa rito endzhaku ka wena, ri ku: “Ndlela hi leyi, fambani ha yona,” mi nga yi hi ra xinene, kumbe hi ra ximatsi!

1 SAMIELE 7:6

Kavaloko va hlengeletana eMispa, kutani va ka mati, va ma halatela emahlweni ka Yehovha. Va titsona swakudya hi siku lero, va ku: “Hi dyohele Yehovha!” Kutani Samiele a avanyisa vana va Israele eMispa.

Yonasi 3:5

Kutani vanhu va muti wa Ninivha va pfumela eka Xikwembu, kutani va veka siku ra ku titsona swakudya hinkwavo va ambala tinguvu to khwaxa ku sungula eka lavakulu ku yisa eka lavatsongo.

Levhitika 16:29

“Hi wona nawu lowu nga heriki eka n'wina; hi n'hweti ya ntlhanu na timbirhi, hi siku ra khume ra n'hweti, mi ta va ni nhlomulo etimbilwini ta n'wina, mi nga endli ntirho ni wun'we hambi a ri warikwenu, hambi a ri wa matiko la akeke exikarhi ka n'wina.

Levhitika 23:29

Munhu un'wana ni un'wana la nga titsongahatiki esikwini leri, u ta susiwa etikweni ra yena.

Timhaka 2:39

Hikuva ku tshembisa loku, ku hlayeriwe n'wina ni vana va n'wina, ni hinkwavo lava nga ekule, lava va ha taka vitiwa hi Hosi, Xikwembu xa hina.”

Esaya 42:16

Ndzi ta fambisa lavo fa mahlo endleleni leyi va nga yi tiviki, ndzi va fambisa emitileni leyi va nga yi tiviki. Emahlweni ka vona ndzi ta hundzula munyama wu va ku vonakala, ni tintshava ti va rivala; hi leswi ndzi nga ta swi endla, ndzi nga ka ndzi nga va fularheli.

Pisalema 5:8

Yehovha, ndzi fambise eku lulameni ka wena hikwalaho ka lava lwaka na mina. U lunghisa ndlela ya mina emahlweni ka mina.

Ezra 8:15

Ndzi va hlengeleta enambyeni lowu khulukelaka eAhavha, kutani hi gova kona masiku manharhu. Kuteloko ndzi kamberile tiko ni vaprista, ndzi nga kumi na un'we wa vana va Levhi;

Yeremiya 10:23

Oho Yehovha, ndza swi tiva, ndlela ya munhu a yi le matimbeni ya yena, kambe munhu la fambaka a nga ka a nga lulamisi riendzo ra yena.

Esaya 58:5

Xana hi kona ku titsona swakudya loku nga ndzi tsakisaka, siku munhu a tsongahatisaka moya wa yena ha rona xana? Ku korhamisa nhloko kukotisa rihlanga, ku tilata esakeni, ni le nkumeni, xana hi swona leswi u swi vulaka ku titsona swakudya-ke, siku leri tsakisaka Yehovha xana?

Esaya 58:3

‘Swa hi pfuna yini ku titsona swakudya, loko u nga swi voni? Ni ku tsongahatisa mimoya ya hina, loko u nga vuri nchumu ha swona?’ Vonani siku lero mi titsonaka swakudya, mi endla leswi mi tsakisaka, mi khoma mitirho ya N'wina hinkwayo.

Esaya 49:10

va nga ka va nga vi na ndlala ni torha; mumu ni dyambu swi nga ka swi nga va hisi, hikuva loyi a va twelaka vusiwana u ta va fambisa, a va yisa ematini lama khulukaka.

Swivuriso 3:6

U n'wi nghenisa emakungwini ya wena hinkwawo, U ta lulamisa tindlela ta wena.

Vaavanyisi 20:26

Kutani vana va Israele hinkwavo ni tiko hinkwaro, va tlhandlukela eBetele va karhi va rila, va yima kona emahlweni ka Yehovha, va titsonile swakudya hi siku rero, ku fikela madyambu, va humesela Yehovha magandzelo lama hisiwaka, ni magandzelo ya ku khensa.

Levhitika 16:31

Ri ta va siku ra ku wisa eka n'wina, ni ra nhlomulo etimbilwini ta n'wina; i ku lerisa loku nga heriki.

Esaya 35:8

Gondzo ri ta va kona, ni ndlela leyi vuriwaka ndlela yo kwetsima; a ku na munhu wa thyaka la nga ta hundza kona; yi ta va ya lavo lulama ntsena. Lava nga ta famba endleleni yoleyo, hambi xi ri xiphukuphuku va nga ka va nga lahleki.

Pisalema 8:2

Wa tiyisa matimba ya wena hi milomu ya swihlangi ni ya lava an'waka. Hikwalaho ka lava lwaka na wena, Ku miyeta nala wa wena, ni la tirihiselaka.

Ezra 8:31

Hi sukile enambyeni wa Ahavha, siku ra khume na mambirhi ra n'hweti yo rhanga hi kongoma eYerusalema; voko ra Xikwembu xa hina a ri ri na hina, xi hi lamulela emavokweni ya valala, ni lava tumbeleke etindleleni,

Tinhlayo 14:31

Vananyana va n'wina lava mi nga te henhla ka vona leswaku va ta khomiwa hi valala, ndzi ta va nghenisa, kutani va ta tiva tiko leri mi ri sandzeke.

Tinhlayo 14:3

Xana Yehovha u hi yisela yini etikweni leri leswaku hi ya wa kona hi tlhari, ni leswaku vasati va hina, ni vananyana va hina va khomiwa? Xana a swi nga hi sasekeli loko hi tlhelela eEgipta-ke?”

Yonasi 3:7

Kutani yi rhuma ku tivisa ni ku twarisa hinkwako Ninivha, hi ku lerisa ka hosi ni tindhuna ta yona, leswaku: “Vanhu, ni swifuwo, hambi ti ri tihomu ni tinyimpfu, swi nga tshuki swi dya nchumu; swi nga tshuki swi dya, hambi ku ri ku nwa mati,

2 TIKRONIKA 20:4

Kavaloko Vayuda va hlengeletana ku lava matimba eka Yehovha, va suka ni le mitini hinkwayo ya Yuda, va ta lava Yehovha.

Nehemiya 9:1

Hi siku ra makume mambirhi na mune ra n'hweti leyi, vana va Israele va hlengeletana ku titsona swakudya, va ambele maxuka layo khwaxa, va tikhuva tinhloko hi ntshuri.

Estere 4:16

“Famba u ya hlengeleta Vayuda hinkwavo lava nga kona eXuxani; mi titsona swakudya ematshan'weni ya mina; mi nga tshuki mi dya, ni loko ku ri ku nwa hi masiku manharhu, vusiku ni nhlekanhi; na mina ni vanhwanyana va mina, hi ta titsona swakudya sweswo, ndzi ta nghena eka hosi, ni loko nawu wu nga pfumeri; hambi ndzi nga dlawa, a ndzi dlayiwe.”

Pisalema 5:9

Hikuva a ku na ku tshembeka emilon'wini ya vona; Timbilu ta vona ti tele vumbabva, Mikolo ya vona i masirha lama ahlameke, Tindzimi ta vona ti ni marito ya ku kanganyisa.

Pisalema 137:1

Etimbuweni ta milambu ya Babilona, A hi tshama hi rila loko hi tsundzuka Siyoni.

Yeremiya 42:3

leswaku Yehovha, Xikwembu xa wena, a hi kombisa ndlela leyi hi fanelaka ku famba ha yona, ni lexi hi fanelaka ku xi endla.”

Daniele 9:3

Kutani ndzi tlakusa mahlo ya mina eka Hosi Xikwembu, ndzi tilunghisela ku khongela ni ku kombela hi ku titsona swakudya; ndzi funengele nguvu leyo khwaxa, ni nkuma.