Ezra 7:27 - Xitsonga (Bibele)

²⁷ A ku vongiwe Yehovha, Xikwembu xa vatata wa hina, lexi vekeke timhaka letonghasi embilwini ya hosi, ta ku dzunisa yindlu ya Yehovha eYerusalema, ni la ndzi kumiseke tintswalo eka hosi, ni ka tindhuna ta yena ta huvo, ni ka tihosana hinkwato ta matimba ta hosi!

BIBELE Mahungu Lamanene

²⁷ A ku dzunisiwe HOSI Xikwembu xa vatatana lexi xi nyikeke hosi ya tiko miehleketo ya ku sasekisa yindlu ya xona le Yerusalema;

Ezra 7:27 Referans Kwoze

Ezra 6:22

Va endla nkhuvo wa swinkwa leswo kala comela, hi masiku ya ntlhanu na mambirhi hi ku tsaka, hikuva Yehovha a a va tsakisile, ni ku kucetela mbilu ya hosi ya Asiriya, leswaku yi tiyisa mavoko ya vona emitirhweni ya yindlu ya Xikwembu, ya Xikwembu xa Israele.

Esaya 60:13

Ku twala ka Lebanoni, ni kipresi, ni nkuhlu, ni n'wambula, swi ta ta swin'we ka wena, ku bombisa xivandla xa mina xa ku kwetsima, kutani ndzi ta twarisa xivandla lexi milenge ya mina yi yimaka ka xona.

Nhlavutelo 17:17

Hikuva Xikwembu xi nghenisile etimbilwini ta swona ku endla makungu ya xona hi ku pfumelelana, ni ku nyika xivandzana ku fuma ka vona, ku ko ku hetiseka marito ya Xikwembu.

Yakobo 1:17

ku nyika hinkwako loku sasekeke, hambi ku ri ku ha hinkwako loku hetisekeke, ku ta hi le henhla, ku xika hi le ka Tata wa ku vonakala, loyi a nga riki na ku hundzuka, hambi wu ri ndzhutinyana kona.

Vaheveru 10:16

hikuva kuteloko wu rhangile hi ku vula leswaku: “Hi wona ntwanano lowu ndzi nga ta wu endla na vona loko ku hundzile masiku walawo, ku vula Hosi, ndzi ta nghenisa milawu ya mina etimbilwini ta vona, ndzi yi tsala eswifuveni swa vona”;

Vaheveru 8:10

Hikuva ntwanano lowu ndzi nga ta wu vekela yindlu ya Israele, endzhaku ka masiku lawa, hi lowu, ku vula Hosi: Ndzi ta veka milawu ya mina eku anakanyeni ka vona, ndzi yi tsala etimbilwini ta vona, ndzi ta va Xikwembu xa vona, vona va va tiko ra mina.

2 Vakorinto 8:16

A hi khenseni Xikwembu lexi ngheniseke ku chivirika ku ri kun'we embilwini ya Tito ni ya mina hikwalaho ka n'wina,

Nehemiya 2:12

kutani ndzi suka nivusiku, ndzi ri ni vanhu va nga ri vangani, hikuva a ndzi byelanga munhu leswi Xikwembu xa mina xi swi vekeke embilwini ya mina, leswaku ndzi ya swi endla eYerusalema, kambe a ndzi nga ri na xifuwo ximbe, loko xi nga ri lexi ngi ndzi xi khandziyile.

Nehemiya 2:8

Kambe a ndzi nyikiwe papila leri yaka eka Asafa, mukamberi wa swihlahla swa hosi, leswaku a ta ndzi nyika timhandze ta ku endla timbanti ta tinyangwa ta khokholo ra yindlu ya Yehovha, ni ta rirhangu ra muti, ni ta yindlu leyi ndzi nga ta tshama eka yona.” Hosi yi ndzi nyika mapapila walawo hilaha voko ra vunene bya Xikwembu xanga ngi ana ri le ka mina.

Vafilipiya 4:10

Ndzi tsakile ngopfu eHosini hikuva sweswi, mi tlhela mi pfuxeta ku anakanya ka n'wina ku ndzi pfuna; kasi kunene a ma ha anakanya, kambe a mi pfumala mikarhi.

Swivuriso 21:1

Mbilu ya hosi i xinambyana xa mati evokweni ra Yehovha, U yi fambisa hinkwako laha a rhandzaka kona.

Nehemiya 7:5

Kutani Xikwembu xa mina xi nghenisa embilwini ya mina ku anakanya ka ku hlengeleta vakulukumba ni tihosana ni tiko, leswaku va hlayiwa hi tinyimba ta vona; ndzi kuma buku ya tinyimba ta lavo rhanga, ndzi kuma kona va tsarile va ku:

Eksoda 8:9

Muxe a ku eka Faro: “U nga tidzunisa ha mina! Ndzi byele nkarhi lowu ndzi nga ta ku khongelela ha wona, wena ni malandza ya wena, ni tiko ra wena, leswaku mitlambya yi suka eka wena ni le tindlwini ta wena, yi sala enambyeni ntsena.”

2 TIKRONIKA 31:8

Hezekiya ni tihosana va ta vona tinhulu leti, kutani va khensa Yehovha ni tiko ra yena ra Israele.

Luka 7:5

hikuva u rhandza tiko ra hina, nakambe u hi akele sinagoga.”