Ezra 7:26 - Xitsonga (Bibele)

²⁶ Mani na mani la nga endliki hi milawu ya Xikwembu xa wena, ni milawu ya tihosi, a a avanyisiwe, kumbe hi ku dlawa, kumbe a hlongoriwa, kumbe ku dyiwa swilo swa yena kumbe a nghenisiwa ekhotsweni.”

BIBELE Mahungu Lamanene

²⁶ Un'wana na un'wana loyi a nga ta ala ku yingisa nawu wa Xikwembu xa wena ni nawu wa tiko, a nga tsetseleriwi, a a avanyisiwe; a nga ha avanyiseriwa rifu, kumbe a hlongoriwa etikweni, kumbe a tekeriwa swilo swa yena, kumbe a pfaleriwa ekhotsweni.”

Ezra 7:26 Referans Kwoze

Ezra 6:11

Ndzi lerisa ndzi ri mina, ndzi ku: Rito leri ra mina loko ri hambuxiwa hi munhu, mhandze yi ta hlomuriwa endlwini ya yena, yi yimberiwa, kutani a beriwa eka yona; yindlu ya yena yi ta hundzuriwa tala hikwalaho ka swona.

Daniele 6:26

Ndzi lerisa leswaku eku anameni hinkwako ka ku fuma ka mina, vanhu va fundzha ni ku chava Xikwembu xa Daniele, hikuva hi xona Xikwembu lexi hanyaka, lexi tshamaka hilaha ku nga heriki, ni ku fuma ka xona ku nga ka ku nga herisiwi, ni vuhosi bya xona a byi na makumu.

Pisalema 52:5

Hikwalaho Xikwembu xi ta ku heta hi laha ku nga heriki, Xi ta ku khoma, xi ku susa entsongeni wa wena, Xi ku tsuvula emisaveni ya lava hanyaka.

2 TIKRONIKA 30:12

Voko ra Yehovha ri va kona ni le tikweni ra Yuda ku va nyika mbilu yin'we ku endla hilaha hosi ni tihosana ti leriseke hakona hi rito ra Yehovha.

Ezra 6:12

Kutani Xikwembu lexi akiseke vito ra xona kona, a xi wisele ehansi hosi yin'wana ni yin'wana, ni tiko rin'wana ni rin'wana leri nga ta tlakusa voko ku hambuxa mhaka leyi, ni ku onha yindlu yoleyo ya Xikwembu leyi nga eYerusalema. Mina, Dariyosi ndzi swi lerisile; endlani hakona sweswi.”

Duteronoma 27:26

“ ‘A ku rhukaniwe mani na mani la nga tiyiseriki marito ya nawu lowu hi ku endla ha wona!’ Kutani tiko hinkwaro ri ta hlamula ri ku: ‘Amen!’

Ezra 10:4

Yima, hikuva mhaka leyi yi na wena, hi ta ku yimela, tiyisa mbilu, u tirha.”

Ezra 10:8

“Hlengeletanani eYerusalema, kutani mani na mani la nga tiki hi masiku manharhu hi ku vula ka tihosana ni vakulukumba, swilo hinkwaswo swa yena swi ta dyiwa, yena a humesiwa enhlengeletanweni ya lava tlheleke eku bohiweni.”